إعـــــــلان

Collapse

.

,
See more
See less

رابطة الوحوش ملاك السيفيا (ج2)

Collapse
This topic is closed.
X
X
 
  • Filter
  • الوقت
  • Show
Clear All
new posts

  • السلام عليكم يا جماعة
    انا اسمي اشرف / مصمم جرافيك
    انا قريت كتير عن السيفيا وعرفت انها افضل من اللانوس 1 فى حاجات كتير
    بس الكل متفق ان قطع الغيار بتاعتها صعبة شوية
    وده اللى قالقني
    علشان بس ما أطولش عليكما انا معايا 40000 وعايز اجيب عربية حلوة وتقريبا كده هترسي علي سيفيا وبم اني عانيت كتير فى موضوع ندرة قطع الغيار فى عربيات كانت معايا ف أنا خايف ل تحصلي نفسي المشكلة تاني
    وبفكر اني اجيب حاجة أوتوماتيك ... لأهل الخبرة تنصحوني بالاتوماتيك ولا خليني فى العادة احسن
    وشكرا مقدما
    اهلا بحضرتك شرفتنا فى الرابطه
    وان شاء الله الامور تمشى تمام


    أهلا بيك يا أستاذ أشرف

    حضرتك مين قال ان قطع غيار السيفيا نادرة أو صعبة الوجود ؟ أنا أهو لسه شارى العربية من اسبوعين وعندى حاجات كتير عايزة تظبيط ومن أول زرار المرايات ودراع النور لغاية السيور والفلاتر كله متوافر والحمد لله وعندك منه جديد واستيراد وبدل المحل اتنين وثلاثة سواء فى الجديد أو الاستيراد يعنى تختار اللى أنت عايزه ومحدش حايستغلك أو يضحك عليك فى سعر .

    بالنسبة للاوتوماتيك فبلاش منه فى السيفيا خليك فى المانيوال احسن أنا شوفت كذا خد فى الرابطة وبرا الرابطة بيشتكى منه فخليك فى المضمون والاكتر احتمالا وأقل اعطالا المانيوال ... وربنا يوفقك للى فيه الخير
    كلام فى الجون

    الف شكر على الاهتمام
    طب سؤال تاني... عند حضرتك خلفية ايه اكتر حاجة ممكن تبوظ فيها واحتاج اني اصرف عليها
    وايه اخبار اسعار قطع الغيار اللى حضرتك اشتريتها
    وسؤال اخير معلش
    تفتكر 40000 ممكن يجيبوا عربية حلوة ونضيفة ولا هحتاج اني اصرف تاني
    انا قريت انهم يجيبوا مو 2000 كوري بس مش عارف بقي الحالة ايه
    حاول حضرتك تزود شويه عشان تجيب حاجه متصرفش عليها غير طقم الصيانه بتعتها
    ولو موديل 99 برضوا كويس اوى
    بالنسبه لشىء معين ده بيعتمد على حضرتك يعنى هتهتم بالصيانه بتعتها وهتديها هتديك ومش هتقولك لا
    وبصراحه انا معايا سيفيا لو فى حاجه معينه اقدر اشتكى منها طرمبه الباور عاوزه معامله خاصه شويه
    غير كدا لو هنقارنها باى عربيه كورى فى نفس السعر او اعلى هختار السيفيا حتى لو هقارنها بكورى جديد
    وقطع الغيار عاديه جدا زى الانوس يعتبر
    والجميل فى الموضوع ان دلوقتى فى كل مكان هتلاقى قطع غيار كيا بعد المبيعات الى حققتها فى الفتره الى فاتت واكيد اى محل قطع غيار كيا هلتاقى فيه سيفيا وةكذلك الاستيراد
    ان شاء الله ربنا يكرمك بحاجه كويس وتبقى سيفياوى

    [CENTER][B]Esam Mosaad[/B]
    [B][/B][/CENTER]

    H A R D

    Comment


    • هى العريبة فيها شوية عيوب بس ممكن تتلافها لو بتعتنى بيها ، يعنى مثلا التابلوه لو فضل فى الشمس كتير بيطق فأنت خليك مداوم على الشماسة أو غطا للعربية ، حاجة تانية اللى هى طرمبة الباور ودى عايزة مداومة على متابعة مستوى الزيت وحاول ما تلفش الدركسيون للاخر ، برضو علبة الفيوزات لو حطيتلها فيوزات صينى أو اتعمل فيها شغل بلدى بتعمل مشاكل

