استفسار كيا شوما

[creative_art]

السلام عليكم ورحمة الله ..

الموضوع باختصار انى معايا كيا شوما 1999 اوتوماتيك وهي عربيه جميله الصراحه .. امبارح الصبح لقيت لمبة ال ABS منوره .. المهم مشيت عالعربيه كدا لحد ما وانا عالكورنيش جاي ادوس فرامل لقيتها مش بتجيب معايا خالص ودخلت فى تاكسى الحمدلله ..

الأضرار كالتالى

كبوت
رفرف شمال
اكصدام
فانوس امامى شمال

المشكله دلوقتى ..

انا من اسكندريه ورحت لاكبر بتوع قطع غيار فى اسكندريه .. سعيد نصار - الزرانى - جوزيف ميامى - الرز

وملقيش عندهم الحاجه خالص ..

السوأل بقة ..

ايه الاماكن الى فى اسكندريه الى ممكن الاقى فيها الصاج الى انا عايزه .. ويفضل يكون الاستعمال


واية الاسعار التقريبيه بتاعت الحاجات الى انا محتاجها عشان سمعت اسعار غريبه

زي مثلا الاكصدام ب 700 جنيه .. الرفرف ب 400 ... وطبعا دا مش كلام معقول يعنى دانا لو كانت الخبطه فى االفلوانس لاقدر الله مكنتش الاسعار هتبقى كدا


افيدونى افادكم الله

[elhelawy]

وعليكم السلام و رحمت الله و بركاته
قدر الله و ما شاء فعل الحمد لله انها جت فى الصاج وانت طلعت منها بالسلامه
بص انا من القاهرة بس بروح اسكندريه كتير انا هديك عناوين اللى اتعاملت معاهم فى اسكندريه مع العلم انا معايا كيا سيفيا بس ان شاء الله هتلاقى عندهم حاجة الشوما
سعيد سمير ( استراد )
18 ش عبد السلام - ذهنى - فيكتوريا ت : 01002004130
92 ش جمال عبد الناصر - سيدى بشر بحرى ت : 3598380
الفادى ( استراد ) كان عندوا شغل كيا خفيف بس اسأل عندوا
150 ش خالد ابن الوليد امام قصر السلام
01060812886 - 01222437525 - 01221450073
وطبعا سعيد نصار وانت بتقول انك ما لقتش عندوا مع انى مستغرب ده عندوا كل حاجه
على العموم ابقى كلمهم قبل ما تروح و اعرف عندهم ولا لق

[creative_art]

ربنا يبارك فى حضرتك ..

انا نزلت صلاح الدين وشارع الفراهده ( استعمال ) ودورت فيهم بالكامل ملقيتش خالص الصاج بتاع الشوما وقالولى مش هتلاقيها لا هنا ولا هناك لازم تنزلها بورسعيد .. فا خليت السمكرى يشتغل فى الصاج بتاع العربيه الاصلى وخلاص و أمرى لله .. واشتريت جوز فوانيس امامى جديد ب 190 جنيه للواحد ولسه هروح استلمها بكره ..

و ربنا يحفظنا جميعا .