الي خبراء نايل موتور

[remon82]

السلام عليكم

انا معايا كيا اوبتيما 2008

مشكلتها اولا انها بتحدف يمين علي السرعات العاليه و الواطيه ورصصت و ظبط زوايا و غيرت مكان العجل و لسه المشكله موجوده.

ثانيا علي السرعه العاليه بحس انها بتعوم لما بكون في هوا جامد و بحس ان الدريكسيون بقي خفيف مع انو بالعكس المفروض الدريكسيون يتقل .

[moha4tec]

شيك على ضغط الكوتش
و شوف هل حالة الكوتش متاكل و الا لا
و هل العفشه سليمه و الا المساعدين و السوست عوزه تتغير
و الله اعلم

[remon82]

انا عندي الكوتش الامامي ميه في الميه و الخلفي 70 في الميه و ضغطهم مظبوط و كشفت علي العفشه بالكمبيوتر الراجل قلي العربيه تمام

[remon82]

ايه يا رجاله محدش عارفلها حل او مشكلتها فين ؟؟؟؟

[loshabih]

خليه يشوفلك ارتفاع العربيه من الجانبين ....لو عجله اليمين رلمان البلي فيه حاجه بمعني اخر احتكاكها زياده في حاجه موقفاها او كده

[asalem1478]

السلام عليكم

انا معايا كيا اوبتيما 2008

مشكلتها اولا انها بتحدف يمين علي السرعات العاليه و الواطيه ورصصت و ظبط زوايا و غيرت مكان العجل و لسه المشكله موجوده.

ثانيا علي السرعه العاليه بحس انها بتعوم لما بكون في هوا جامد و بحس ان الدريكسيون بقي خفيف مع انو بالعكس المفروض الدريكسيون يتقل .

ريمون باشا.. اللي انا اعرفه ان التعويمة و احساسك ان مش مسيطر علي العربية ده بسبب المساعدين. اكشف عليهم و اعتقد المشكلة تتحل ان شاء الله..

[remon82]

ريمون باشا.. اللي انا اعرفه ان التعويمة و احساسك ان مش مسيطر علي العربية ده بسبب المساعدين. اكشف عليهم و اعتقد المشكلة تتحل ان شاء الله..

ميرسي علي الاستجابه السريعه

ان شاء الله هروح اكشف علي ارتفاع العربيه و كمان هشيك علي المساعدين بس اخر مره لما شيكت علي العفشه بالكمبيوتر الراجل قلي انها تمام عموما هشوف حد تاني و اقولكو علي النتيجه .

[remon82]

انا كشفت علي العربيه طلع فيها رمان بلي في العجله اليمين

بس عندي سؤال اخير ايه اللي بيخلي الدريكسيون يرد لمكانه من اليمين و الشمال ( يعني لما تكسر شمال او يمين يرجع في النص تاني لوحدو) هل المساعدين ولا حاجه غيرها لاني االعربيه لما بكسر شمال بترد اما لليمين بترد بردو لكن اضعف شويه و انا حاسس ان ده ممكن يكون هوا شبب الحرفه

[eldmrane]

انا كشفت علي العربيه طلع فيها رمان بلي في العجله اليمين

بس عندي سؤال اخير ايه اللي بيخلي الدريكسيون يرد لمكانه من اليمين و الشمال ( يعني لما تكسر شمال او يمين يرجع في النص تاني لوحدو) هل المساعدين ولا حاجه غيرها لاني االعربيه لما بكسر شمال بترد اما لليمين بترد بردو لكن اضعف شويه و انا حاسس ان ده ممكن يكون هوا شبب الحرفه

باشا لو تسمع نصيحتي انا اعرف واحد في الجيزة في الموضوع دة فنان هتكشف علي عربيتك عندة هيقولك اية السبب بالظبط من غير ما تعد تغير وتلقي نفسك زي ما انت نفس العيب لو تحب حضرتك ممكن اوصفهولك

[remon82]

باشا لو تسمع نصيحتي انا اعرف واحد في الجيزة في الموضوع دة فنان هتكشف علي عربيتك عندة هيقولك اية السبب بالظبط من غير ما تعد تغير وتلقي نفسك زي ما انت نفس العيب لو تحب حضرتك ممكن اوصفهولك

ضمراني باشا او محمد ناجي

المشكله كلها اني مش في مصر
و هنا الميكانيكي علي ادهم او ي يعني ميكانيكي علي ما تفرج