تسجيل كيا فى الشهر العقارى

[the9ranger]

يا جماعه انا بفكر اسجل السياره علشان انا ماشي بالتوكيل محدش عارف الدنيا هتبقى عمله اذاى فى القلق ده وعلشان تبقى بأسمى محدش يعرف تسجيلها بكام علما بأنها موديل 99 1500 سى سى كيا سيفيا
وممكن اسجلها فى اى شهر عقارى ولا لازم الشهر العقارى الى اتعمل فيه التوكيل

ويا سلام لو حد خدمنى فى مصاريف الترخيص كمان اكون شاكر جدا

[SRAGIH]

أولاً مبروك على السيفيا.. ربنا يباركلك فيها و يعطيك خيرها و يكفيك شرها
ثانياً طبعاً التسجيل في صالحك بس لازم تكون الرخصة سارية يا إما هاتحتاج شهادة بيانات من المرور و التسجيل بيكون في الشهر العقاري اللي إنت بتتبعه يعني القريب من محل سكنك أو الشهر العقاري بتاع سوق السيارات و ده بيخدم كل المناطق
أما مصاريف التسجيل فهي 375 جنيه و دي معلومة أنا متأكد منها بنسبة 90% بس برضه إعمل حسابك في مبلغ زيادة..

[eldmrane]

هوة العقد المسجل يا باشا كان السنة اللي فاتت ب520 السنة دية طبعا اكيد نزل السعر بس هيبقي حاجة بسيطة ياعني ممكن 450 كدة اعمل حسابك لو ترخيص وكدة ياباشا في حدود 1000 جنية او اقل حجات بسيطة

[ahmed_su]

تكلفة التسجيل بتتحدد عن طريق موديل السنة

كل ماكان الموديل ابعد التكلفة تقل

[engwms]

انا معايا سيفيا 2002 عملت نقل ملكية فى الشهر العقارى 720 جنيه
ورخصت سنه بحوالى 300 جنيه
طبعا انت 99 يبقى هاتقل شوية

[engwms]

وطبعا هاتفرق لو كانت كورى او مصرى

[Ahmed_Ramadan]

سيفيا موديل 2000 كورى دفعت 600 جنيه

[masterzmind]

هو نقل الملكية بتبقى على حساب مين المشترى ام البائع وشكرااااااا

[Ahmed_Ramadan]

هو نقل الملكية بتبقى على حساب مين المشترى ام البائع وشكرااااااا

غالبا على المشترى إلا لو تم الإتفاق على غير ذلك

[the9ranger]

وطبعا هاتفرق لو كانت كورى او مصرى

وانا اعرف منين ان عربيتى كورى ولا مصرى يعنى اروح بالعربيه لازم يشوفوها ولا اروح بالتوكيل بس علشان مبلاقيش ركنه

وهما هيعرفو انها كورى ولا مصرى منين

[the9ranger]

سيفيا موديل 2000 كورى دفعت 600 جنيه

دفعت 600 السنه الى فاتت ولا السنادى علشان فى ناس قالتلى انها رخصت اوى السنادى يعنى انتا سجلت امتى من قريب ولا السنه الى فاتت

[the9ranger]

انا كلمت أ / احمد رمضان وبصراحه انا باشكرو جدا قالى على كل حاجه مع انى تقريبا كده صحيتىو من النوم اولا ممكن اسجلها فى اى شهر عقارى عادى خالص والفرق بين الكورى والمحلى بيبقى مكتوب فى ظهر الرخصه وبالنسبه اروح بالعربيه ولا لا قالى لا عادى ممكن اروح من غيرها علشان ده كلو شغل ورق

[Ahmed_Ramadan]

انا كلمت أ / احمد رمضان وبصراحه انا باشكرو جدا قالى على كل حاجه مع انى تقريبا كده صحيتىو من النوم اولا ممكن اسجلها فى اى شهر عقارى عادى خالص والفرق بين الكورى والمحلى بيبقى مكتوب فى ظهر الرخصه وبالنسبه اروح بالعربيه ولا لا قالى لا عادى ممكن اروح من غيرها علشان ده كلو شغل ورق

يا فندم لا شكر على واجب و ربنا يقدر الجميع و نفضل نساعد بعض

[engwms]

حضرتك بيتطلب منك فى المرور شهادة بيانات كمبيوتر دى بيكون فيها بيانات العربية

[Ahmed_Ramadan]

حضرتك بيتطلب منك فى المرور شهادة بيانات كمبيوتر دى بيكون فيها بيانات العربية

لو الرخصة سارية مش بيطلبوها