مقارنتي بين السول والاسبورتيج

[walidzakzok]

دي مقارنة من جهة نظري بين العربيتين:
1-السعر مقابل القيمة:
السول تتفوق بجدارة..... السول نمرة واحد بتتباع فى الخليج ب 60 الف والاسبورتيج نمرة واحد ب74 الف مع العلم ان الاسبورتيج موتور 2000 سي سي هنا يعني الفرق بينهم بالجنيه المصري =000 14 *162 قرش=22000 جنيه نضيف على الفلوس دي الجمارك وهنعتبرهم شريحة واحدة يبقى هنضرب 22000 فى 1و7 الناتج حوالي 38600 اما الفرق بينهم في مصر 75000 جنيه
يبقى السول في مصر صفقة رابحة

2-سعر اعادة البيع:
الاتنين سعر اعادة بيعهم هتبقى مش حلوة اذا كانت السيراتو مع انتشارها سعر اعادة البيع مش ممتاز.

3-مواصفات العربيتين:
تقريبا واحدة مع تفوق كل منهم في بعض المميزات زي تفوق السول فى النظام الصوتي وتفوق الاسبورتيج فى مساحة الشنطة.انا شايف الفروق بسيطة.

4-المحرك:
انا شايف محرك السول اللي هو محرك السيراتو اكتر عملية لانه بنزين 92
وفرق الاحصنة متعوض في فرق وزن العربيتين يعني من الاخر اتنين زي بعض تقريبا مع الافضلية لمحرك السول بسبب 92

5-البريستيج:
الاسبورتيج اعلى طبعا

6-الشكل الخارجي
الاسبورتيج احلى طبعا

7-الارتفاع عن الارض
اعتقد الاسبورتيج اعلى

الخلاصة:
مش فارق معاك الفلوس وبتحب البريستيج الاعلى يبقى سبورتيج
عملى وبتحب الاوبشنز وسعر ممتاز يبقى السول

ودة كان راي من وجهة نظري المتواضعة

[yasserelsayad]

فى فرق فى التجهيزات بين السول والسبورتاج

السبورتاج فيها زيادة
سقف بانوراما
عدادات رياضية
فاميه
بلوتوث
مثبت سرعة
كرسى سائق كهرباء
فرش جلد كامل حتى ارضية العربية جلد
كاميرا خلفية
مرايات ضم
ESP ثبات الالكترونى
نظام المساعد فى نزول المنحدرات
تكييف dual zone وفيه نظام فلترة الهواء air ionizer
فتيس 6 نقلات
فوانيس ليدات
مرآة زاتية التعتيم
وتقريبا السول مفيهاش كمان مفتاح بصمة

[walidzakzok]

السول 2012 الفيس ليفت فيها حاجات من الاوبشنز اللي انت كاتبها بس هل فرق الاوبشنز يستاهل 75 الف

[i_Am_Legend]

مافيش فرق كبير بين العربيتين وعموما السقف البانوراما مش عملي في مصر وفرق القوة متعوض في الوزن

[walidzakzok]

مافيش فرق كبير بين العربيتين وعموما السقف البانوراما مش عملي في مصر وفرق القوة متعوض في الوزن

فعلا عمر ما الفرق يستاهل 75 الف باي حال من الاحوال

[occullt]

طب لو الواحد عايز حاجه تستاهل المبلغ بتاعها فى نفس برتسيج وامكانيات الاسبورتاج بما فيه الوسع من جوه يكون ايه؟؟؟بس غير السول

[walidzakzok]

ميني suv للاسف مفيش لكن سيدان يبقى فانتازيا او جيتا

[walidzakzok]

السول اللي مضيعها شكلها الخارجي

[fgfg1975]

مع كامل احترامى
المقارنه غير متكافئه
لازم علشان تقارن يكون العربيتين من نفس الفئه مثلا صنى و سيراتو و الينترا
لكن السبورتااااااااااج غير قابله للمقارنه مع السول

[walidzakzok]

مع كامل احترامى
المقارنه غير متكافئه
لازم علشان تقارن يكون العربيتين من نفس الفئه مثلا صنى و سيراتو و الينترا
لكن السبورتااااااااااج غير قابله للمقارنه مع السول

يا باشا العربيتين تصنيفهم ميني suv كمان الاسبورتيج للي بتكلم عليها 1600 4x2

[yasserelsayad]

تستاهل فرق الـ 75 الف فى رأى انت بتاخد كماليات ووسع وحجم اكبر وبرستيج اعلى وعربية شكلها ميختلفش عليه اتنين وبعدين مفيش حاجة اسمها السقف البانوراما مش عملى فى مصر معلش يعنى بدل محطوط فى الكماليات يبقى يحسب للعربية لكن لو مش نازلة بيه كنا قعدنا نقول ليه منزلوهاش بالبانوراما .. لو مش محتاجه اوى شايف كدا هات الفئة اللى قبلها بـ 186 وفرق السعر ساعتها هيبقى 50 الف او هات اول فئة بـ 174 والفرق هيبقى 39 الف لو انت مش شايف ان التجهيزات مهمة اوى.

وبعدين السول الـ face lift لسه منزلتش مصر اصلا ولا اتقال سعرها هيكون كام.

[mohaismail]

لا الفيس ليفت نزلت فى التوكيل خلاص 2012

[walidzakzok]

موجودة يا باشا ب 144 الف

[yasserelsayad]

موجودة يا باشا ب 144 الف

طيب كويس يعنى الفرق بينها وبين الهاى لاين 66 الف وكمان بينها وبين اول فئة 30 الف

[mhmdkhamis]

فى فرق فى التجهيزات بين السول والسبورتاج

السبورتاج فيها زيادة
سقف بانوراما
عدادات رياضية
فاميه
بلوتوث
مثبت سرعة
كرسى سائق كهرباء
فرش جلد كامل حتى ارضية العربية جلد
كاميرا خلفية
مرايات ضم
ESP ثبات الالكترونى
نظام المساعد فى نزول المنحدرات
تكييف dual zone وفيه نظام فلترة الهواء air ionizer
فتيس 6 نقلات
فوانيس ليدات
مرآة زاتية التعتيم
وتقريبا السول مفيهاش كمان مفتاح بصمة

بص يا باشا انا هقولك كلامى بناء على انى راكب السول موديل 2012 التوب لاين

بصراحه الاسبورتاج الهاى لين و ركز معايا على كلمه هاى لين الى هيا ب 213000 الف

بصراحه تفرق كتير عن السول

لكن لو هتقارن التوب لاين بتاعت السول مثلا بالاسبورتاج الفئه الثانيه

فالفرق بس
الليدات
وكرسي السائق الكهربا

كله موجود يا باشا ماعدا نظام المنحدرات ال esp موجود بس فى الهاى لين للاسبورتاج

كل ده طبعا ميمنعش ان الاسبورتاج البرستيج بتاعها اعلى و انا شخصيا شايفها عربيه روعه بس فعلا السول لو هتقارن بين السول التوب لاين او الهاي لاين و الاسبورتاج الهاى لاين ففى فرق حوالى 75 الف جنيه و ده مش بسيط من وجهه نظرى

السول فيها كل الى حضرتك ذكرته عدا ال esp و الكرسي الكهربا و نظام المنحدرات و السول الجديده فيها مثبت سرعه و ليدات و فتيس ابو 6 سرعات + ebd