سؤال مهم .... أمل الرد ؟؟؟

[tarek_rcc]

السلام عليكم نمور كيا المحترمين....
حصلى موقف بايخ النهاردة الصبح يا ريت حد يفهمنى اللى حصل ...
نزلت من ساعة كدة ادور السيراتو ... بأفتح الانذار مافيش اى صوت ولا فتح المهم فتحت من مفتاح السيارة فتحت ....طبعا استغربت جدا....
دخلت ودوست فرامل ودوست زر التشغيل.....لا حياة بالسيارة
حاولت اشوف فى اية ... دوست الزر بدون فرامل ظهر لى بالتابلوة ان شنطة السيارة مفتوحة
نزلت لاقيت فعلا الشنطة مفتوحة قفلتها وحاولت اشغل تانى لا حياة بالسيارة ....
دة تقريبا بطارية ؟؟؟؟....بس السؤال هو الشنطة مفتوحة ممكن تموت البطارية يا جماعة ..؟؟؟؟؟
ياترى تحليل سليم ( البطارية ) ....لانى قفلت السيارة وطلعت تانى منتظر مساعدة صديق ....
اخر استخدام للسيارة كان من 48 ساعة ...
أمل الرد على سؤالى ومشكورين مقدما

[mohamed_selim]

شكلها بطاريه
فتحة الشنطه لو منوره لمبه ممكن تخلص البطاريه خصوصا زى ما بتقول سايبها 48 ساعه ... بس برضه البطاريه اكيد كانت ضعيفه شويه
جرب تدورها بوصله و امشى بيها مشوار طويل عشان تشحن و ان شاء الله خير

[tarek_rcc]

شكراااا .. أستاذ/ محمد
الله يجزاك خير

[mseldin63]

دورها واطلع على اقرب كهربائى يقيس لك البطاريه انا من فتره تركت نور الصالون شغال حوالى3 ايام بس معملش مشكله لان البطاريه كانت جديده قيس البطاريه وان شاء الله خير

[tarek_rcc]

مشكور اخى الكريم mseldin63
الحمد لله دورتها ببطارية صديق ( توصيلة ) ....
بس الجميع ياخد بالة من موضوع الشنطة دة ...