عملت تيست درايف للريو الجديدة 2012

[Miss_Pharma]

عملت تيست درايف للكيا ريو 2012 السيدان

اولا بالنسبة للكرسي والقاعدة عموما والمرايات .. مريحة جدااا وحسيت اني واخدة على العربية كأني مش اول مرة اركبها ..
التابوه يجنن كشكل ولون .. واضاءة العدادات بيضاء مريحة للعين ..
العزل ممتاز جدا وانا مدورة العربية وماشية بيها مش سامعة اي صوت خارجي ولا حتى صوت موتور او اي دوشة في العربية ..
العربية ناعمة جدا والدركسيون ناعم وسهل الحركة .. يعني ممكن اركن بصباع ايدي الصغير

عديت على مطبات وارض مكسرة ومحستش بأي قلق .. يمكن عشان انا دلوقتي بركب نيسان اكستيرا 4 x 4 بحس فيها بكل المطبات والحفر والعربية بتتنطط .. فيمكن حسيت بالفرق الشاسع عشان بقالي كتير مركبتش سيدان ..

المشكلة الوحيدة ان العربية مابتسحبش خاااااااااالص .. تديها بنزين تحس انها مكتومة كده ..
مش عارفة يمكن عشان جديدة لسه عاملة 500 كيلو بس فالموتور مقفل .. ولا دي مشكلة ال 1400 سي سي
مع اني كان معايا بيجو 206 1400 برضه ومكنتش بحس بمشاكل في السحب خصوصا على السرعات العالية ..
جوزي جربها معايا ومعترض بشدة على موضوع السحب .. بيقولي مخنوقة اوي
لما نزلنا سألنا البياع قالنا عشان فيها اوبشن ال economy شغال عشان يقلل سحب البنزين .. وده ممكن تقفله والعربية تجري معاك ..
مش عارفة بصراحة بنزين ايه اللي يقلله وهي كلها على بعضها 1400 ..

انا بالنسبة لي مش فارقة معايا موضوع السحب ده انا مش هسافر بيها يعني .. على قد استعمالي البسيط وخلاص ..
وبشكل عام حبيت العربية جدا وحسيت اني واخدة عليها كده ومألوفة بالنسبة لي ..
جوزي بقى معترض وبيقولي هاتي سيراتو احسن 1600 وعلى فكرة هنا ارخص من الريو بما يعادل 2000 جنيه !!!

ياريت لو حد جرب العربية ال 1400 منها يقولي رأيه فيها..

[mohamed_mohsen]

الeco mode علي فكره بيعمل كده في السحب
و كان المفروض تدوسي علي الزرار بتاع set كام ثانيه لما يبقي باين في شاشة المعلومات eco mode on عشان تقفليه

[hossam_elwani]

ريو ارخص من السيراتو عجبى عليكى يابلد.............

[ابو ليلى]

اهلا وسهلا بيكى ومنورة قسم كيا وسط اخواتك
بصراحة تقرير ممتاز واستغربت بكمية المعلومات اللى بتقوليه لان مش كتير من الاخوات
هنا عندهم الميزة دى ....اللى فهمته ان حضرتك مش فى مصر لان موضوع التست درايف
يعتبر عيب عندنا فى مصر ورفاهية ....اعتقد الريو الهاتش باك انسب لحضرتك .
هى الفكرة ان الريو لسه نازلة جديده والسيراتو مش عليها اقبال فى الكويت
علشان كده السيراتو ارخص

[Hosam_Optrawy]

شكرا على الموضوع

بس المفروض ان موتورها من اقوى المواتير ال 1400 دا 107 حصان وعزمه 135 نيوتن يمكن يكون موضوع الايكو فارق والله اعلم

[ls1090]

شكرا على الموضوع

بس المفروض ان موتورها من اقوى المواتير ال 1400 دا 107 حصان وعزمه 135 نيوتن يمكن يكون موضوع الايكو فارق والله اعلم

+111111111111111111111111

[Miss_Pharma]

شكرا على كل الردود .. هو فعلا رد البياع كان موضوع الايكو ..
ياريت الاقي حد جربها عشان يفيدني اكتر ..

[MMMERO]

السيراتوا ارخص حاجة غريبة