كاوتش كيا سول عمل بلالين وشوية مشاكل ؟؟؟؟؟؟

[basom]

السلام عليكم
1-كنت بسئل انا معايا كيا سول2011 عاملة14000ك ولقيت الفردة اليمين فى الخلف عملت بالونة هل ممكن اغيرها فى الضمان العربية وكيل ولا الكاوتش خارج الضمان
2-الطينة فى الشارع بتبوظ جانبى العربية بشكل رهيب وكمان عربيتى سوداء دة طبيعى ولا المفروض يكون فية دالايات
3-الكاسيت بيشتغل ساعات لوحدوة بعد ما ببطل العربية نزلت تانى يوم لقيتة شغال
اخيرا رقم التوكيل يا ريت

[ابو ليلى]

الاطارات خارج الضمان
والمفروض طبعا تركب دلايات علشان الطين ممكن يعمل برومة او تغسلها كل فترة فى بنزينة
نقطه الكاسيت دى غريبة شوية المفروض بمجرد ما تشيل المفتاح من الكنتكت العربية بتفصل كهربا
ممكن تراجع التوكيل وعندك صيانة مجانية فى ال15000 ك ممكن تروح
رقم خدمة العملاء 19542

هو حضرتك ساكن فى فيصل المطبعة

[ابو ليلى]

بص انا لقيت على صفحة كيا مصر الرد ده تقريبا لنفس سؤالك

تلتزم الشركة المصرية العالمية للتجارة والتوكيلات الوكيل الوحيد لسيارات كيا فى مصر بضمان السيارة لمدة 5 سنوات او 100.000 كيلو متر طبقا لشروط الضمان الموضحة بكتيب الضمان مع كل سيارة
ويعتبر الكاوتش من الاجزاء التى يضمنها وكيلها المعتمد فى مصر
ونعنى ان لو الكاوتش اللى راكب فى عربية حضرتك نيكسون يبقى الضمان بتاع الكاوتش لدى وكيل نيكسون فى مصرالرجاء التواصل مع مركز الخدمة للحصول على عنوان الوكيل

[walidzakzok]

اعتقد صعب انهم يعتبرول البلونة عيب صناعة بس على العموم انت مش خسران حاجة اسال وروحلهم لو ينفع

[amado318]

البلونه مش عيب صناعه دى عيب طريق وبلاعات وحفر عميقه على الطريق

[Mahmode]

أظن البلونة جزأ كبير منها عيب صناعة. الكاوتش الكويس ميعملش بلالين بسهولة.

[devil_storm]

البلالين مش عيب صناعة

[amado318]

كل الكوتش بيعمل بالون ولعلمك الكاوتش الكويس بيعمل بلونه والردىء بيتقطع

[Mahmode]

أصل أنا عندي جنط 17 وباعدي على مطبات ونقر وحفر زي أي حد في مصر والحمد لله معنديش بلالين لحد دلوقتي (الكاوتش ماشي 25000كم لحد دلوقتي)

[amado318]

لا دة على حسب الخطبه مع الحفرة =لو جات على حرف الكاوتش يبقه بلونه غير كدة صعب انها تعمل بلونه

[basom]

شكراااا جدا على كل الردود
انا كلمت التوكيل وقالى نفس الكلام ان هانكوك توكيل الكاوتش هو الى ضامنة كلمت هانكوك قالولى انهم بيضمنوا الكاوتش لحد 5000ك لو فية مشكلة بيتغير اما انا عامل 14000 خارج الضمان قولتلهم انا اصلا ما اخدتش بالى البلونة دية اتعملت امتى انا لسة شايفها من كام يوم قالى لازم يتغير علشان ممكن يفرقع فى اى وقت الكلام دة صح ولا اية؟؟؟؟؟؟؟

[basom]

الاطارات خارج الضمان
والمفروض طبعا تركب دلايات علشان الطين ممكن يعمل برومة او تغسلها كل فترة فى بنزينة
نقطه الكاسيت دى غريبة شوية المفروض بمجرد ما تشيل المفتاح من الكنتكت العربية بتفصل كهربا
ممكن تراجع التوكيل وعندك صيانة مجانية فى ال15000 ك ممكن تروح
رقم خدمة العملاء 19542

هو حضرتك ساكن فى فيصل المطبعة

لا ساكن فى حدائق الاهرام
بالنسبة للدالايات دية اجيبها منين؟؟

[Formulator]

حضرتك لو هتغير الفردة,
حاول تجيب حاجة Stiff Side-Wall أو Re-inforced
ودى مش هتلاقيها الا فى الماركات العالية: زى البيريللى والبريدجستون والميشلان والكونتينينتال..
الكاوتش الـReinforced بيبقى مهم جدا مع الجنوط الـ17" أو الـ18" والـLow-Profile عشان ماتعملش بلالين..؟!!

[moha4tec]

حضرتك لو هتغير الفردة,
حاول تجيب حاجة stiff side-wall أو re-inforced
ودى مش هتلاقيها الا فى الماركات العالية: زى البيريللى والبريدجستون والميشلان والكونتينينتال.. :s_thum1[1]:
الكاوتش الـreinforced بيبقى مهم جدا مع الجنوط الـ17" أو الـ18" والـlow-profile عشان ماتعملش بلالين..؟!!

مينفعش الرن فلات عشان سمكه تخين و الا ينفع
هل هينشف العفشه اكتر ما هى نشفه و الا لا

[Formulator]

مينفعش الرن فلات عشان سمكه تخين و الا ينفع
هل هينشف العفشه اكتر ما هى نشفه و الا لا

لا لا لأ,
انا مش قصدى Runflat's, لأ..
فيه فرد فـ المقاسات الـLow-Profile (الـ18" تحديدا), بتبقى Stiff Side wall
أو Reinforced معناها الـLoad Rating أعلى من الـrecommended بتاع العربية..!

يعنى بدل 91V يجيب كاوتش 94V مثلا, Reinforced side-wall

مع الأخذ فـ الأعتبار انه هياخذ وقت اطول شوية فـ الـwarming لحد ما يحقق افضل تماسك..
وطبيعى هيبقى انشف سيكا من الستوك.. بس أقل بكتييييييير من الـRF's فـ النشوفية.