      بالنسبة للمبلغ اللى معاك فهو ممكن يجيبلك سيفيا بس مش مضمون حالتها عاملة ازاى ... المتوسط فى السوق دلوقتى 42 أو 43
      بالنسبة للصرف فأنت حاتصرف حاتصرف لأنك ما بتبقاش عارف اللى قابلك عمل ايه حتى لو قالك زيادة اطمئنان منك أنت لازم حاتغير الحاجات بنفسك ... أنا أهو جايب عربية ب 44 وصارف عليها لغاية دلوقتى 1300 جنيه ولسه فيه تظبيطات تانية بس أنا مش مقياس لانى من النوع اللى بيحب ما يسيبش فتفوتة فى العربية مش شغالة

      أنت المهم تستخير ربنا وتشوفلك حد بيفهم فى العربيات ينزل معاك
      رحلتى مع الالفا روميو156 : http://www.nilemotors.net/Nile/359168-156.html
      رابطة ملاك الكيا برايد : http://www.nilemotors.net/Nile/211218-a.html

      Comment


      • سبحان الله أنا وعصام كتبنا مداخلة فى نفس الوقت وقلنا فيها نفس الكلام
        رحلتى مع الالفا روميو156 : http://www.nilemotors.net/Nile/359168-156.html
        رابطة ملاك الكيا برايد : http://www.nilemotors.net/Nile/211218-a.html

        Comment


        • أنا أهو جايب عربية ب 44 وصارف عليها لغاية دلوقتى 1300 جنيه ولسه فيه تظبيطات تانية بس أنا مش مقياس لانى من النوع اللى بيحب ما يسيبش فتفوتة فى العربية مش شغالة
          مش كنت اخذت عربيتى وريحت نفسك
          بس ايه انت اخذت حقك وزياده
          دنا الكوتشى لسه مبلول لحد دلوقتى
          بس انت برضوا اخذت شويه حجات من ريحتها :p

          بس والله ربنا يباركلك فيها انت بعد الصيانه هتحس انك راكب زيروا
          [CENTER][B]Esam Mosaad[/B]
          [B][/B][/CENTER]

          H A R D

          Comment


          • المشاركة الأصلية كتبت بواسطة h a r d مشاهدة المشاركة
            مش كنت اخذت عربيتى وريحت نفسك
            هو أنت يعنى لازم تفكرنى كل شوية بعربيتك ما قلتلك بقى كده احسن .... كانها ابنى اللى بربيه على ايدى ومنها انت لسه معانا فى الرابطة وكمان مش حتلاقى حاجة تعجبك من بعدها إلا فى فئات غالية كتير عنها


            بس ايه انت اخذت حقك وزياده
            دنا الكوتشى لسه مبلول لحد دلوقتى
            بس انت برضوا اخذت شويه حجات من ريحتها :p
            أنت لسه شوفت حاجة ده أنا حاطلع عليك القديم والجديد .... ماتنساش تبقى تحضر العفريتة للجمعة الجاية وأنا عليا السنج والمطاوى تحسبا للظروف

            بس والله ربنا يباركلك فيها انت بعد الصيانه هتحس انك راكب زيروا
            وهو ده اللى مصبرنى عليها ربنا يباركلى فيها ويديلى خيرها ويبعد عنى شرها
            رحلتى مع الالفا روميو156 : http://www.nilemotors.net/Nile/359168-156.html
            رابطة ملاك الكيا برايد : http://www.nilemotors.net/Nile/211218-a.html

            Comment


            • السلام عليكم..............الاخوة وحوش السيفيا؟....أنا عندي كيا سيفيا 2000 الكوري..للبيع..دواخل زيرو الحالة العامة ممتازة..لسة مغير لها موتور كامل مفكوك من نصف استيراد -عفشة كاملة -4 فرد كاوتش بيريللي -كسوة جديدة يعني كنت بعملها لنفسي بس للأسف أصابة في الجانب اليمين بتخلي سواقة المانيوال مرهقة بالنسبة لي.ودة سبب البيع للتغيير للاوتوماتيك..فلو حد مهتم ممكن يراسلني .او يكلمني.وأن شاء اللة خير...المطلوب 45000 (01222940066 ----01112940066 /مهندس /حسام الحسيني)...متابع قديم.

