ضروووري....سيفيا ومشكلة فى الزيت

[ebrahim1]

انا معايا سيفيا 2001 ولما بفتح غطا التكيهات بلاقي عليه طحينه وعلى مقاس الزيت برده ورحت للميكانيكي فك وش التكيهات ولقي طبه مفكوكه وربطها بس الريدياتير مش فيه طحينه الميه عاديه وبعدين غيرت زيت ولسه بتعمل يبقى العيب ايه جوان ولا وش وتكلفة الجوان والوش كام

[SAMEH_FOUAD]

كدة جوان وش سلندر وحش وهو ضارب من ناحية الزيت مش من ناحية المياة

اعملة فى اسرع وقت عشان مايضرش اجزاء المحرك الداخلية , وتنظف المصفاة كويس , وتتأكد من صلاحية طلمبة الزيت

وياريت لو الميكانيكى ينظفلك الوش كويس + الكارتيرة

وبعد كدة هتغير الزيت + الفلتر وتمشى بية 500 كم وتغيرة بزيت تانى + الفلتر

والزيت اللى هتغيرة دة ماتمشيش بية المسافة كاملة تنزلة قبليها ب 2000 كيلو هو والفلتر

وبعد كدة اتعامل عادى