تعديل تابلوه السيراتو (تعديل جديد )بالصور .موضوع 5 نجوم.

[moha4tec]

الله ينور يا ريس شغل زى الفل

الله ينور عليك يا معلم
انت عارف انا باخد رايك من اول الناس لانى عارف ان انت زوقك عالى و بتقول الصراحه .
و عندك حس فنى عالى .
و بالنسبه للجنط الله ينور .
بس انا عندى تعديل جديد للجنط شكل جديد نوفى لو شفته هتقول ده مش جنط السيراتو ابدا ابدا .
بس لسه الامكانيات مش عندى اول ما اشتريها .هعمل التعديل و اصوره .عشان الادوات هتجيلى من برا مصر بالشحن . و نفس الادوات هعدل بيها التابلوه كمان .تعديل جديد و ان شاء الله هتحس ان التابلوه اتغير نهاءه عن الاول او عن التعديل اللى انا عمله فى الموضوع ده
نورت الموضوع
و السلام ختام

[moha4tec]

ياسلام بقى لو كان نبيتى ولا بنى جملى ماقولكش :)))))))))))))))))

بس متقن جدا ...... خلية نفس لون الكوبية

شهدى باشا .برنس التعديلات .عامل اه .
زوقك عالى جدا طبعا .
بس للاسف ملقتش الالوان دى .ملقتش الجملى مع انه كان هيبقى فاجر جدا .بس النبيتى موجود بس لون كان هيبقى قافل قوى قوى و كمان فرش العربيه و نور العداد احمر و عشان كده عملته احمر
لو كنت لقات الجملى .وش كنت هعمله بس للاسف ملقتش منهم الوان حلوه . كلها كانت الوان مطفيه اوى و الخامه مكنتش حلوه و كمان مكنوش بيمطوا

اللى انا عمله قريب جدا من الكوبيه لانه قريب من النبيتى بس منور .و بيختلف لونه حسب الزاويه و الاضاءه .

[moha4tec]

حلو اوي التابلوة و الحركات الحمرا دي

بس ايه الورق دا و لزقتو ازاي ؟؟

اقولك انا اجيبلك العربية كلها تعمللي التابلوه و هاظبطك ب 2.5 جنيه ايه رائيـــــــــــــــــــك ؟

ربنا يخليكى على زوقك و يكرمك .
الورق ده اسمه كاربون احمر و هو مش بالظبط ورق يعنى عشان بيمط شويه مع الحراره .لكن لو ورق مكنش هيمط و لا كان هياخد الكرفات دى اصلا .

انا عنيا لكل اعضاء نايل موتور و حضرتك .و الموضوع بسيط جدا .بس اهم حاجه هى مصدر الكهربا .لانى اتزليت عشان شوية كهربا و الله .ههههههههههه
انما اى حاجه تانيه عادى بسيطه

[moha4tec]

ماشي جدا مع نور العدادات و اضاءة الكاسيت و كمان فرش العربية فيه احمر و لايقين مع بعض ما شاء الله

ربنا يكرمك و منوره الموضوع .و مشكوره على زوقك العالى .

[moha4tec]

ما شاء ربنا يباركلك فيها ويكفيك شرها والتعديل جميل واحلى ما فيه انك انت اللى عمله بايدك.
ومتنساش تقولنا نوع الخامة ايه وبكام واتلزق بايه زى مااختنا donzi سألت.

شكرا جزيلا يا استاذ مشاكس .
تمام انا اللى عملته بايدى لانه سهل ,و لانى كتير مبلاقيش حد ينفذ اللى فى دماغى او بلاقيه بيتكلم فى مبلغ.
الخامه كاربون احمر و فى منه الوان كتير و ماركات كتير فى منه الصينى و الامريكى و غيرهم .
هو بيجى فيه لزق منه فيه .
و بستخدم الهوت جن فى تسخينه عشان ياخد الكرفات .
و متر الكاربون ب 30 تقريبا بس ده الصينى .
الامريكى مش عارف بكام و نفسى الاقيه بس حظى وحش ,لان فرق الخامه و جودة اللون و الملمس و المطاطيه كمان كبير . و فرق اعتقد يستاهل الفلوس.

[moha4tec]

ما شاء الله جميلة يا أستاذ/ محمد ....
بس لو لون خشبى ( تخشيب ) يمكن كان افضل ....
انت اللى عملتها ولا عند حد ؟
واية الخامة اللى استخدمتها ؟

تمام كلامك صح
بس ملقتش اللون المناسب ,لانى كنت هعمله كده بس ملقتش اللون الجملى منه او الهافان
انا اللى عملتها
استخدمت كاربون احمر . و ممكن استخدام اى لون على حسب مزاجك .
و نورت الموضوع يا استاذ طارق .

[moha4tec]

الجنوط ما شاء الله .... ولا احلى

الله ينور عليك
و نورت الموضوع

[AHMED1718]

مجهود جبار الله ينور

بس لو تسمحلى التعليق

اللون لو كان اغمق كان هيبقا اشد وده رأى

[yasserelsayad]

الله ينور عليك يا معلم
انت عارف انا باخد رايك من اول الناس لانى عارف ان انت زوقك عالى و بتقول الصراحه .
و عندك حس فنى عالى .
و بالنسبه للجنط الله ينور .
بس انا عندى تعديل جديد للجنط شكل جديد نوفى لو شفته هتقول ده مش جنط السيراتو ابدا ابدا .
بس لسه الامكانيات مش عندى اول ما اشتريها .هعمل التعديل و اصوره .عشان الادوات هتجيلى من برا مصر بالشحن . و نفس الادوات هعدل بيها التابلوه كمان .تعديل جديد و ان شاء الله هتحس ان التابلوه اتغير نهاءه عن الاول او عن التعديل اللى انا عمله فى الموضوع ده
نورت الموضوع
و السلام ختام

طيب ابقى افتكرنا بقى يا معلم

[Hosam_Optrawy]

ياتعديلاتك :)

الفكره حلوه بس الاحمر كان عايز يبقى اغمق شويه

والجنوط اصلى الاصلى عجبتنى اوى

ماشاء الله

[ahmed_201091]

محمد باشا واحشنى والله معلش بقالى كتير بعيد عن مواضيعك الخمس نجوم علشان كنت مسافر
التعديل ماشاء الله ربنا يباركلك فى العربية و يحميهالك و شكلوا جميل لكن على حسب اللون ان ساعات اشوفه بلمع و شوية لا
الاحسن من وجهن نظرى ان يكون مبلمعش و يكون غامق شوية

[ls1090]

الله ينور عليك شغل عالى
ما شاء الله

[Haitham10]

اللون الاحمر دة جميل اعتقد هو فاتح في الصور بس عشان الاضاءة
النبيتي كان هيبقي قافل بصراحه واي حد شاف الالوان الكاربون هيعرف
والفضي حلو برضه

بس بصراحه انا ملقتش صنايعي يعملها بفن زي ايدك يا فنان بصراحه تسلم

اضافة جديدة كلها شياكة كعادتك :-)

شكرا ليك لانك شاركتنا معاك

[bakkarahmed]

شغل عالي قوي..تسلم ايدك

[wama1903]

بسم الله ماشاء الله ...الشغل متقن و جميييل جدا...مع اني ما بحبش العربيه تبقى لونين و جبت عربيتي لون واحد بس بصراحه انت عملت شغل جاااااااااااامد