مقابلة كياوية

[A.Saad]

بالراحة عليا
ميدو بيقول اشوفك فى اسماعيلية
وانا قلت قال اسماعيلية قال
يعنى ان شاء الله ييجى المقابلة
مش يستنى لما اروح الاسماعيلية علشان يشوفنى

[A.Saad]

في موضوع مقابلة اسرية في قسم نيسان بس لكل الاعضاء و المناقشات و المباحثات شغالة هناك

يفضل المقابلتين ينضمو لبعض

دا للي يحب المقابلات الاسرية طبعا انما لو مقابلتكم رجالي بس يبقى نتمالكم مقابلة ممتعة ان شاء الله

مع انك كياوية
بس مقابلات كيا بتكون شبابى لان اغلب اعضائنا لسه شباب والحمد لله فموضوع تجميع القسمين صعب

[mohamed_mohsen]

أنا معاكو إن شاء الله بس بعد 26-1

[the9ranger]

انتو مش دخلتو فيها كيا سيفيا ليه فى اعضاء كثير فى المنتدى معاهم كيا سيفيا

[M.Akef]

انا امتحاناتي هتخلص 30/1 ياريت تبقا بعدها
في اي مكان انا معاكو لاني كدا كدا مش عارف اي واحد فيهم و ربنا يبارك لنا في ال gps بقا :)

[medo_elgezy]

افضل وقت فى اول فبراير ان شاء الله

[moha4tec]

ان شاء الله ممكن المعاد يناسبنى من بعد 5 فبراير او قبل 23 يناير .
و ان شاء الله تكون مقابله حلوه و كل مقابله و انتم طيبن

[max_ziro]

طيب و السيفيا اية
متجيش ؟؟

[max_ziro]

في موضوع مقابلة اسرية في قسم نيسان بس لكل الاعضاء و المناقشات و المباحثات شغالة هناك

يفضل المقابلتين ينضمو لبعض

دا للي يحب المقابلات الاسرية طبعا انما لو مقابلتكم رجالي بس يبقى نتمالكم مقابلة ممتعة ان شاء الله

فكرة جميلة بس للاسف اغلب السيفياوية لسة غير متزوجين
ف ممكن الأسر متعرفش تاخد راحتها مننا
و الله اعلم

[A.Saad]

ازاى السيفيا متجيش
لازم ييجوا طبعا
واعتقد انهم بيشاركونا فى قراءة مواضيع القسم
وسيتم اضافة لينك الموضوع فى موضوع رابطة سيفيا

[Donzi]

مع انك كياوية
بس مقابلات كيا بتكون شبابى لان اغلب اعضائنا لسه شباب والحمد لله فموضوع تجميع القسمين صعب

بما اني كياوية....... فا اي مقابلة كياوية انا من حقي احضرها ، و الحمد لله واثقة و متاكدة ان كل اعضاء كيا الشباب و الرجال قبل الانسات و السيدات هايرحبوا بيا جدا

انا بس حبيت الفت نظر الناس ان في مقابلة اسرية للي يحب يجيب اسرته معاه و اعتقد كمان انت عارف يا استاذ احمد ان المقابلة الاسرية زمايلنا الشباب اللي مش متزوجين بيحضروها عادي جدا سواء لوحدهم أو بيجيبوا والداتهم و اخواتهم البنات كمان لان احنا في نايل موتورز كلنا بنتعامل باحترام و حب قبل اي حاجة

عموما لكم مقابلتكم و لينا مقابلتنا و احلى حاجة ان المقابلة الاسرية مابتفرقش بين كياوي و كياوية و نيساناوي و نيساناوية

[الغزالى]

بما اني كياوية....... فا اي مقابلة كياوية انا من حقي احضرها ، و الحمد لله واثقة و متاكدة ان كل اعضاء كيا الشباب و الرجال قبل الانسات و السيدات هايرحبوا بيا جدا

انا بس حبيت الفت نظر الناس ان في مقابلة اسرية للي يحب يجيب اسرته معاه و اعتقد كمان انت عارف يا استاذ احمد ان المقابلة الاسرية زمايلنا الشباب اللي مش متزوجين بيحضروها عادي جدا سواء لوحدهم أو بيجيبوا والداتهم و اخواتهم البنات كمان لان احنا في نايل موتورز كلنا بنتعامل باحترام و حب قبل اي حاجة

عموما لكم مقابلتكم و لينا مقابلتنا و احلى حاجة ان المقابلة الاسرية مابتفرقش بين كياوي و كياوية و نيساناوي و نيساناوية

احمد يا سعد ... دونزى احرجتك الصراحه ... وعشان كدة محدش مننا هايورح مقابله نيسان وكلنا على كيا ......

