التقييم المبدئى للكيا سول FaceLeft 2012 اعلى فئة

[sunware]

ربنا يباركلك طريقك يارب علي ردك واهتمامك
انا بفكر فيها مانويل استعمل خفيف هل هي جيدة علما بانها بدون abs فهل سوف تكون الفرامل جيدة ام لا وهل ابعاد العربية سهلة ام صعبة ....
اعتذر علي الاطالة وتعبك معي ..
تحياتي

الله يسعدك و يرزقك الخير

من تجربتى لقيادة الـ i30 على مدار 3 سنوات و لله الحمد السيارة لم تضعنى فى موقف مزعج بخصوص الفرامل لدرجة عندى تفكيرى فى سيارة جديدة لم يكون اختيار الـ abs من ضمن الشروط الأساسية بسبب جودة فرامل الهيونداى و كفاءة الموتور و ثباتها على الطريق و خصوصا فى المنحنيات و على سرعات عالية

و اهم شئ فى السيارة العناية الدائمة بها فى الصيانة مع ضبط ضغط الأطارات بصورة اسبوعية

ربنا يوفقك لسيارة جيدة و صدقنى و الله لو كان الشكل الجديد نزل منها كنت حأجيبها تانى

معلومة اضافية عن الكيا : من الوكيل مباشرتا
- الليدات الأمامية فى السول و السبورتاج منوره 24 ساعة (متخافوش يا جماعه عاملين سلك بره عداد الكهرباء يعنى مش حتنزل على الفاتورة) مفيش مفتاح يقفلها غير الكونتاك بس (الواحد يستحمل كل شوية حد يجرى وراك انت منور النور لية بالنهار !!!!!!!!)

- ممنوع تركيب وحدات رفع زجاج
- جهاز الأنذار + التركيب فى التوكيل 400 ج و يعمل مع ريموت العربية

[lenasam]

الف مبروك لحضرتك
ربنا يديك خيرها و يكفيك شرها

[S O P H O S]

الله يسعدك و يرزقك الخير

من تجربتى لقيادة الـ i30 على مدار 3 سنوات و لله الحمد السيارة لم تضعنى فى موقف مزعج بخصوص الفرامل لدرجة عندى تفكيرى فى سيارة جديدة لم يكون اختيار الـ abs من ضمن الشروط الأساسية بسبب جودة فرامل الهيونداى و كفاءة الموتور و ثباتها على الطريق و خصوصا فى المنحنيات و على سرعات عالية

و اهم شئ فى السيارة العناية الدائمة بها فى الصيانة مع ضبط ضغط الأطارات بصورة اسبوعية

ربنا يوفقك لسيارة جيدة و صدقنى و الله لو كان الشكل الجديد نزل منها كنت حأجيبها تانى

معلومة اضافية عن الكيا : من الوكيل مباشرتا
- الليدات الأمامية فى السول و السبورتاج منوره 24 ساعة (متخافوش يا جماعه عاملين سلك بره عداد الكهرباء يعنى مش حتنزل على الفاتورة) مفيش مفتاح يقفلها غير الكونتاك بس (الواحد يستحمل كل شوية حد يجرى وراك انت منور النور لية بالنهار !!!!!!!!)

- ممنوع تركيب وحدات رفع زجاج
- جهاز الأنذار + التركيب فى التوكيل 400 ج و يعمل مع ريموت العربية

واضح من كلام حضرتك ان عريبتك مفيهاش abs اظن كده
وكلام حضرتك حبيبتني فالعربية اكثر وقلة عيبوها وهو الانخفاض فقط
وكفاية اني احب العربية لانها خلتني اتنقاش واسئل شخصية محترمة زي حضرتك بتفيد غيرك
تحياتي

[sunware]

واضح من كلام حضرتك ان عريبتك مفيهاش abs اظن كده
وكلام حضرتك حبيبتني فالعربية اكثر وقلة عيبوها وهو الانخفاض فقط
وكفاية اني احب العربية لانها خلتني اتنقاش واسئل شخصية محترمة زي حضرتك بتفيد غيرك
تحياتي

اسعدنى الحوار معك

فعلا العربية الـ i30 هبوووووور منفضها كنت شارى اول فئة "105000 ج" و كانت فارغة تماما هو كاسيت و زجاج كهربائى و ضبط مرايات يمين و شمال كهرباء و سنتر و انذار "و وحدات رفع زجاج و دمتم " + ESP فقط
ولا ايرباج و لا abs و لا اى حاجه و مانيول،،،، بس صدقنى و الله العظيم عمرى ما ندمت يوم على انى اشتريتها،،، على عكس ان كانت شارى للمدام لانسر بومه 2007 و ندمت بعد ما اشتريتها و ندمت يوم مابيعتها انى جبتها اساسا لأنى اشتريتها غالية شويتين مستعملة و بعتها و خسرت فيها مبلغ محترم

كنت بركب الهيونداى و عمرى ما حسيت وانا بجرى بيها انى قلقان او العربية مش ثابته فى حين اللانسر جرايه لكن خفيفه جدا فى المنحنيات و بعد الـ 140 هوا على الأرض.

