واحد صاحبى باع كيا سيراتو عشان بتتسرق كتير

[kar!m]

امبارح لقيت واحد صاحبى شكله كده متضايق فى الشركة فبقول له مالك و فى ايه قال لى أصلى بعت العربية.

قلت له ليه؟ قالى لى أصلها بتتسرق كتير و انا خفت و كده .. و أعرف ناس كتير العربيات بتاعتهم اتسرقت!

العربية موديل 2010 .. فتحة سقف و بصمة .. جنوط 16 .. عامله 43 ألف كيلو ... فابريكة بالكامل طبعا.

هو باعها ب 93 ألف .. و كان جايبها السنة اللى فاتت ب 107 ألف .. كانت عاملة الاف 3 كيلو.

على فكرة واحد زميلى برضه باع عربيتة الباسات .. و مش راضى يشترى تانى .. عشان العربيات بتتسرق.

ياريت كل الناس تاخد بالأسباب .. و تحاول تأمن عربياتها على قد ما تقدر .. و ربنا يسترها علينا جميعا.

[minicooper20]

مش علشان بتسرق ابعها ياعنى طيب منا ممكن بيتى يتسرق

[ابو ليلى]

مش عارف اقول ايه ..بس اكيد هو مقتنع بالسبب ده
بس عايزك تساله على حاجه
هو بعها علشان هى سيراتو ومنتشر سرقتها ؟
ولا علشان عموما العربيات بتتسرق ؟

[SAMEH_FOUAD]

هو المفروض اللى يسيبها على ربنا واللى ربنا عايزة هيكون وكل العربيات بتتسرق مش السيراتو بس , وعموما خلاص هو باع فاميش فايدة من الكلام

[Cutevampire]

شكلي هاعمل زيه

[Mshawky]

هو اقدر اقول عنده حق شويه انا بقالى كام يوم كل امنزل الاقى المرايه مسروقه والعربيات حواليا مفيهاش حاجه فمعنى كده فعلا انها مستهدفه فى قطع الغيار بالاخص الخفيفه مريايات وهكذا

[SheNo0o]

انا بالفعل هعمل زيه برده لان ده الصح ف الوقت ده ف بلدنا العزيزة دي

[eng_maged]

ربنا يستر

[kar!m]

مش عارف اقول ايه ..بس اكيد هو مقتنع بالسبب ده
بس عايزك تساله على حاجه
هو بعها علشان هى سيراتو ومنتشر سرقتها ؟
ولا علشان عموما العربيات بتتسرق ؟

تخيل انت كل يوم بتسمع عن عربية سيراتو اتسرقت هتعمل ايه؟ هو سمع عن 4 سيراتو اتسرقوا.

الغرض من الموضوع ان الناس تاخد بالها .. و الناس كلها .. مش ملاك السيراتو بس يعنى.

و ربنا يسترها علينا جميعا.

[medo111]

اكيد معاه حق وبالذات في عربيه منتشره زي السيراتو بتتسرق كتير اوي لان لما تتقطع هتتباع علي طول

[fineart607]

ربنا يطمنكم استرها يا رب استرها على الجميع

[devil_storm]

امبارح لقيت واحد صاحبى شكله كده متضايق فى الشركة فبقول له مالك و فى ايه قال لى أصلى بعت العربية.

قلت له ليه؟ قالى لى أصلها بتتسرق كتير و انا خفت و كده .. و أعرف ناس كتير العربيات بتاعتهم اتسرقت!

العربية موديل 2010 .. فتحة سقف و بصمة .. جنوط 16 .. عامله 43 ألف كيلو ... فابريكة بالكامل طبعا.

هو باعها ب 93 ألف .. و كان جايبها السنة اللى فاتت ب 107 ألف .. كانت عاملة الاف 3 كيلو.

على فكرة واحد زميلى برضه باع عربيتة الباسات .. و مش راضى يشترى تانى .. عشان العربيات بتتسرق.

ياريت كل الناس تاخد بالأسباب .. و تحاول تأمن عربياتها على قد ما تقدر .. و ربنا يسترها علينا جميعا.

بس انت بتقول انها بصمة واللى اعرفة ان البصمة صعب سرقتها علشان فيها ايموبليزر!!! حد يعرف عربية بصمة اتسرقت بس يكون متاكد مش سمع؟؟؟ و متكنش اتسرقت بالاكراة

[eng_maged]

بس انت بتقول انها بصمة واللى اعرفة ان البصمة صعب سرقتها علشان فيها ايموبليزر!!! حد يعرف عربية بصمة اتسرقت بس يكون متاكد مش سمع؟؟؟ و متكنش اتسرقت بالاكراة

هوندا سيفيك 2009 وفي حد كان عامل عنها موضوع هنا فب المنتدى

[hazemhassan]

اناواحد قريبى معجب بالسيراتو جدددا وعايز يجبها بس خايف انها تتسرق ومش راضى يجبها مع انها الاختيار الامثل من سعر وكماليات
بس حد سمع الفئة اللى فيها بصمة اتسرقت ولا لا

[kar!m]

اناواحد قريبى معجب بالسيراتو جدددا وعايز يجبها بس خايف انها تتسرق ومش راضى يجبها مع انها الاختيار الامثل من سعر وكماليات
بس حد سمع الفئة اللى فيها بصمة اتسرقت ولا لا

خليه يتوكل على الله .. بس يجيب قفل دركسيون و ياخد احتياطاته.