ارجو الافادة بسرعة عن كيا شوما

[mhopa2440]

اخواني الاعزاء ارجو الافادة
ان شاء الله انا ناوي اغير عربيتي ومحتار بصراحة جدا جدا ف اربع موديلات هم الكيا شوما والسيفيا والنوبيرا وان والدايو وان

انا بصراحة حبيت شكل الشوما بس معنديش اي خلفية عنها ارجو الافادة عن موتورها ومدى تحمله لاني بسافر تقريبا ف الاسبوع 1000 كيلو وكمان مدى تأثر التكييف عليه وقوة العفشة ومدى تحملها وبصراحة الاهم هو قطع الغيار وتوافرها هام جدا
وارجو النصح بشراء ايهم (اسف ع الإطالة)

[أبو صلاح]

يباشا انت بتقارن فئات مختلفة مع بعض

يعني الشوما والنوبيرا فئة

والسيفيا واللانوس فئة

طبعا الشوما والنوبيرا أعلى
لو تحب توافر قطع الغيار والانتشار يبقى نوبيرا طبعا بدون نقاش
الشوما قطع غيارها موجودة بس عند ناس معينة هتلاقي على الاقل محل في كل منطقة بخلاف النوبيرا اللي ممكن تلاقي 10 محلات في منطقة واحدة
في وجهة نظري الشوما عربية فخمة بجد وسواقتها متعة افضل من النوبيرا
بالنسبة للمسافة هتعمل معاك اللي انت عايزه بس انت راعيها في الصيانة وحافظ عليها وعفشتها كويسة جدا
قطع الغيار مش هتلاقيها غالية بالمقارنة بالنوبيرا
لكن الاكسسوارات هي اللي هتلاقيها اغلى

[eldmrane]

ياباشا كيا شوما بلا نقاش عربية انا لسا شاري واحدة بجد هتحس انك راكب عربية باسات رفهية وثبات واداء بجدوقطع غيارها مش غالية والعربية بياعة سيبك من اللي يقولك تقبلة وكدة وربنا يوفقك

[the9ranger]

عن تجربه انا كان معايا دايو لانوس لسه من قريب وبعتها وجيت كيا سيفيا مش هتتخيل الفرق فى السواقه انتا راكب فعلا عربيه محترمه بس تحافظ عليها وبعدين لو بتساقر كثير يبقى سيبك من الانوس علشان هيه 8 صباب السفيا تستحمل السفر علشان 16 صباب والنوبيره فيها عيب جامد اوى وهيه مع اصحابة بتجيب جلب مقصات علطول

[more_try2]

قارن بين السيفيا والشوما

[mas0h]

قارن بين السيفيا والشوما

الشوما والسيفيا واحد فى كل حاجة ماعدا الشكل الخارجى فقط.

[أبو صلاح]

الشوما والسيفيا واحد فى كل حاجة ماعدا الشكل الخارجى فقط.

مين ياباشا اللي قالك على المعلومة دي ؟؟؟؟؟؟؟؟؟



طبعا معلومة خطأ 100%

في فرق في الماتور والكماليات والفرامل وعوامل الامان
مختلفة كليا