لخبراء البيكانتو - صوت عند لف الدريكسيون

[a_wagih79]

السلام عليكم

العربية البيكانتو عاملة 13500 الف كم موديل 2010

بتعمل صوت عند لف الدريكسيون يمين و يسار ....يشبة صوت تكتكة خفيفة

مع انى لسة عامل صيانة ال10000 من حوالى شهرين و مكنش الصوت موجود خالص

اعمل ايه فيه ده و يا ترى ده عادى و لا ايه ؟؟؟؟؟؟

[a_wagih79]

فين الردود يا جماعة ....... انا قلقت لان البيكانتو الباور بتاعها كهربا و علبة الدريكسيون بتاعتها غالية

[moha4tec]

انت وكيل و الا خليجى .
ممكن يكون التكه دى من ظلطه محشوره فى الكاوتش و بتكتك و انت ماشى
و نصيحه لازم تكشف عليها فى التوكيل عشان لو فيها اسكترا او كبالن لازم تتصلح بسرعه
و متحاولش تجرى جامد بيها

[ahmedsrs]

عادى الصوت ده موجود عندى ممكن يكون صوت مكنة الباور

[a_wagih79]

انت وكيل و الا خليجى .
ممكن يكون التكه دى من ظلطه محشوره فى الكاوتش و بتكتك و انت ماشى
و نصيحه لازم تكشف عليها فى التوكيل عشان لو فيها اسكترا او كبالن لازم تتصلح بسرعه
و متحاولش تجرى جامد بيها

العربية خليجى و عاملها ضمان مع شركة امان الشرق
و بعمل الصيانة فى مركز تكنو وان .... و هو مش صوت ظلطة

[moha4tec]

العربية خليجى و عاملها ضمان مع شركة امان الشرق
و بعمل الصيانة فى مركز تكنو وان .... و هو مش صوت ظلطة

تمام اوى .
حضرتك تروح تكنو وان لانى اسمع عنهم انهم ناس محترمين جدا .و كل الاعضاء بيشكروا فيهم .
و هو لو فى اى مشكله هتتحل تبع الضمان و مش هتدفع اى شىء
و ربنا يسهل و المشكله تتحل
و تكون حاجه بسيطه

[MOSTAFABASAL]

ممكن تشيك على العفشه احسن يكون فيها حاجه مش مربوطة كويس