كافيه كيا يرحب بأعضائه .....ادخل برجلك اليمين

[ابو ليلى]

السلام عليكم
طول عمرك سباق في الخير
و يا سلام بقي لو بقت مقابلة زي بتاعة الرحاب الاخيرة
حدد انت بس و الله ييسر لنا جميعا
و الدعوة عامة و هتبقي جامدة
ان شاء الله اول الحاجزين
طول عمري كنت بحضر مقابلات كيا بالتريوس مش عارف ان قدر لي المولي المرة دي هتكون بأيه
دعواتك يا غالي في حسن الاختيار

م.حاتم السباعي

يابشمهندس حاتم انت معانا دايما ويارب تختار اللى فيه الخير

انا عاوز اشوفكم و الله

وانا والله يادكتور وبأذن الله نتقابل فى الخير

سالخير عليكم ... نفر نفر .. يا كيييييياويه ومعاك ان شاء الله يا ابو ليلى فى المقابله بس فين وامتى

عليكم السلام حبيبى غزالى باشا معانا طبعا وكل اهل السيفيا
ومش هتنزل عندكم المرة دى
طيب ياجماعة دلوقتى فى مقابلة هتكون اصة بمناسبة عيد ميلاد المنتدى
والكلام دلوقتى انها تكون فى اسكندرية وانا شخصيا باذن الله هكون موجود
ايه رائيكم نتجمع كلنا فى المقابلة دى وبالمرة نشوف اصحابنا بتوع اسكندرية
هما كتير الحمد لله .
او ننظم مقابلة لينا تكون تقريبا فى اول شهر 4 ايه رائيكم
ولا نعمل موضوع منفصل نتكلم فيه .

[sunware]

السلام عليكم ورحمة الله وبركاته

بما ان الموضوع للتعارف بين الأخوة الأعضاء يشرفنى ان اعرفكم بنفسى

انا طارق عبد الرحمن السن "ضرورى يعنى ؟؟؟" ما علينا فى يناير ألى فات بقى 42 سنة من مواليد الإسكندرية و مقيم فيها و لكن العمل يلزمنى التنقل بين القاهرة و الإسكندرية اعلم فى مجال برامج الكمبيوتر و قواعد البيانات.

تاريخى مع السيارات من اول 125 بولندى "حبى الأول" ثم دايو لانوس "حمالة الأهوال" ، كيا ريو "المظلومة فى مصر" ، لانوس مرة أخرى، هيونداى i30 ،لانسر بومه، و حاليا كيا سول و i30

متزوج من ثلاث "زوجتى و سيارتان،،،، الشرع بيقول اربعة " و لدى بنتان و ولد ولله الحمد

و الله على ما اقول شهيد

[sunware]

.........................
طيب ياجماعة دلوقتى فى مقابلة هتكون اصة بمناسبة عيد ميلاد المنتدى
والكلام دلوقتى انها تكون فى اسكندرية وانا شخصيا باذن الله هكون موجود
.......................[/quote]


فين أمته مين ؟؟؟؟ انا معاكم الإسكندرية أو القاهرة

[الغزالى]

عليكم السلام حبيبى غزالى باشا معانا طبعا وكل اهل السيفيا
ومش هتنزل عندكم المرة دى
طيب ياجماعة دلوقتى فى مقابلة هتكون اصة بمناسبة عيد ميلاد المنتدى
والكلام دلوقتى انها تكون فى اسكندرية وانا شخصيا باذن الله هكون موجود
ايه رائيكم نتجمع كلنا فى المقابلة دى وبالمرة نشوف اصحابنا بتوع اسكندرية
هما كتير الحمد لله .
او ننظم مقابلة لينا تكون تقريبا فى اول شهر 4 ايه رائيكم
ولا نعمل موضوع منفصل نتكلم فيه .[/quote]

يا كبير ان شاء الله اجبلك كل اهل السيفيا لحد عندك ... واننا ان شاء الله بنسبه 95 % موجود فى مقابله المنتدى لو عايزين مقابله غير عيد ميلاد المنتدى ان شاء الله هاكون معاكوا بس الظروف تسمح ليا ولكل الناس ...