              Comment


              • المشاركة الأصلية كتبت بواسطة mano1450 مشاهدة المشاركة
                السلام عليكم يا جماعة
                انا اسمي اشرف / مصمم جرافيك
                انا قريت كتير عن السيفيا وعرفت انها افضل من اللانوس 1 فى حاجات كتير
                بس الكل متفق ان قطع الغيار بتاعتها صعبة شوية
                وده اللى قالقني
                علشان بس ما أطولش عليكما انا معايا 40000 وعايز اجيب عربية حلوة وتقريبا كده هترسي علي سيفيا وبم اني عانيت كتير فى موضوع ندرة قطع الغيار فى عربيات كانت معايا ف أنا خايف ل تحصلي نفسي المشكلة تاني
                وبفكر اني اجيب حاجة أوتوماتيك ... لأهل الخبرة تنصحوني بالاتوماتيك ولا خليني فى العادة احسن
                وشكرا مقدما
                اهلا بحضرتك معانا في الرابطة وان شاء الله تبقي سيفياوي قريب وخليك في المانيوال أفضل وانا عارض عربيتي للبيع

                Comment


                • المشاركة الأصلية كتبت بواسطة h a r d مشاهدة المشاركة
                  اهلا بحضرتك شرفتنا فى الرابطه
                  وان شاء الله الامور تمشى تمام



                  كلام فى الجون


                  حاول حضرتك تزود شويه عشان تجيب حاجه متصرفش عليها غير طقم الصيانه بتعتها
                  ولو موديل 99 برضوا كويس اوى
                  بالنسبه لشىء معين ده بيعتمد على حضرتك يعنى هتهتم بالصيانه بتعتها وهتديها هتديك ومش هتقولك لا
                  وبصراحه انا معايا سيفيا لو فى حاجه معينه اقدر اشتكى منها طرمبه الباور عاوزه معامله خاصه شويه
                  غير كدا لو هنقارنها باى عربيه كورى فى نفس السعر او اعلى هختار السيفيا حتى لو هقارنها بكورى جديد
                  وقطع الغيار عاديه جدا زى الانوس يعتبر
                  والجميل فى الموضوع ان دلوقتى فى كل مكان هتلاقى قطع غيار كيا بعد المبيعات الى حققتها فى الفتره الى فاتت واكيد اى محل قطع غيار كيا هلتاقى فيه سيفيا وةكذلك الاستيراد
                  ان شاء الله ربنا يكرمك بحاجه كويس وتبقى سيفياوى

                  شكرا لرد حضرتك ...وللمعلومات المفيدة اللى حضرتك وضحتهالي
                  وان شاء الله هبقي من السيفياوية قريب :d

                  Comment


                  • المشاركة الأصلية كتبت بواسطة المناور مشاهدة المشاركة
                    هى العريبة فيها شوية عيوب بس ممكن تتلافها لو بتعتنى بيها ، يعنى مثلا التابلوه لو فضل فى الشمس كتير بيطق فأنت خليك مداوم على الشماسة أو غطا للعربية ، حاجة تانية اللى هى طرمبة الباور ودى عايزة مداومة على متابعة مستوى الزيت وحاول ما تلفش الدركسيون للاخر ، برضو علبة الفيوزات لو حطيتلها فيوزات صينى أو اتعمل فيها شغل بلدى بتعمل مشاكل

                    بالنسبة للمبلغ اللى معاك فهو ممكن يجيبلك سيفيا بس مش مضمون حالتها عاملة ازاى ... المتوسط فى السوق دلوقتى 42 أو 43
                    بالنسبة للصرف فأنت حاتصرف حاتصرف لأنك ما بتبقاش عارف اللى قابلك عمل ايه حتى لو قالك زيادة اطمئنان منك أنت لازم حاتغير الحاجات بنفسك ... أنا أهو جايب عربية ب 44 وصارف عليها لغاية دلوقتى 1300 جنيه ولسه فيه تظبيطات تانية بس أنا مش مقياس لانى من النوع اللى بيحب ما يسيبش فتفوتة فى العربية مش شغالة



                    أنت المهم تستخير ربنا وتشوفلك حد بيفهم فى العربيات ينزل معاك



                    ربنا يباركلك فى عربيتك يارب ويكفيك شرها
                    وان شاء الله هحاول اني ازود شوية علشان اجيب حاجة الا حد ما ااصرفش فيها كتير
                    وشكرا على الاهتمام

                    Comment


                    • دلوقتى عاوز اجيب فرش للعربية علشان انا ماشى بفرش الفابريكة و خايف يتوسخ أو يتلسع
                      و كمان الفوجات اجيبهم إستيراد و لا جديد و يا ريت السعار و تتجاب منين سواء إستيراد أو جديد
                      [SIZE=5][marq="2;right;2;scroll"]الحمد لله[/marq]


                      [/SIZE]

                      Comment


                      • شكرا لرد حضرتك ...وللمعلومات المفيدة اللى حضرتك وضحتهالي
                        وان شاء الله هبقي من السيفياوية قريب :d
                        تحت امرك ولو فى اى حاجه احنا فى الخدمه
                        وان شاء الله تبقى سيفياوى قريب