ربنا يسترها معانا جميعا

[sunware]

صور السيارة



السيارة من الأمام
أينعم لم ازيل المشمع حتى الأن


السيارة من الخلف / الكاميرا و السينسور



عجلة القيادة مالتى ميديا و بلوتوث و كروز كنترول
أينعم مركب طارة جلد فوق الطارة بتاعتها و مفتاح قفل الدركسيون متدلى من الكونتاك


الليدات الخلفية
أينعم مخبى العلامات و الله العظيم خايف انهم يتسرقوا لأنى عارف ان اول حاجة حتتفور منها هى العلامات
"سياراتى الهيونداى مسروق منها كل علامتها اكتر من 6 مرات و هى الأن قرعه بدون اى علامة منذ اكثر من 7 شهور"


الأضواء الأمامية




و ان شاء الله بعد ما اغسل العربية اصوره تانى ،،،،،،،،فراغ بقى

[ashouhdy]

العربية فيها انذار ... اقفل بالريموت و استنى دقيقة و افتح بالمفتاح او بأيدك ... انا ركبت وحدات رفع للكارينز عندى برة التوكيل والحمد لله مفيش اى مشاكل ... بالعكس مهمة جدا

[sunware]

العربية فيها انذار ... اقفل بالريموت و استنى دقيقة و افتح بالمفتاح او بأيدك ... انا ركبت وحدات رفع للكارينز عندى برة التوكيل والحمد لله مفيش اى مشاكل ... بالعكس مهمة جدا

تصدق بالله انا كنت شاكك فى الموضوع ده لأن فى سنسور كبير جدا فى وسط التابلوه من الأمام
فى حين أتصل بمهندس الصيانة الكهربائية فى التوكيل اليوم eit العامرية م / محمد عبد الرازق و اكد ان مفيهاش انذار و ان وحدات الرفع ممنوع تتركب فى التوكيل بأمر من kia كوريا و لو ركبتها يبقى ماكينات الزجاج خارج الضمان.،،، طبعا انا عارف ان وحدات الرفع مهمة لأنى عندى فى الهيونداى بأقفل و امشى و انا مطمن..


ربنا يسهل و نبحث فى الموضوع اكثر و ممكن بعد الضغط عليهم فى التوكيل يركبوها. المهم الضمان.

[Ahmed R08]

الف مبروك وربنا يديك خيرها ويكفيك شرها واللون جميل ما شاء الله

[DarkMagician]

الف مبروك يا اخي الكريم كانت من احد اختيارات الحج قبل ما يشتري عربية :)

مش عارف حاسس اني شفتها النهاردة في جراج سان ستيفانو :d

[sunware]

الف مبروك وربنا يديك خيرها ويكفيك شرها واللون جميل ما شاء الله

الف مبروك يا اخي الكريم كانت من احد اختيارات الحج قبل ما يشتري عربية :)

مش عارف حاسس اني شفتها النهاردة في جراج سان ستيفانو :d

الله يبارك فيكم و يكفينا جميع شرور الطريق و يسترها معانا جميعا

لأسف مش هي يا اخى الفاضل ،،، العربية لسه مرخصتش انا بمشى بيها فى الشوارع المستخبية بعيدا عن المرور

على العموم طارق اسماعيل شغال الأسبوع ده تسليم فى السول و الأسبورتاج يوم ما استلمت كان فى 4 سول غيرى و كمان حوالى 8 اسبورتاج ،،، ربنا يزيدهم و يبارك لهم

[S O P H O S]

بسم الله ما شاء الله عليها
ربنا يحفظهالك يارب من كل شر وتاخد خيرها
بجد مش عارف اقول لحضرتك ايه علي ردودك الجميلة واهتمامك
واتمني ان طولي يكون مناسب ليها يمكن قصير شوية حوالي 171 سم يارب اشوف ابعادها من قدام لاني عندي فالكورولا علشان التصميم مش بشوف حتي طرف الكبوت
ربنا يبارك فيك وليك علي تعبك

[DarkMagician]

الله يبارك فيكم و يكفينا جميع شرور الطريق و يسترها معانا جميعا

لأسف مش هي يا اخى الفاضل ،،، العربية لسه مرخصتش انا بمشى بيها فى الشوارع المستخبية :f_eyeb1[1]: بعيدا عن المرور

على العموم طارق اسماعيل شغال الأسبوع ده تسليم فى السول و الأسبورتاج يوم ما استلمت كان فى 4 سول غيرى و كمان حوالى 8 اسبورتاج ،،، ربنا يزيدهم و يبارك لهم

ربنا يباركلك فيها اول ما تجيب الورق روح رخص ومتكسلش

[maruti]

ماشاء الله ولا حول ولا قوة الا با الله
ربنا يباركلك فيها ياراب
ليا عندك كام سؤال يا ريت تجاوبني اكون شاكر ليك

ان شاء الله نويت على السول اول فئة الي ب 123 لو جبت الفئة دي ممكن اندم واقول يارتني جبت الكاملة ولا دي كويسة ؟
الفوانيس الامامية العدسات فيها زينون ولا لا ؟
وعايز اعرف هل هيا ممتعة في السواقة ولا لا علشان انا جربت عربية بومة بتاعت واحد صحبي وعجبتني جدا فا عايز اعرف بما انك كان معاك قبل كدا لانسر بومة
اسف جدا اني طولت على حضرتك ويااااارب يباركلك فيها ويديك خيرها ويكفيك شرها

[ashouhdy]

متقلقش انا مركب زينون و ديفندرات و وحدات رفع و محدش بيقول حاجة فى التوكيل ... اة و كمان انذار هههههه اة و فوجات !!!

[ashouhdy]

طبعا مركب كلة برة التوكيل ! جمد انت قابك بس ... المهم حاول تأمن و توزع لحمة او فلوس اى حاجة رىكاة عنها ... وربنا يكفيك شرها و يبعد عنك العين ... الف مبروك و اكيد حنتقابل صدفة فى أسكندرية ... انا كارينز بترولى متفيمة بدفندرتت ...ومن ورة مركب بادج teisto فى نص الأراز