[Donzi]

ايه يا جماعة محدش جه الكافية ليه النهاردة ؟؟

مش لاقيين بنزين يوصلكوا لحد هنا ولا ايه ؟؟

[الغزالى]

ايه يا جماعة محدش جه الكافية ليه النهاردة ؟؟

مش لاقيين بنزين يوصلكوا لحد هنا ولا ايه ؟؟

الواحد جاله عقده نفسيه من البنزين ... نفسى فى 10 لتر للعربيه عشان تشم نفسها بس مفيش حاجه خالص ال 5 بنزينات الى عندنا 1 ولعت + 1 اتكسرت فى خناقه واتقفلت + 2 على طول مصدرين الطرشه وقافلين وواحد العريبه مفيهاش بنزين توصله ... شوفيلى 10 لتر كده ولا كده يا اختشى والنبى

[regata86]

السلام عليكم

كاعادة موضوع جميل و مميز من حضرتك يا استاذ وائل و يشرفني اني من اسرة كيا و يشرفني اشارك في الكافيه دا بس بشرط اني اقعد في ركن غير المدخنين عشان الكحة و كرشة النفس بتاعة الدخان

الاسم دينا ................... ( دونزي )
ربنا رزق اهلي بيا من يجي 27 سنة كدا و لسة عايشة الحمد لله
المهنة اخصائية مشتريات ( بس حاليا ربة منزل لظروف صحية ) بس الوضع دا ان شاء الله مش هايستمر كتير ( قولو امين )
الحالة الاجتماعية لسة عالبر و الحمد لله
بعد صباح الخير يا ريت تقولى لنا عن تجربتك فى التقسيط الاسلامى و ايه احسن حاجه لقيتيها
انا اسمى تامر و معايا لانسر و عايز اشترى كيا سول او كارينز و لكن الاقرب حاليا السول
دخلت المنتدى برضو لما كنت ببحث على صفحات الشبكة العنكبوتية اللعينة عن معلومات عن التقسيط الاسلامي و طبعا لقيت كمية معلومات و موضوعات كبيرة جدا في المنتدى و اشتركت فيه و دي كانت اول مرة اعرف يعني ايه منتدى

اول ما اشتركت كنت فاكرة ان المنتدى دا خاص و الناس كلهم عارفين بعض من كتر ما المشاركات كانت ودودة جدا و الناس بيهرجوا و تحس ان كلهم عارفين بعض و مكنتش بشارك عشان مكنتش فاهمة و بعدين اكتشفت ان الناس متعرفش بعض ولا حاجة بس كله بيساعد و بيخدم

و من يومها و انا ملتزمة بهذه العادة الحميدة المجيدة بالمشاركة في المنتدى و محاولة الاستفادة و الافادة قدلا المستطاع و خاصة ان انا غاوية عربيات جدا - على غير عادة البنات - و لقيت اللي بدور عليه هنا في المنتدى سواء من معلومات قيمة او التعرف على اشخاص محترمين زي حضراتكم و تكوين صدقات جميلة كمان


و ربنا يديم المعروف و تتمسوا بالخير

[احمد المصرى]

مش عارف البنزين مشكله اوى كدا ولا علشان انا بلاقى بنزين فى 6 اكتوبر عادى بس احيانا بيكون زحمه بصراحه بس مش قوى اوى ذى ما بسمع


فى محطه امارات مصر ال بجوار كارفور بيكون فيها بنزين تقريبا على طول ومش زحمه خالص تقريبا وانا بمون منها كل كام يوم الساعه 7.3 الصبح وانا رايح الشغل

[yasso0101]

ربنا يستر على مصر كل منقول وصلنا لاصعب الازمات تطلع ازمه تانيه - يا رب اقبضنا اليك ان كان الموت خيرا لنا

[A7MED_PHARMA]

شاش وقطن بسرعة ياجماعة


.