                        دلوقتى عاوز اجيب فرش للعربية علشان انا ماشى بفرش الفابريكة و خايف يتوسخ أو يتلسع
                        و كمان الفوجات اجيبهم إستيراد و لا جديد و يا ريت السعار و تتجاب منين سواء إستيراد أو جديد
                        ادخل قسم الاكسسوارات هتلاقى فى عروض كتير عن فرش العربيات
                        وفى ناس كتير كويسه
                        بالنسبه للفوجات استيراااااااااد ثم استيراااااااااااااااد انا بقالى شهرين دايخ عليهم
                        ومش لاقى للاسف الجديد تعبان ولو فكرت اركب لمبه عاليه او زينون الكشافات هتتحرق
                        [CENTER][B]Esam Mosaad[/B]
                        [B][/B][/CENTER]

                        H A R D

                        Comment


                        • حد يعرف الكراسى بتعتنا عامله كام ؟
                          [CENTER][B]Esam Mosaad[/B]
                          [B][/B][/CENTER]

                          H A R D

                          Comment


                          • يا جدعان حلمى سليمان دباح بغباء
                            مسامير وصواميل عجل الكيا الاصلية بيبعها ب 15 جنيه فى حين الجندى بيبيعها ب 10 يعنى الطقم اللى جيبته ب 80 كنت حدفع فيه 120
                            لسه سائل على طقم اصلاح الاسكاترا لقيت حلمى سليمان بيبيع الاصلى ب 130 والصينى او الكورى ب 80 فى حين الجندى عنده الاصلى ب 90 مش معقول كده يعنى
                            رحلتى مع الالفا روميو156 : http://www.nilemotors.net/Nile/359168-156.html
                            رابطة ملاك الكيا برايد : http://www.nilemotors.net/Nile/211218-a.html

                            Comment


                            • يا جدعان حلمى سليمان دباح بغباء
                              مسامير وصواميل عجل الكيا الاصلية بيبعها ب 15 جنيه فى حين الجندى بيبيعها ب 10 يعنى الطقم اللى جيبته ب 80 كنت حدفع فيه 120
                              لسه سائل على طقم اصلاح الاسكاترا لقيت حلمى سليمان بيبيع الاصلى ب 130 والصينى او الكورى ب 80 فى حين الجندى عنده الاصلى ب 90 مش معقول كده يعنى
                              هقولك ايه غير حقه واخد فى منطقه زى الفل ومعروف هناك اوى
                              وانت بتقول لنفسك بدل مروح مصر الجديده اهو ادفع 5 جنيه زياده وخلاص فى سبيل انو قريب
                              لان الباشا الى جمبيه نيمين اوى وصعب تلاقى عندهم حاجه
                              بمناسبه الصواميل وانا بجرج انهارده لقيت صاموله فى الارض رحت جارى عليها وشايلها قولت فى دماغى الصواميل غاليه ههههههه

                              عندك سولتير يا احمد ده فى الشارع الى ورا حلمى فى مول كبير لسه جديد ممكن تجرب تتعامل معاه وراجل كويس وهيشد معاك كلام

                              بس هوا لسه جديد فلازم تبقى فاهم شكل الحاجه عشان ممكن يديك حاجه مش بتاعت السيفيا :b4_444:

                              انا وغزالى فكرنا قبل كدا فى محل فى المول ده بس عشان ناخد محل هندفع حووالى نص مليون من غير البضاعه


                              قابل عندك بقى هتجيب طقم الاصلاح وهبعلك الاسكترا بثمن واحده جديد 1700 جنيه

                              وهاخد منك حق مشيان الكاوتش الساعه ب 5 جنيه
                              حضرتك بقالك اكتر من 3 ايام ولسه طبعا يعنى هغتنى منك يا احمد
                              [CENTER][B]Esam Mosaad[/B]
                              [B][/B][/CENTER]

                              H A R D

                              Comment


                              • المشاركة الأصلية كتبت بواسطة المناور مشاهدة المشاركة
                                يا جدعان حلمى سليمان دباح بغباء
                                مسامير وصواميل عجل الكيا الاصلية بيبعها ب 15 جنيه فى حين الجندى بيبيعها ب 10 يعنى الطقم اللى جيبته ب 80 كنت حدفع فيه 120
                                لسه سائل على طقم اصلاح الاسكاترا لقيت حلمى سليمان بيبيع الاصلى ب 130 والصينى او الكورى ب 80 فى حين الجندى عنده الاصلى ب 90 مش معقول كده يعنى

                                ارشحلك الجندي طبعا يا احمد كلنا مجربينه وحاجته فعلا ارخص من حلمي
                                بالمناسبة بقي عاوز اعرف طقم الاصلاح ده بيتكون من ايه بالظبط وبالشعرة

                                Comment

                                Working...
                                X