جنوط لكيا بيكانتو ٢٠١٠............أي إقتراحات؟

[nyzo]

يا خبراء البيكانتو و خبراء قسم كيا، أنا كنت بفكر اركب جنوط سبورت لعربيتي البيكانتو موديل ٢٠١٠، بس خايف دة يأثر على العفشة أو السحب أو الباور ستيرنج الكهرباء.


- ممكن حد يفدني ويقوللي اه أحسن مقاس و نوع يزود الثبات و لا يأثر على العفشة أو السحب أو الباور ستيرنج الكهرباء؟؟
- ونفس الكلام بالنسبة للكاوتش.


أرجو الإفادة.
مع جزيل الشكر...

[Hosam_Optrawy]

طيب مبدأيا حضرتك راضى عن العفشه يعنى بالنسبه لك ناشفه ولا عاديه ولا ناعمه ؟

الارتفاع عن الارض مناسب ولا عايز تعليها شويه ولا عايز توطيها ؟

الجنوط اللى راكبه حاليا مقاس كام ومقاس الكاوتش كام ؟

[nyzo]

طيب مبدأيا حضرتك راضى عن العفشه يعنى بالنسبه لك ناشفه ولا عاديه ولا ناعمه ؟

الارتفاع عن الارض مناسب ولا عايز تعليها شويه ولا عايز توطيها ؟

الجنوط اللى راكبه حاليا مقاس كام ومقاس الكاوتش كام ؟

هو العفشة أكيد ناشفة بس خلص اتعودت عليها، ارتفاعها عن الأرض كويس، مش مسببلي أي مشكلة كا واحد بيسوق سواقة طبيعية.
الكاوتش إلي راكب فيها على ما أعتقد 175/75/r14 بس إلي متأكد من ال-r14 ديه

[Hosam_Optrawy]

بيتهيألى البيكانتو 2010 كان مقاسها 175/60 مش 75

عشان تزود الثبات لازم تزود عرض الكاوتش ويفضل تركب جنط اكبر بس العفشه هاتنشف اكتر

وممكن تركب جنوط 14 بس مع كاوتش اعرض من اللى راكب عندك

ياريت بس الاول تتأكد من مقاس الكاوتش عندك

[dexter]

مقاس كاوتش البيكانتو مع الجنط ال14 هو 165/60

[nyzo]

بيتهيألى البيكانتو 2010 كان مقاسها 175/60 مش 75

عشان تزود الثبات لازم تزود عرض الكاوتش ويفضل تركب جنط اكبر بس العفشه هاتنشف اكتر

وممكن تركب جنوط 14 بس مع كاوتش اعرض من اللى راكب عندك

ياريت بس الاول تتأكد من مقاس الكاوتش عندك

طيب بالنسبة للسحب والباور ستيرنج إيه ظروفه مع الجنوط؟؟ أنا مش عايز أإذي العربية، لأن لو أداء العربية هيقل يبقى خليني زي مانا، عشان كدة أنا بسأل.
هل فيه أنواع أو مقاسات جنوط وكاوتش مقترحة؟؟؟؟

[Hosam_Optrawy]

طيب بالنسبة للسحب والباور ستيرنج إيه ظروفه مع الجنوط؟؟ أنا مش عايز أإذي العربية، لأن لو أداء العربية هيقل يبقى خليني زي مانا، عشان كدة أنا بسأل.
هل فيه أنواع أو مقاسات جنوط وكاوتش مقترحة؟؟؟؟

هى مش هاتتأذى بس لما تركب كاوتش اعرض وارد ان السحب يقل بنسبه بسيطه وبرضه الباور يتقل حاجه بسيطه , لان مساحة الكاوتش الملامسه للارض وبتحتك بيه زادت

[A.Saad]

هيا بتاخد مقاسين
165/60/14 ده النازل بيها

175/55/15 ده مكتوب فى الكتالوج
المفروض ميكنش ليه احتكاك مع الرفرف بس اتاكد

لو عرضت الكاوتش
بيزود استهلاك البنزين ويحسن الفرامل فى الارض غير المبتلة وممكن يكون تأثيره فى الفرامل مش كويس فى الارض المبتلة
لو بتتكلم على زيادة ثبات
العفشة الناشفة موفرة ثبات كافى مش هتقلق منه غير على بعد ال120

[S O P H O S]

فعلا تعريض الكاوتش ليه مزايا وعيوب فنفس الوقت