.





.
واحد صاحبي مقلوب على الاسفلت

[marooo68]

السلام عليكم جميعا يا اهل المنتدى الكرام
أخوكم الصغير محمد عبد السميع
٣١ سنة / ضابط طيار
الحمد لله متجوز و عندى مروان ٦ سنين و الاستاذ مرعى ( عبدالله) سنتين و نفسي قوى فى بنووووووووووتة ( بالله عليكم تدع ولى ربنا يرزقنى بينها ان شاء الله )
وطبعا مش هنسى السير اتو حبيبة فلبى اللى ربنا كرمنى بيها بعد الولدين و ربنا يحميهالى و يباركلى فيها و يبارك لكل اعضاء المنتدى الكرام فى الأهل و الصحة و المال يا رب
و طبعا ربنا يهدى اخوها مرعى ليها و يحنن قلبه عليها يارب ( اصله بجد صعب فى معاملته معاها جداً)
هو بصراحة صعب معانا كلنا بس هى ليها نصيب الاسد
و الحمد لله انا باكتب ليكوا النهاردة وانا فى انتظار بنتى رقم ٧ " الآنسة دارين) ربنا يجيبها بالسلامة ويبارك فيها ( ده طبعا على اعتبار ان الخال والد) وكمان انا بصراحة باتلكك علشان اقول ان عندى بنات
وبصراحة انا دخولى للمنتدى مش كتير لأسباب انشغالى و ضيق الوقت بس بجد دائماً فى راحة نفسية قوية قوى لما بادخل و فعلا فعلا فعلا عمرى ما دخلت الا ولازم استفيد من أى شئ جديد حتى لو داخل على غير هدى ومش داخل لحاجة معينة وبجد مقدرش ازود على كل اللى قالوا ان ده بيتنا التانى وربنا يجعل معرفتنا كلها خير و شكر خاص لابو ليلى صاحب الفكرة الجميلة دى ( بالمناسبة انا كمان عندى ليلى)

[mouraddesk]

اخوكم ابراهيم مراد من الميديا و الاخبار و ابو سوسو 2010 من حوالى 10 ايام و ساكن فى الهرم و شغال فى شركة خدمات اخبارية و التقيت مع الزميل العزيز ابو ليلى على التليفون لما الالنترا 2008 فتيسها طلع عينى و بعتها .....نسيت الكنية اسم الشهرة يعنى ابو مراد الكبير و ابو محمد ده الصغير مهم مراد و محمد و سوسو و على فكرة بقعد فى ركن المدخنين و يا رب ابطل ادعولى

[ابو ليلى]

السلام عليكم جميعا يا اهل المنتدى الكرام
أخوكم الصغير محمد عبد السميع
٣١ سنة / ضابط طيار
الحمد لله متجوز و عندى مروان ٦ سنين و الاستاذ مرعى ( عبدالله) سنتين و نفسي قوى فى بنووووووووووتة ( بالله عليكم تدع ولى ربنا يرزقنى بينها ان شاء الله )
وطبعا مش هنسى السير اتو حبيبة فلبى اللى ربنا كرمنى بيها بعد الولدين و ربنا يحميهالى و يباركلى فيها و يبارك لكل اعضاء المنتدى الكرام فى الأهل و الصحة و المال يا رب
و طبعا ربنا يهدى اخوها مرعى ليها و يحنن قلبه عليها يارب ( اصله بجد صعب فى معاملته معاها جداً)
هو بصراحة صعب معانا كلنا بس هى ليها نصيب الاسد
و الحمد لله انا باكتب ليكوا النهاردة وانا فى انتظار بنتى رقم ٧ " الآنسة دارين) ربنا يجيبها بالسلامة ويبارك فيها ( ده طبعا على اعتبار ان الخال والد) وكمان انا بصراحة باتلكك علشان اقول ان عندى بنات
وبصراحة انا دخولى للمنتدى مش كتير لأسباب انشغالى و ضيق الوقت بس بجد دائماً فى راحة نفسية قوية قوى لما بادخل و فعلا فعلا فعلا عمرى ما دخلت الا ولازم استفيد من أى شئ جديد حتى لو داخل على غير هدى ومش داخل لحاجة معينة وبجد مقدرش ازود على كل اللى قالوا ان ده بيتنا التانى وربنا يجعل معرفتنا كلها خير و شكر خاص لابو ليلى صاحب الفكرة الجميلة دى ( بالمناسبة انا كمان عندى ليلى)

