لكل اللي معاة كيا شوما ارجو الرد

[eldmrane]

يا جماعة حد لقي حل للكيا الشوما اللي بتكل بنزين انا العربية هتجنني لو مسافر وطريق التفويلة ممكن تعمل 380 كيلو يمكن لو وسط البلد مش بتعمل 250 كيلو التفويلة ياعني بجد كتير هي اوتوماتيك الرشاشات سليمة عشان البجيهات كشفت عليها نضيفة وعلي الجهاز مافيش مشكلة وكل القريات سليمة بجد مش عارف الفازورة دية اخرها اية ياريت لو حد لقي حل يقولي

[the9ranger]

هوه التفويله عندك الى بتعمل 250 كيلو دى بتاخد كام لتر علشان نعرف نحسبها ونقلك بالظبط انا معايا سيفيا مركب عليها موتور الشوما بتعمل 220 كيلو فى 20 لتر يعنى 11 كيلو فى اللتر

برجاء الكيلومات مقارنه باللتر

[eldmrane]

حضرتك انا ال20لتر في وسط البلد بيعملو معايا 125كيلو وفي الطريق 170فرق جامد اوي حاسس اني راكب6 سلندر

[the9ranger]

يالهوى ايه الاستهلاك العالى ده بص يا سيدى انا هقولك على كل حاجه ممكن تزود الاستهلاك حتى لو صغيره وانتا شوف
شوف هواء العجل شوف فلتر الهواء وفلتر البنزين شوف البوجيهات وركب البوجيهات الاصليه بتاعتها متعملش كيك داون على الدواسه متسخنش كثير غير الزيت وفلترو قبل مواعيدو متحرقش عليه شوف لمبه التشك منوره ولا لا واكشف عليها على الاسكنر ولو علشان تعرف هيه شغاله اصلا ولا لا شيل حساس الجى ار وركبو تانى لو نورت يبقى شغاله اعمل ريستارت واعمل ايدل كونترول لو منورتش يبقى فى عيب فى السياره واللمبه مش منوره اصلا اكشف على الفتيس الاوتوماتيك عن حد متخصص فتيس اوتوماتيك علشان بيهيس وبيكون سبب علو الموتور والعربيه يبقى صوت موتورها عالى وانتا قارص بس العربيه مبتطلعش غير بعد شويه وده اكثر حاجه بتاكل بنزين فى الاوتوماتيك شوف لمبه الاوفر درايف منوره ولا لا اكشف على الرشاشات كلها واكشف على الايدل بتاعك ونظفو بمنظف سبراى وانتا ماشي على السلنسيه شوفها بتترعش او بتنط ولا لا يعنى هات ال d وسيب العربيه تمشي لوحدها وشوفها واكشف على حساس الاكسجين او حساس الشكمان ممكن يكون مش شغال ومش مدى قرايه على الاسكنر جرب كده وانشاء الله تظبط

[eldmrane]

والله يا باشا لعبتها كل الالعاب وكل حاجة مظبوطة وتمام حتي الجهاز مش مطلع غلطة وادة فبجد مش فاهم مالها

[the9ranger]

مش عارف اقولك ايه انتا عملت كل الى عليك وهيه الى مبيطمرش فيها بس اكشف على الفتيس عند واحد متخصص ممكن يكون صوت الموتور بيعلى شويه ومفيش سحب دى تاكل بنزين

[eldmrane]

هوة حضرتك الطبيعي وسط البلد والزحمة كام لتر في الاستهلاك والسفر كام لتر

[the9ranger]

يعنى تقريبا من180 الى 200 في الصفيحه يعنى فى 20 لتر ده في الزحمه
و تقريبا من 250 الى 300 في الصفيحه على السريع بس تكون ماشي على الكتالوج مش قارص يعنى يعنى 90 100 بالكثير

[eldmrane]

الف شكر لرد حضتك

[zomprakes]

يا باشا احممد ربك انا ال20 لتر بيمشو معايا 110 كيلو و مش عارف المشكلة في اةةةةةةة

[eldmrane]

ما انا حضرتك يعتبر نفس الاستهلاك بس انا شاكك في الايدل هوة عندي انا عارف انة بايظ بس مش عارف يكل بنزين كل دة العربية عندي وهية باردة الصبح بتعد تزود لوحدها وتعلي وتوطي بس لماتسخن خلاص هغير الايدل واجرب يامسهل

[hanyzabady]

انا عندى نفس المشكله بنفس الاستهلاك هل من حل ؟