تكييف السيراتو قطع غيار

[Silvermask]

يا جماعة انا رحت امبارح الحم سربنتينا للتكييف و كنت كشفت عليها قبل كده في مركز القطامية و شوفت الخرم بعيني فيها

لكن انا لحمتها بره عند ورشة في المعادي من طرف صديق مضمون بس بعد اللحام صاحب الورشة قاللي انها فيها بارومة و اماكن كتير فيها تنميل (فقاقيع هوا صغيرة)

و قاللي البارومة من قلت الغسيل ( انا اعرف البارومة تيجي من كتر الميه) و كمان رمله الطريق ( لو المهندس في كيا اللي صمم مكانها عارف كده حاطينها في وش العربيه ليه )
المهم قاللي عندوا الاصلي الكوري بتاعتها ب 750 جنيه و الشحن و التركيب هاتوصل كله الف

و لما سالت قبل كده في توكيل قاللي 1600 السربنتينا لوحدها و مع شحن و تركيب توصل 2400

السؤال هل 750 ده فعلا سعر قطعة الغيار الاصلي ؟
اعرف منين انها اصلي ؟
هل اشتريها منه و اركبها في التوكيل ؟ و اللا العكس ؟ النصيحة ؟

شكرا للقسم

[Silvermask]

يا جماعة 26 مشاهدة و لا حتي رد مجامله

[moha4tec]

الله اعلم
ممكن تسال حد متخصص فى التكييف و هو يعطيك معلومه افضل

[mouraddesk]

فعلا البارومة من قله الغسيل لان السربنتينة بتحوش تراب و التراب يشرب الرطوبة و نفس الفكرة فى الرفارف و الديول بس اهم حاجه الوسطية مش تغسلها كل يوم او تسيبها معفنى كل شهر او شهرين مره من تحت و طبعا مره بعد الشتا و مره فى دخلة الشتا و اعتقد ان السعر ده مبالغ فيه حاول تشوف فى التوفيقية او شارع دمشق

[Mohamed Bander]

والله انا نصيحتي انك تروح تعملها في التوكيل علشان لو روحت اشترتها من بره ورحت التوكيل مش هيرضوا يركبوهالك ولو جبتها من التوكيل وركبتها عنده ماتضمنش يركبها كويس او وحش وممكن بعد كده تعمل مشكله وتروحله تاني وياخد فلوس تحت اي بند تاني انما التوكيل هيعملهالك وانت ضامن انها سليمه او علي الاقل ترجعلهم لو لا قدر الله فيها مشاكل

فانا لو مكانك يا اعملها كلها بره يا كلها في التوكيل

[Silvermask]

الحمد لله تم الاستبدال خارج الوكيل اتكلفت 1000 بس حاسس انها مش بتبرد الهوا قوي خصوصا في الايام الحر ديه اظن هاروحله يزود الفريون اكتر

شكرا

[ls1090]

اتاكد ان الى تشحن فريون 134r
تانى حاجة افضل شحن الشحن بالكمبيوتر بيكتب اسم العربية على الكمبيوتر وكدا . والكمبيوتر بيحت الفريون بالجرام مش بالضغط وبيحشن والتكيف مقفول وده ميزته
الكمية مظبوطة و بيغير زيت الكباس و لو فى تسريب مش بيشحن وبيسحب الهوا كله من الدورة

[احمد المصرى]

اتاكد ان الى تشحن فريون 134r
تانى حاجة افضل شحن الشحن بالكمبيوتر بيكتب اسم العربية على الكمبيوتر وكدا . والكمبيوتر بيحت الفريون بالجرام مش بالضغط وبيحشن والتكيف مقفول وده ميزته
الكمية مظبوطة و بيغير زيت الكباس و لو فى تسريب مش بيشحن وبيسحب الهوا كله من الدورة

ودا بيتم فين وبيتكلف كام تقريبا

[ls1090]

ودا بيتم فين وبيتكلف كام تقريبا

البقاء لله وان لله وان اليه راجعون
انا عملت الموضوع فى الشرقية اتكلف 200 شحن التكيف كان فاضى
معرفشى حد بيعملوا فى القاهره

[Silvermask]

طب لو حد يعرف يقولنا نستفيد