احذروا المطب ده

[shicobeco]

السلام عليكم انا ساكن فالتجمع وكنت رايح مدينة نصر النهاردة بليل مشيت فالطريق اللى هو امتداد لشارع ال 90 وبعد ما عديت صينية تقاطع الدائرى مع ال 90 فى اتجاه الوفاء والامل ب 5 دقايق كده الطريق وسع وكنت ماشى على 90 كم الطريق بيترصف بس للاسف مفيش ولا اى علامة ولا تحذير من اى حفر ومطب العربية فجاءة اترزعت فمطب عبارة عن حفرة بطول نص متر وعرض الطريق من الناحية الشمال ولقيت الدركسيون بيترج والعربية بتحدف شمال وقفت بأعجوبة ونزلت لقيت الكوتش الامامى شمال على الارض رحت لكذا واحد بتاع كاوتش قالى قطع فالسلك والكاوتش ده يترمى وتجيب واحد جديد ,, مع انى اول مرة استعمل الاستبن والعربية سيراتو 2011 معملتش 20 الف جنط 17 ,,, الحمد لله على كل شىء ,,, بس انا مش مصدق ان كاوتش جديد لسه عمره ماتغير او اتلحم ومكملش 20 الف يترمى فثانية كده هل فى حل؟؟؟ احذروا الطريق ده

[me5222222]

الحمد لله انك بخير وربنا سترها معاك وقدر الله وما شاء فعل

[dolly13]

الحمد لله انها جت سليمة وشكرا على التحذير

[kar!m]

الحمد لله انها جت على قد كده.

[ghost1900]

أتهبدت فيه امبارح بالليل وملحقتش أكتب تحذير، الحمد لله أنك والعربية بخير وفداك فرده الكاوتش - غالبا أنت نزلت المطب بزاوية.

[shicobeco]

شكرا لزوق حضرتكم

ايه مقاس الكاوتش والنوع المناسب الكويس اللى يركب على جنك السيراتو ال 17

[Deshahcoka]

يا بوب انا كنت مركب فردة و اقل من الف كيوا قلاتلي سلام على الدولي :( الحمدلله قدر اخف من قدر

[yasserelsayad]

شكرا لزوق حضرتكم

ايه مقاس الكاوتش والنوع المناسب الكويس اللى يركب على جنك السيراتو ال 17

المقاس 215/45 17
واحسن حاجة تجيب نفس نوع ونقشة الكاوتشات اللى راكبة فى العربية عشان ميكونش فيه فرق

[ghost1900]

شكرا لزوق حضرتكم

ايه مقاس الكاوتش والنوع المناسب الكويس اللى يركب على جنك السيراتو ال 17

المقاس زى ما قال ياسر 215/45/17 واللى راكب فى العربية هو Kumho Solus KH17 وثمن الفردة 530 جنية (تركيب + ترصيص + بلف + نتروجين) عند وكيل كومهو فى شبرا.