السيراتو سياره الحوادث الاولي في مصر (صور)

[Typerr]

السلام عليكم ورحمه الله وبركاته
فعلن دي حقيقه السيراتو سياره الحوادث الاولي في مصر لعده اسباب
1/ الانتشار الرهيب للعربيه لانها افضل مبيعات 09/10/11
طبعا كل ما كان نسبه البيع كتير كل ما كان نسبه الحوادث كتير
2/الموتور القوي جدا جدا
3/الثبات المعقول للسياره هي فعلن علي قد سعرها يعني السيراتو بتساوي تمنها
يعني العربيه بعد ال 140 مش بتكون ثابته للطوارئ يعني لو اي حاجه خفيفه قابلتك العربيه بتتقلب بمنتهي السهوله والتحكم فيها بيكون مستحيل تخيل ب 180&200
يعني ان بسوق الاوكتافيا a4 علطول واحيانا الجيتا السيراتو جنبها ثبات معقول جدا جدا علي قدها
يعني وبرضه الناس تبص لناحيه السعر

بمناسبه الحوادث
انا كنت بستلم العربيه من قسم السمكره والدهان لان في بعض الاجزاء هكملها بره وبعدين
هرجعها تترش
انا عربيتي مغيره بابين +عتب يمين + رفرف اماي + 2 فانوس خلفي + مقص + مساعد + كوبلنج يمين
وانا بستلم قولت اصور شويه من المشرحه انا مصور فوق ال 100 صوره بس دي الصور المتوسطه ولا الحوادث الضعيفه ولا الحوادث اللي توجع القلب











كل يوم تقريبا بيجي من 2 ال 10 عربيات كيا سيراتو حوادث
نسبه المقلوب فيهم من ال 10
40%
و60% حوادث الكيا سيرتو هلاك كلي
المعلومه دي من المهندس محمد سعيد رئيس قسم الدهان والسكمره


الهدف الرئيسي من الموضوع
العظه ارجوكم بلاش جري مش هتفرق نهائي في الوقت
احسن سرعه 80&100&120 اخرك 120 صدقني هتبقي ماشي مرتاح وبالك مرتاح وهادي جدا وتوصل انشاء الله بالسلامه باذن الله
في رعايه الله...

[minicooper20]

يالهوى

[Typerr]

يالهوى

امال لو شوفت الباقي هتقول ايه
والله في عربيات عمرك ماتقدر تقول عليها سيراتو الا انها في التوكيل
لاكن دي لو في الشارع مش هتعرف تميزها
في عربيه هناك سيراتو مقلوبه 22 مره علي الرمل

[SGH]

كدة تمام

[ahmedbasto]

هى ايه التاكسيات اللى ورا دى وياريت صورة اللى مقلوبة 22 مرة دى علشان نشوف اخبار الأمان ايه

[nice_bird]

ربنا يستر طريقنا ويقينا شر الحوادث

[Mostafa.Ismail]

بس مفيش علاقة بين الانتشار وارتفاع معدل الحوادث بتاتا!

[Typerr]

بس مفيش علاقة بين الانتشار وارتفاع معدل الحوادث بتاتا!

ازاي ؟
يعني مثلا هديك مثال بسيط جدا
مثلا في السوق المصري2011 كله 100 عربيه
30سيراتو
10 النترا
2 مرسيدس
5 بي ام
مثلا يعني لو نقول ان نسبه الحوادث 30% من اجمالي موديل 2011
هتلاقي ان اعلي نسبه حوادث لاكتر عربيه منتشره في الطرق
بالاضافه الي + انا عوامل الامان فيها ضعيفه جدا لو هنقارن بمرسيدس صفر علي الشمال
اكيد وصلتك وجهه نظري

[masterzmind]

للأسف تقريبااا 60 من العربيات الكورى او 80% بيتقلب بسهولة خاصاااا السيراتو عشان التعليق السىء بتاعها وانا فعلااا اى طريق سريع لا يخلو منه سيراتو مقلوبة على بطنها ..... ولكن سعرها فيها شكل وابشنز= سيراتو

[Hosam_Optrawy]

فى علاقه طبعا بين الانتشار ونسبة الحوادث

والسبب التانى والاهم الناس اللى فاكرينها Aventador ولا 911 تربو ومبيبطلوش جرى فى اى ظروف واى طريق

ربنا يستر طريق الجميع

[ahmedbasto]

يا استاذ حسام موضوع الجرى دة حاجة غريبة ان كانت الناس بتجرى جرى مبالغ فيه بالفيرنا والانوس فطبعا بالنسبة السيراتو حاجة رائعة وهى السيراتو فى نظره 911 تيربو وممكن 458 ايطاليا كمان

[Hosam_Optrawy]

يا استاذ حسام موضوع الجرى دة حاجة غريبة ان كانت الناس بتجرى جرى مبالغ فيه بالفيرنا والانوس فطبعا بالنسبة السيراتو حاجة رائعة وهى السيراتو فى نظره 911 تيربو وممكن 458 ايطاليا كمان

معاك حق

كل واحد لازم يعرف امكانيات عربيته تقدر على ايه ومتقدرش على ايه ومش عيب كل عربيه ليها حدود والا العربيات ماتبقاش فئات واسعار والعربيه اللى ب 100 الف تعمل اللى بتعمله اللى بمليون

دا غير نقطة السواق ومهارته فى السواقه , حتى لو اجمد سواق امكانيات العربيه تحكم

لو ادينا شوماخر سيراتو وقولناله يلا اطلع على سباقاتك طريقك اخضر هايعمل ايه :)

[ahmedbasto]

هيجيب ورا بالمناسبة انا بفتح الأهرام دلوقتى واحد سواق تاكسى اتقلب بفيرنا من على كوبرى اكتوبر يبقى دة اسمه ايه

[Land_Cruiser]

هو أنا فعلا كذا مره الاحظ السيراتو بتجرى و تيجى زلطه تحتها او حتى الطريق يكون مش متسفلت كويس الاقيها عماله بتتنطط من ورا بشكل يخوف و تقريبا الكاوتش اللى ورا ما بيبقاش لامس الارض زى اللى كان بيحصل فى الهيونداى الاكسيل و فعلا معظم الناس فاكرين نفسهم سايقين طيارات مش بتوع السيراتو بس لكن حتى ديناصورات النقل العام

[pirlo2000]

الجري اخرته سودا..........اللهم احفظنا ....!