سؤال لخبراء البرايد

[Eng_hatemfathy]

سيارة والدتى برايد 99 ترخيص 2000 وهيا عامله فى حدود 19 الف كيلو ومش بتتحرك الا نادر ومسافات قصيرة ومعملتش صيانة من ساعة ال 15 الف وده كان من 5 او 6 سنين تقريبا ومش عارف المفروض اغير ايه نتيجة الركنه دى -يعنى هل سير الكاتينه كوتش ولا جنزير لانه لو كوتش اعتقد محتاج يتغير للامان وبرده متهيألى سير الدينامو انا كشفت على الزيوت وتمام بس الكوتش شقق من الركنه ومستخسر اغيره لان نقشته زى ما هيه
يا ريت اللى عنده نصيحه يقولى وكمان ازاى احافظ على البطاريه لانها مبتكملش سنه مع الوالده حتى لو جافه- وشكرا للجميع

[أحمد الجندى]

أنا من وجهة نظرى أنت لازم تغير وتعمل صيانة للعربية كأنك لسه شاريها استعمال .... أنت عارف يعنى ايه عربية بقالها 12 سنة مغيرتش حاجة ده حتى لو مشيها قليل عوامل الزمن حاتجيب اجل الحاجات القديمة دى

ثم ان الموضوع مش مكلف خالص الكيا برايد حاجاتها رخيصة وتغيير السيور بالفلاتر مش حاياخد منك أكتر من 500 جنيه ده ان لم يكن أقل بكتير كمان ... بالنسبة لسير الكاتينة فهو كاوتش وسعره فى حدود 65 جنيه .

اما كاوتش العربية فيقال فيه نفس الكلام ده حتى الناس لما بتيجى تشترى كاوتش جديد يقولك بس على تاريح الانتاج لان الكاوتش لو زاد تخزينة عن فترة معينة بتسوء حالته ... هو صحيح الكاوتش اليومين دول غالى بس ده بالذات مفيهوش هزار واحسنلك تغيره كوقاية