هستلم الاسبورتاج غدا 4*4 2400 سي سي

[syr_eyes]

الاخوة الكرام
ان شاء الله بكره هستلم الاسبورتاج الهاين لاين السعودي 2400 سي سي 4*4 ( دبل ) غدا وانتظروا مني التقرير الخاص بها ان شاء الله

[الاحمدى موتورز]

الف مبروك مقدما لحضرتك وفى انتظار التقرير ..

[Mzeid]

ألف مبروك لحضرتك

و ربنا يبارك لك فيها و يحفظهالك بإذنه تعالى

[syr_eyes]

الله يبارك فيك وباذن الله اول ما هستلمها هوافي حضراتكم بالتقرير المبدئي

[syr_eyes]

ألف مبروك لحضرتك

و ربنا يبارك لك فيها و يحفظهالك بإذنه تعالى

اكرمك الله عز وجل
الله يبارك فيك

[ابو ليلى]

الف مبروك ويارب يحفظها من كل شر
وفى انتظار التقرير المصور بكل التفاصيل للتثبيت باذن الله

[Hosam_Optrawy]

مليون مبروك

[hany63]

هو ده الكلام موتور 2400 سي سي
مش عندنا في مصر العربيات ينطبق عليها المثل : جسم فيل و مخ نمله
مبروك مقدما

[BUNSH]

مبروووك مقدمااااا وربنا يباركلك فيها ..

[abo_anas]

مبرووووووووووك
ربنا يحفظك

[syr_eyes]

اخواني الاعزاء
استلمت النهاردة الاسبورتااااااااااااااج ولكن!!!!!!!!!!!!!!
قبل ولكن دي احب اوضح لحضراتكم القصة باختصااااار عشان تفهموا ولكن دي معناها ايه :(

اولا انا كنت حاجز كيا ريو 2012 هاي لاين بموصفات جبارة بجد واتاخر ميعاد التسليم اكتر من شهر لعدم توافر الهاي لاين ولكن المتوافر فقط كانت الهاف لاين
كنت شفت في المعرض الاسبورتاج ( هاي لاين ) 2000 سي سي ( مثبت - فتحة - تلفون - زنون - مانع انزلاق - اشارات في المرايا - مرايات ضم كهربائيا - كاميرا خلفية - وحاجات تانية كتير حدث ولا حرج )
فلما اتاخرت الريو اتصلت بمدير مبيعات فرع كيا وطلبت منه ان اخذ الاسبورتاج بدل من الريوو ( لان الناس كلها نصحتني بالاسبورتاج ) فقلت اسمع كلام الناس مره يمكن ربنا يكرمني
وعند الاتصال به قررت الاستبدال بالاسبورتاج ولم يمانع الرجل اطلاقا وقالي ايه رايك بقى تاخد الدبل ( 4*4 ) 2400 سي سي احسن
فرحت طبعا جدااااااااااااااااا وقولتله ماشي يا معلم بفهلوتي المعهودة
بعد ساعات اتصل بي مره تانيه وقال : يلا يا عم بكره تستلمها واسفين على التاخير وبكره نسجلها باسمك في المرور وهتستلمها مترخصة جاهزة يا معلم ( واسفين يا ريس :( )
ذهبت لاستلامها وانا فرحان بجد ( فرحتي اكتران اعز اصدقائي معاه الاسبورتاج المصرية الهاي لاين قلت اكسر عينه بالعربية دي ونشوووف تحدي المواتير )
رحب بيا اوي الراجل وشربني القهوة السعودية ( بخاف منها اوي لان واحد صاحبي سعودي قالي لو رحت مكان تحلص معامله وشربوووك قهوة اعرف ان الدنيا هتضلم عليييييييييييك )
واداني الرخصة وقالي الف الف الف مبروووووك وانا بدور بعيني على السيارة هيه فيييييييييييييين
وطلع ومعاه المفتاه
فجاءة
بداية ولكن :((((((((
المفتاح سيف عادي مش بصمة
قلت يا واد طنش خااااااااااااالص كل ده في سبيل 2400 سي سي
خرجت بره المعرض عشان استلم العربية مع واحد صاحبي
وشفتها
بدور على فتحة السقف مش لاقيهااااااااااا :(
بدور على الاشارة في المرايا مش لا قيهااااااااااااااااااااااااا
بدور على الكاميرا الخلفية مش لاقيهااااااااااااااااااااااااااااااااااااااا
قلت يمكن التقيل جاي وراااااا
دخل العربية
لقيتها
عربية اول فئة بالزبط وكانت صدمةةةةةةةةة
والراجل اول ما فتخ الباب قالي بص يا معلم ده زرار ال 4*4 الدبل
يا فرحتي بالزرار ده :(((((
وهو بيشرح وانا تايه في وادي تااااااااااااااااااني خالص
بس الحمد لله على كل حال
استلمتها واتأكدت ان الموتور 2400
ومشيت بيها واكييييييييييييييييييد ليا الكثير من الملاحظات بس باذن الله نخليها بكره الصبح مع تقرير الصور
وخلي صاحبي يفرح ( اصل القهوة طلعت زيادة اويييييييييييييييييييييييييييييي )
وربنا يكرمكم جميعاااااااااااااااااااااااااااا

ذهبت لاستلامها

[mody1221]

الف مبروك ف انتظار التقرير التانى

[محمد بدر]

متابع

[hi_nmr]

الف الف مبروك , ربنا يبارلك فيها يا رب

بالنسبه لموضوع القهوه السعودي ده غير صحيح , تلاقيه كان بيهزر معاك او حاجه
انا عايش بالسعوديه علي فكرة ومعايا سيراتو هاي لاين

[ashouhdy]

يعنى 2400 سى سى ومافيهاش كماليات ال 1600 !!!! مش فاهم !