فرامل البيكانتو 2009

[shady3335]

من فضلكم كان اى استفسار هل اى حد واجه مشكلة مع فرامل البيكانتو خصوصا 2009 لان مرة كنت شفت تعليق زى كدة فى المنتدى

عالشان انا معايا الموديل ده و للأسف تحس ان دواسة الفرامل بتوطه مع مشوار طويل و بتبقى ضعيفة

الفكرة انى غيرت تيل و اتحسنت لمدة اسبوع و بعدين رجعت زى الاول و بعدين اخذت هواء من الفرامل اتحسنت يوميين و رجعت تانى نفس المشكلة

انا مش عارف هل كدة عيب سيرفو او ماستر فرامل و الا ايه عالشان كده انا محتاج تجاربكم بخصوص الموضوع ده لو سمحتم و كيفية حل المشكلة و كنت عاوز اعرف بردو زيت الفرامل هل هو ماركة معينة اللى تتزود و الا ايه النظام لان لقيت على الغطاء مكتوب dot 3

يا ريت لو حد يعرف حد فى التوكيل يدالنى عاليه لحل المشكلة دى و شكراااا

[shady3335]

[medo_sirion]

لا حضرتك دة عيب ماستر فرامل والمفروض انة كان بيتغير فى الضمان بس لما تغيرة هيرجع الموضوع تانى لمشكلة ان الفرامل بتوطى والمصيبة بتوطى فجاة
انا كان معايا موديل 2009 اوتومتك فكانت بتحصلى اول ما اجى ادور العربية الصبح وامشى واجى اضرب فرامل فبتخدعنى
استاذ احمد سعد هنا غير الماستر فى التوكيل وممكن تستنى هيدخل يقولك اخبارها اية معاه دلوقتى
اما انا لما العربية بدات تدخل على 10000 ك بدات المشكلة تتحسن ومترجعش زى الاول

[sara2001]

الفرامل في البيكانتو بتوطى فجأه احياناً ومش عارفه ده عيب ايه
لما سألتهم في التوكيل قبل كده قالوا ان ده عيب سيرفو وان دي حاجه عاديه ان الدواسه توطى لو في الزحمه ومفيش حل للمشكله

[shady3335]

الفرامل في البيكانتو بتوطى فجأه احياناً ومش عارفه ده عيب ايه
لما سألتهم في التوكيل قبل كده قالوا ان ده عيب سيرفو وان دي حاجه عاديه ان الدواسه توطى لو في الزحمه ومفيش حل للمشكله

شكرا على الرد بس بصراحة انا بحس ان الناس بتوع التوكيل بيسكتو الناس باى كلام فاضى و خلاص لأنى عمرى ما شفت ده فاى عربية تانية و كان التفسير ان ده عادى

هى العربية اصلا فى الضمان و ماشية 15000 كيلو فقط بس خايف اروح التوكيل و اضيع يوم كامل و فى الاخر يطلعلى واحد هناك يوقالى الكلام الفاضى ده

لازم الموضوع يبقى له حل نهائى عالشان دى فرامل مش اى حاجة تانية ينفع التغاضى عنها .
.

[sara2001]

شكرا على الرد بس بصراحة انا بحس ان الناس بتوع التوكيل بيسكتو الناس باى كلام فاضى و خلاص لأنى عمرى ما شفت ده فاى عربية تانية و كان التفسير ان ده عادى

هى العربية اصلا فى الضمان و ماشية 15000 كيلو فقط بس خايف اروح التوكيل و اضيع يوم كامل و فى الاخر يطلعلى واحد هناك يوقالى الكلام الفاضى ده

لازم الموضوع يبقى له حل نهائى عالشان دى فرامل مش اى حاجة تانية ينفع التغاضى عنها .
.

هي مشكله عامه في البيكانتو وفي التوكيل معندهمش حل لها
و ياريت يكون في حل نهائي

[shady3335]

شكرا لجميع المشاركات

و عاوزيين حل نهائى للموضوع ده

[a_wagih79]

شكرا لجميع المشاركات

و عاوزيين حل نهائى للموضوع ده

+ 111111111111111

[A.Saad]

انا احمد سعد اللى غير الماستر

الاول انا اعرف ان الزيت Dot4 مش 3
قصتى مع التوكيل قصة طويلة
كتبها فراملى وكاوتشى
الفرامل بعد فترة تلاق مشورها طول
رحت روكسى مرة ظبطوها
ابوراش بعدها نفس الوضع

شوية ويرجع
رحت لهم والموضوع تم تصعيده وطلع خبير كورى جرب وقاس ابعاد البدال
ويقولى كله تمام
المهندس خالد فاروق - مدير الصيانة جرب بنفسه وقاللى الفرامل كويسة
وخد قرار بتغيير الماستر
بعد كدة كل 6 شهور بروح بره اخد هوا ورجلاش تيل خلفى
والموضوع ده بعمله عند البلبيسى فى جسر السويس
بس اخر مرة شغله معجبنيش
اللى كان بيشتغل فى العربية صبى عنده ورحت بعد اسبوع ظبطوها تانى
هو متخصص فرامل بس
وان شاء الله هاغير زيت كمان قريب

محمد - ميدو سيريون - قال قبل كدة ان فيه عيب فى الماستر بتاع البيكانتو فى الشكل ده عن الماستر اللى فى الشكل اللى فات
وده سبب المشكلة
موضوع انها بتهبط فى الاشارات بيحصل معايا زى سارة ما قالت
معرفش ده طبيعى بتاع اى عربية تانية ولا لا
لو هتروح
خللى المهندس خالد يغير ماستر
والماستر متغيرش بسهولة
بس جرب تاخد هوا وترجلش برة الاول