ركبت هوايات الكارينز الاصلى اللى على الابواب

[ashouhdy]

الاربعة made in korea وعاملين 100 جنية

طبعا اتضحك عليا فى سعرهم لأنى مبعرفش افاصل


حلاوتهم انك وانت فاتح الازاز الهوا مش بيضرب فى وشك وبالتالى بتكون مستمتع :)

غير انى شكلهم انا شايفة حلو :))

كدة بقى ناقص الاسبويلر و الفوجات لقيتهم ب 220 جنية

[ابو ليلى]

لو اصلى مش خسارة فيهم السعر ...جبتهم لونهم ايه ؟

[AutoTycoon]

هي بتتركب ازاي الهوايات دي؟
بتتلزق؟
اصل انا فعلاً موضوع الهوا مع الطريق السريع رخم اوي و بيصدعني.. موجودة لكل العربيات؟ فيرنا مثلاً؟

[Khaled_Nowaihy]

ايه ده !!!!!!!!! الموضوع بقى له اسبوع وما شفتهوش غير دلوقت صدفة !!!!
يا خبر أبيض يا دكتور
انت ناوى تعقدنى ... ههههههه بتلاقى الحاجات الحلوة دى فييييييييييييييييييييييييييييييين ؟؟؟؟؟؟؟؟؟؟؟؟؟؟

أنا نفسى فيهم من زمان ومش عارف ادور عليهم فين

ألف ألف مبروك

[Ayman-Ahmed]

الف مبروك يا دكتور وبعد اذنك:

الهوايات موجودة فى التوفيقية عند محمد ابراهيم وموجودة عند السجان فى الموول وكورى وفيه منهم للفيرنا ومكتوب عليها فيرنا وMade in korea.

جبتهم من سنة ونص تقريبا ب 65 من التوفيقية من السجان ومكتوب عليها مش ورقة ملزوقة.Made in
Korea

بتتلزق بدبل فيس بييجى فيها ولو كورى اصلى هتلاقى اللزق اللى فيها 3M ونصيحة للتركيب : قبل ما تلزقوها على الفيبر بتاع الباب امسحوا الفيبر بكحول وبعدين الزق واضغط جامد هتبقى حديدة بامر الله.

[AHMED1718]

نفسى اركبهم بس كتير عقدونى منها بيقولولى هتبقا تاكسى