انطباع مالكي كيا سبورتاج

[asalem1478]

اولا الف مبروك للي استلم و عقبال اللي مستني..

اعتقد و بعد مرور شهور و بعد استلام ناس كتير للعربية، يا ريت كل واحد يعطينا انطباع عنها و يقول عامل بيها كام كيلومتر دلوقتي.. و اعتقد التجربة غير التخيل.
يا ريت تقرير مفصل.. يعني العفشة اخبارها ايه.. بنزين كام 92 ولا 95؟ الكراسي مريحة في السفر ولا لأ ؟ و اللي عنده انطباع زيادة ميبخلش على اخواته العطشانين

و ربنا يبارك و ينولكو خيرها و يكفيكو شرها

[shenoo]

و ياريت اللي استلم الفئة الاولي يقولنا ايه الاخبار؟ حاسس انها ناقصة شوية ولا مرضية؟

[Hussein_Ramdan]

ياعم دول بيهرجو بيقولو دفعة كل ست شهور
لية احنا هنتخرج من الكلية الحربية
تاخير جامد فى التسليم

[asalem1478]

بصراحة انا مش فاهم ايه القصة ورا موضوع استلام 6 شهور دا.. بس في الاخر بتمشي بالفلوس (over price) او واسطة لو تعرف حد يعرف حد..
هل عشان العربية تستاهل و الاقبال كبير عليها بيتدلعوا ؟؟
المشكلة لو العربية سعرها زاد خلال ال 6 شهور.. مين هايشيل الفرق ؟؟ احنا معانا ايصال استلام مش استمارة بيع ولا حاجة

[lolo007]

ياجماعة العربية تحفة بجد العفشة ناشفة شوية فى الاول بس بعد كدة عادى انا معايا الفئة الثالثة و بجد حلوة بمعن الكلمة بس فيها مشكلة صغيرة ... طبعا انتو عارفين انها بتدور بضغطة ... و ده اكبر عيب عشان العربية مش بتيطل او الريموت بعد عنها يعنى بتفضل شغالة عادى و بتعمل زنة لمدة صغيرة و خلاص .... عيب اما ندفع المبلغ ده و فى الاخر يطلع فيها عيب ... او حد عرف حل للمشكلة دى ياريت يفيدنا ... بس العربية غير المشكلة الصغيرة اللى فيها العربية ممتازة بمعنى الكلمة

[asalem1478]

و اخبار البنزين ايه معاك؟ 92 ولا 95

[i_Am_Legend]

عربية غالية ....وسعر مبالغ فيه....وخامات زفت....واللى يدفع 210 في سبورتاج....يدفعهم يحط عليهم 40 الف....ويشترى

فولفو s60...عربية احسن 10000000 مرة.....وموتور 1600 سي سي بيطلع 180 حصان.....

[asalem1478]

باشا معلش مع احترامي لوجهة نظرك.. بس اللي جربها و اشتراها اكيد يعرف اكتر مننا كلنا..
انا حاجز و مستني.. و عايز اعرف رأي اللي اشتروها و جربوها فعلا بنفسهم
و علي فكرة.. لما تفكر في عربية لازم تقيمها من نواحي كتير زي قطع الغيار.. منتشرة ولا لأ و انت عارف الفولفو عاملة ازاي في مصر.. دا غير انك لما تيجي تبيع الفولفو مش سهلة و تخسر فيها كتير عشان مش ماشية في مصر
شكرا للمشاركة

[Hussein_Ramdan]

عربية غالية ....وسعر مبالغ فيه....وخامات زفت....واللى يدفع 210 في سبورتاج....يدفعهم يحط عليهم 40 الف....ويشترى

فولفو s60...عربية احسن 10000000 مرة.....وموتور 1600 سي سي بيطلع 180 حصان.....

انا معترض جدا على موضوع 210 دة
الصراحة خالينا نخرج بئا من موضوع كورى ويابانى والكلام دة
الموضوع دة كان زمان
المشكلة انها حلوة لخاية 180 او 190 ودة يكون اخر فئة ليها
بدون شك العربية الفولفو افضل منها
بس اية اخبار قطع الغيار وكمان الصيانات بتاعتها
اوعادة البيع

[fgfg1975]

عربية غالية ....وسعر مبالغ فيه....وخامات زفت....واللى يدفع 210 في سبورتاج....يدفعهم يحط عليهم 40 الف....ويشترى

فولفو s60...عربية احسن 10000000 مرة.....وموتور 1600 سي سي بيطلع 180 حصان.....

يا جماعه ارجوكم ... احنا حاجزين و عاوزين فعععععععلا رأى
الناس اللى مجرباها بالفعل
بدون زعل

[asalem1478]

فعلا يا بشمهندس نبيل.. الموضوع ده معمول عشان نعرف رأي الناس اللي اشتروها و جربوها

[Hussein_Ramdan]

يا جماعه ارجوكم ... احنا حاجزين و عاوزين فعععععععلا رأى
الناس اللى مجرباها بالفعل
بدون زعل :s_thum1[1]:

+

1111111111111111111111انتا قالو ليك هتستلم امتى؟؟؟

[i_Am_Legend]

يا جماعة......اقسم بالله انا شغال في مجال العربيات....وركبت من العربية دي ال2000 سي سي....وال1600 ...موجودة ...وبركبها....

العربية خامات بلاستيييييييك.....والموتور الgdi ال 140 حصان مش هايخرجوا غير مع بنزين 95.....دة غير ان الكوريين اساسا كدابين ...الفولفو واقفة جنب السبورتاج هاي لاين...والله العظيم ...مش بطيق افتح بابها...العربية حلوة اه...وظريفة....وشكل هجومي جديدة...وعربية تعتبر suv....بس لو ركبت الفولفو....هاتتوهم....والقاشقاي كمان...افضل وخامات ارقي من السبورتاج....السبورتاج...بعد شهرين...هاتبقي زى السيراتو....وهايركبها كل فئات المجتمع...اقسم بالله بيجيلى نا س بجلالييييييييب...مع احترامي الشديد طبعا ...انا ماقصدش الغلط...وبعتذر...يدخل يقولي ايه...هي العربية "السبورتاااااااش" دي بكاااااام....هي جيب صح....اعععععععععععععععععععععععععععع.....

[i_Am_Legend]

العربية في ناس بتبيعها اوووووووووفر برايس....والله العظيم...زيادة 20 الف!!!!

والناس بتشتري...انا الشركة اللى انا شغال فيها....كموزع لكيا ورينو وهوندا...ممنوع طبعا ان احنا نعمل الكلام دة ..ومانعرفش عنة اى حاجة...ومعلش انا مش هاقول انا شغال فين...علشان الادارة ماتزعلش ....وتفتكر اني بسوق للشركة...وانا مش بحب كدة...انا لسة شغال في الركة مابقاليش سنة....وممكن تشوفوا انا في المنتدي بقالي كااااام سنة....ورقم عضويتى كام؟

[fgfg1975]

انا سألت من اسبوع و قالوا انهم بيسلموا بتوع اكتوبر
انا مش عارف هانستلم امتى
دا انا حاجز من اول ديسمبر
الكلام ده من فرع كيا روكسى
انا خايف يكونوا بيودا المعارض اللى بتاخد اوفر برايس و يقلبونا احنا