اهلا وسهلا بيك يا محمد وكده بقى عندنا طيار ومحمد مصطفى مراقب جوى مش ناقص غير صاحب مطار ونكمل الموضوع
بأذن الله ربنا يرزقك بالزرية الصالحة واعتبر سوسو بنتك التالتة
وياريت نشوفك مقابلتنا بأذن الله .

اخوكم ابراهيم مراد من الميديا و الاخبار و ابو سوسو 2010 من حوالى 10 ايام و ساكن فى الهرم و شغال فى شركة خدمات اخبارية و التقيت مع الزميل العزيز ابو ليلى على التليفون لما الالنترا 2008 فتيسها طلع عينى و بعتها .....نسيت الكنية اسم الشهرة يعنى ابو مراد الكبير و ابو محمد ده الصغير مهم مراد و محمد و سوسو و على فكرة بقعد فى ركن المدخنين و يا رب ابطل ادعولى

ابراهيم باشا ازيك يا صديقى والف مبروك على العربية ويارب يبارك فيها ويحفظها
فين ياعم الموضوع اللى قلتلك عليه ...بطل كسل واكتبه علشان نشوف المشاكل
اللى عندك دى حلها ايه .
قلى صحيح يعنى ايه شركة خدمات اخبارية ؟

[ابو حفص مصطفى]

السلام عليكم ورحمة الله وبركاته
أهل المنتدى الأفاضل
أخوكم أبو حفص مصطفى طه عبدالعال , السن 33 سنة حاصل على بكالوريوس سياحة وفنادق , في السنة الثانية في دبلومة الدراسات الاسلامية , أشرف مهنة أعمل بها هي الدعوة الى الله .وكذلك أمين حزب النور بقرى بلتان طوخ
ثم شريك بمزرعة ارانب واعمال أخرى
مقيم بقرية الصفا مركز طوخ قليوبية غالب عملي في القناطر الخيرية ثم بنها
متزوج عندي ثلاث بنات ( صفية 8 سنوات _ فاطمة 6سنوات _ حفصة 2ونصف سنة )
من ملاك الكارينز الجدد (حتى لم أرخصها الى الان )
أقول جزى الله أهل هذا المنتدى خيرا فقد كانوا سببا في شرائي لتلك السيارة

[Omar100]

السلام عليكم ورحمة الله وبركاته
أهل المنتدى الأفاضل
أخوكم أبو حفص مصطفى طه عبدالعال , السن 33 سنة حاصل على بكالوريوس سياحة وفنادق , في السنة الثانية في دبلومة الدراسات الاسلامية , أشرف مهنة أعمل بها هي الدعوة الى الله .وكذلك أمين حزب النور بقرى بلتان طوخ
ثم شريك بمزرعة ارانب واعمال أخرى
مقيم بقرية الصفا مركز طوخ قليوبية غالب عملي في القناطر الخيرية ثم بنها
متزوج عندي ثلاث بنات ( صفية 8 سنوات _ فاطمة 6سنوات _ حفصة 2ونصف سنة )
من ملاك الكارينز الجدد (حتى لم أرخصها الى الان )
أقول جزى الله أهل هذا المنتدى خيرا فقد كانوا سببا في شرائي لتلك السيارة

منور ياغالى انت حضرتك
شغال فين فى القناطر الخيرية ؟