سؤال لمالكى ومجربى كيا سول بخصوص ارتفاع العربيه والمطبات

[Hosam_Optrawy]

السلام عليكم

عندى سؤال لمالكى كيا سول او اللى جربوها فى المطبات

وتحديدا الحتت المكسره والحفر والنقر مش المطبات الصناعيه

اخبار العربيه ايه فى الطرق دى من حيث الارتفاع والحك والتخبيط والذى منه ؟

انا معلوماتى ان ارتفاعها عن الارض 16.5 سم ودا ارتفاع معقول يعنى اعلى من اى سيدان تقريبا بس برضه مش عالى لدرجة التيجو والتيريوس مثلا

فقولت اسأل ملاكها او اللى جربوها فى الطرق الوعرة عن التجربه الفعليه فى الطرق دى

ومشكورين مقدما

[Hosam_Optrawy]

فى انتظار ردودكم

[ابو ليلى]

بتسال ليه ياحسام ؟ اعترف

[mhmdkhamis]

لا مفيش اى تخبيط خالص مع المطبات هيا العافشه تحسها ناشفه شويه بس لو حطيت نيتروجين و الضغط كان على 30 هيكون الوضع افضل شويه

[Hosam_Optrawy]

بتسال ليه ياحسام ؟ اعترف

لا ياكبير مش ليا , موش أنى :)

دا واحد حبيبى عايز حاجه عاليه , ومش عاجباه تريوس , وبيفكر فى تيجو بس قلقان منها

قلت اسأل على السول لو عاليه تبقى احسنله

لا مفيش اى تخبيط خالص مع المطبات هيا العافشه تحسها ناشفه شويه بس لو حطيت نيتروجين و الضغط كان على 30 هيكون الوضع افضل شويه

شكرا على الرد ياباشا بس ياترى شوارع اسكندريه زى شوارع القاهره بيتهيألى عندكوا ارحم شويه

عموما مشكور على الرد وفى انتظار رجالة القاهره

[smartchoice]

العربية تمشى فى شوارع مصر العادية زى الفل و ممكن تحك خفيف أوى فى المطبات الغشيمة لو محمل أوزان على الكنبة اللى ورا
بس هى مش عربية off road دى عربية مدينة

[Hosam_Optrawy]

العربية تمشى فى شوارع مصر العادية زى الفل و ممكن تحك خفيف أوى فى المطبات الغشيمة لو محمل أوزان على الكنبة اللى ورا
بس هى مش عربية off road دى عربية مدينة

يعنى الواحد لازم يبقى حذر برضه ماينفعش يخش بقلب جامد فى اى حته :)

عموما مشكور ياباشا على الافاده والاهتمام بالرد

[Ahmed R08]

الحمد لله العربيه عمرها ما حكت معايا فى مطبات حتى وانا معايا 3 ركاب وارتفاعها ممتاز متقلقش من النقطه دى خالص

[Hosam_Optrawy]

الحمد لله العربيه عمرها ما حكت معايا فى مطبات حتى وانا معايا 3 ركاب وارتفاعها ممتاز متقلقش من النقطه دى خالص

ياباشا ربنا يطمنك ومشكور على الرد

بس معلش سؤال عشان تفرق معايا حضرتك تقصد المطبات الصناعيه ولا الحفر والنقر والمطبات اللى فى الشوارع المكسره

ومشكور مره تانيه

[Hosam_Optrawy]

وبالمناسبه لسه قارى خبر عن السول 2012 بالتعديلات والكماليات الجديده

التوكيل عدل فى الفئات بقت بيزك و بيزك + فتحة سقف و هاى لاين

ولغى التوب لاين

موتورها بقى زى الالنترا والفيلوستر 130 حصان , وفتيس اوتوماتيك 6 سرعات

الجميل ان البصمه والايموبليزر بقو اساسى فى كل الفئات والفئه Basic فيها كمان جنوط سبور 16 وطاره ملتى جلد وازاز خلفى فيميه و 1 ايرباج

اللى مش جميل ان ال ABS EBD والايرباج بتاع الراكب الامامى موجودين فى الهاى لاين فقط

الفئه اللى فى النص فيها فتحة سقف + مرايات ضم باشارات وبلوتوث وباركنج سنسور

والهاى لاين فيها زينون وفوانيس LED ومثبت سرعه وكاميرا

الاسعار 123 - 129 - 140

[Hosam_Optrawy]

الجميل ان البصمه والايموبليزر بقو اساسى فى كل الفئات

اسف اتلخبط

جميع الفئات ريموت كنترول مش بصمه لكن الايموبليزر اساسى فى كل الفئات مع ال 1 ايرباج وجنوط 16 و تكييف عادى وفرش الابواب جلد هو والطاره والفتيس والطاره ملتى والازاز فيميه وسبويلر

مفيش بصمه ولا جنط 18 ولا تكييف اوتوماتيك ولا فرش جلد فى اى فئه

[Ahmed R08]

ياباشا ربنا يطمنك ومشكور على الرد

بس معلش سؤال عشان تفرق معايا حضرتك تقصد المطبات الصناعيه ولا الحفر والنقر والمطبات اللى فى الشوارع المكسره

ومشكور مره تانيه

العفو يا فندم واسف على التاخير فى الرد

انا الحمد لله جربت جميع انواع المطبات والحفر والنقر والطرق المكسره والمدقات كمان انا شغلى فى قريه على طريق القاهره الاسماعيليه الصحراوى عشان اوصلها بمشى تقريبا 3 كيلو فى طريق ترابى كله حفر واسفلت مكسر فمتقلقش انا مجرب الحاجات دى كلها والحمد لله تمام مفيش حكات خالص مع العلم انا عربيتى جنط 18 مش 16

[Hosam_Optrawy]

العفو يا فندم واسف على التاخير فى الرد

انا الحمد لله جربت جميع انواع المطبات والحفر والنقر والطرق المكسره والمدقات كمان انا شغلى فى قريه على طريق القاهره الاسماعيليه الصحراوى عشان اوصلها بمشى تقريبا 3 كيلو فى طريق ترابى كله حفر واسفلت مكسر فمتقلقش انا مجرب الحاجات دى كلها والحمد لله تمام مفيش حكات خالص مع العلم انا عربيتى جنط 18 مش 16

شكرا جزيلا لذوق حضرتك واهتمامك بالرد , ربنا يباركلك فيها ويكفيك شرها