سؤالين عن شراء كوبيه مستعمله / اكشف عليها فين / العقد توكيل

[k50_]

السلام عليكم ,

انا عندي سؤالين يا شباب واتمني الافادة بخصوص اني ناوي اشتري سيراتو كوبيه 2010

اولا: انا لو محتاج اني اعمل كشف عليها كامل من غير مروح ل سمكري ولا الف ولاحاجة ف انهي اماكن ف القاهرة ؟ وهل الافضل اروح اكشف ف التوكيل ولا زيو زي اي مكان ؟

ثانيا: لو العربية بيع بتوكيل , اعمل ايه عشان اتأكد انها مش مسروقة ؟
عشان انا كلمت واحد وقالي العربية انا شاريها من واحد بتوكيل وهيبعها ليا بتوكيل .

وياريت لو حد يعرف اجراءات البيع عشان اكون ضامن حقي ايه :)


شكرا مقدما

[Land_Cruiser]

خللى باللك العربيه دى سرقتها منتشره بطريقه فظيعه فلازم تاخد بالك من ورقها كويس لتكون مسروقه او ورقها مضروب و يستحسن لو فى امكانيه تدور على حاجه تانيه

[k50_]

سرقتها منتشرة فعلا بس العربية رائعة , وانا مصمم عليها وربنا ييسر كدا :)
طب بالنسبة للكشف او خطوات الصيانة والبيع ؟

[masterzmind]

اكشف فى التوكيل احسن مكان اعرف الصيانة بتاعت العربيه كان بيعملها فين وخلى بالك 2010 فتيس 4 سرعات وفوانيس خلفيه عدية مش ليدات بدل هجيب كوبيه هات 2011 عشان الفتيس 6 سرعات والفوانيس الليدات نصيحة يعنى وربنا يبركلك فيها والسؤال بقى انت هجيبها عامله كام كيلو وبكااااام

[k50_]

انا ان شاءلله مختار انها تكون عاملة مش اكتر من 20 الف كيلو , وتمنها ميزيدش عن 105 وتتخلص علي 102 كدا
وبالنسبة ل 2011 هتلاقي الفرق ف السعر حوالي عشر تلاف جنيه , وانا كدا كدا مبطلعش علي الطريق كتير عشان استفيد بال 6 سرعات .
انا شوفت وحدة ب 106 علي فبريكا , وعاملة 15 الف , بس لما كلمت الراجل قالي انا معرض وشاريها توكيل , ف انا هخليني اشتري عربية من صاحبها علي طول والله المستعان .
لو فيه نصايح تانية قولونا يا شباب :)

[Land_Cruiser]

طيب لما تجيبها ان شاء الله هاتلها كلابش الدركسيون و جهاز انذار من اللى بيفصل الكهرباء ضرورى جداً و مبروك مقدما

[k50_]

ان شاء الله :)