الفيتيس استربترونك ارجو المساعدة

[amrabdelsalam]

لدي سيارة كيا سيراتو 2008 استريبترونك ذهبت لكي اغسلها قام الصنيعي بالغسيل علي اكمل وجة و غسل ايضا الماتور و الصالون و لكن حدث شئ غريب بعد ما خلصت غسيل لقيت الفتيس شغال اتوماتيك فقط حتي بعد ما انقل العصاية علي المنوال ايضا تكت علي الشاشة 2 و لكن ايضا شغلة اتوماتيك و عند تحريك العصاية نحو + او - لا يحدث تغير ما ذا افعل ارجو المساعدة من اصحاب الخبرة

[hmada9009_99]

نفس اللي حصل معايا قبل كده حضرتك اللي غسل عربيتك غشيم فدخل مياه في دائره الكنترول علشان كده حصلت المشكله انا بقى كانت مشكلتي ان دراع المساحه لمس وبقى بيشتغل طول الوقت والنور في التابلو مش مزبوط زي فيه تلميس وتقطيع في النور واما روحت عند كهربائي لقى الميه داخله في كارته العربيه فنشفها ورش اسبراي تجفيف للحجات الأكترونيه وفك الدراع ونشفه ورجعت العربيه الحمد لله تمام بس وبعد كده بقيت اغسلها من بره بس ومن جوه غسيل جاف

[ابو ليلى]

ربنا يستر

المفروض بعد ما تنشف ترجع لطبيعتها تانى متحولش تمشى عليها وهى كده نهائى .
وابقى طمنا .

[salodas]

المشكلة : لا أعلم الحل وأرجو أنك لا تبخل علينا بالمعلومة لما تعرف الحل
نصيحة : حمى العربية من برة زى مانت عاوز ولكن داخل السيارة أما غسيل جاف أو بالفوم

[ruicosta]

بسيطة حصلت معايا فك المونسولة بتاعة الفتيس وانفخ هواء فى الجزء اللى تحت عصاية الفتيس اللى فيه الحساس بتاع النقل ورش wd40 هيرجع زى الفل هو بس تلاقى المية وصلت للحساس اوعى تخلي حد ييجى جمب الفتيس ولا يصبن ولا الكلام دا خالص