[Khaled_Nowaihy]

يا ريت نتقابل ونتشرف بيكم جميعاً ... بس أنسب وقت بالنسبة لى الجمعة أو السبت (10-11 فبراير) فى أى مكان تختاروه
هل هذا الميعاد مناسب لكم ؟؟؟

[A.Saad]

بما اني كياوية....... فا اي مقابلة كياوية انا من حقي احضرها ، و الحمد لله واثقة و متاكدة ان كل اعضاء كيا الشباب و الرجال قبل الانسات و السيدات هايرحبوا بيا جدا
محدش رفض وجودك او منعك منه او لمح لذلك او وجود اى انسة او سيدة تانية من كيا او غيرها علشان تكتبى كدة
ولو حد حابب يحضر اسرته معاه
عادى بيجيبهم
النقطة ان المقابلة الاسرية بيكون تنظيمها مختلف
لانه بيطلب مكان اكبر فيه كذا قاعدة وملاعب اطفال او ملاهى ليهم وتليفزيون
الشبابية هيا مكان واحد يقعدوا فيه ولو فيه طرق جنبه للتجريب والشد يبقى افضل وبس
لان اللى بينظم المقابلة سواء انا او ابو ليلى او اى عضو تانى فى اى قسم عليه راحة الاعضاء فى المكان وموقعه مش بس قعدة وخلاص

انا بس حبيت الفت نظر الناس ان في مقابلة اسرية للي يحب يجيب اسرته معاه و اعتقد كمان انت عارف يا استاذ احمد ان المقابلة الاسرية زمايلنا الشباب اللي مش متزوجين بيحضروها عادي جدا سواء لوحدهم أو بيجيبوا والداتهم و اخواتهم البنات كمان لان احنا في نايل موتورز كلنا بنتعامل باحترام و حب قبل اي حاجة
هما عارفين موضوع المقابلة الاسرية اكيد وانا رحت مقابلات اسرية لوحدى او معايا الاسرة
بس الفكرة اللى المفروض تكونى عارفاها
ان ده تقليد او عرف فى مصر
ان مكان فيه عائلات يكون الشباب لوحدهم بعيد
وبتلاقى كدة فى بعض المطاعم مثلا
العائلات بيتصرفوا براحتهم
الشباب ممكن يهزروا بصوت عالى او يدخنوا
معتقدش ان مكان فيه اطفال هيكون صح يبقى فيه رائحة سجاير او شيشة
او ان واحد جاى يكلم مع اصدقائه هيتحمل بكاء وازعاج من اطفال مستمر
وده مش قراراى لوحدى
ده قرار بيكون بعد المناقشة بين الاعضاء
ومحدش قال ان التعامل بين الاعضاء من غير حب واحترام
لان المقابلة واى مقابلة تأكيد لهذا
مفيش شخص هيقعد مع شخص تانى مفيش بينهم حب واحترام


عموما لكم مقابلتكم و لينا مقابلتنا و احلى حاجة ان المقابلة الاسرية مابتفرقش بين كياوي و كياوية و نيساناوي و نيساناوية

وعلى فكرة حضور عضوات من القسم معانا حصل فى اول مقابلة
وكانت نهلة موجودة فى اول مقابلة لكيا فى الرحاب فى يوليو 2009
ويومها كان فيه مقابلة عامة فى الربوة وكريم قال خلوة مقابلة الربوة على شرف مقابلة كيا
لكن الاعضاء قالوا لا عايزين نقعد مع بعض اكتر الاول ونعرف بعض
فكانت كيا الاول لوحدها فى الرحاب
ومفيش حد قال
كيا منعزلين او واخدين جنب لوحدهم
وده
وعلى فكرة
نيسان بيعملوا مقابلات ليهم لوحدهم برده
ولو بتعتبرى ان ولائك ومحبتك لقسم نيسان اكتر من كيا وبناء على ذلك تكتبى
لكم مقابلتكم و لينا مقابلتنا
فده حاجة ترجع لك طبعاً

[A.Saad]

يا ريت نتقابل ونتشرف بيكم جميعاً ... بس أنسب وقت بالنسبة لى الجمعة أو السبت (10-11 فبراير) فى أى مكان تختاروه
هل هذا الميعاد مناسب لكم ؟؟؟

الميعاد لسه لم يحدد
ولكن المقابلة هتكون يوم جمعة ان شاء الله
لان البعض يوم السبت عنده يوم عمل
وهنكون سعداء بوجودك معانا