العربية عملت طحينة :(((((

[wel781]

السلام عليكم

معلش إستحملونى.

أنا عربيتى بيكانتو موديل 2006
أمن شهرين كده عملت صيانة الـ 120,000 فى التوكيل فى أبو رواش,
قبلها كانت العربية عادية جدا و مافيهاش أى مشاكل.

المهم بعد ما أخدتها من التوكيل بحوالى أسبوعين كده, أبتدت تترج الصبح أول ما أدورها. وبعدين تبقى عادى لما بتسخن

المهم أنا قلت يمكن يكون فى وساخة فى التنك ولا حاجه بسبب أزمة البنزين.
الوضع أبتدى يبقى أسوا و أبتدت تبطل بعد ما تدور الصبح بالذات

والدنيا بقت أسوا و أسوا المياه بقت تقل و أزودها يوميا

فقلت مابدهاش هارجع التوكيل تانى, سيبتهالهم وكشفوا عليها.
قالولى إن العربية مطحنة و عايزين 1500 جنيه بس علشان يحلوا وش السلندر و يشوفوا المشكلة أيه

مش عارف أعمل أيه ؟؟؟ أروح لميكانيكى بره ؟؟
بس أنا خايف من عك الميكانيكية وخصوصا أنه كده على حد علمى هايغير جوان :((

أفيدونى أفادكم الله

وليد وهبه
WeFaaQ

[S O P H O S]

طب ما ترجع التوكيل تاني

[wel781]

طب ما ترجع التوكيل تاني

باشا
هما عايزين 1500 جنيه بس علشان يحلوا وش السلندر.

لسه بقى لو فى حاجه تانية عايزة تتصلح.

[Shiref_mohamed]

شوف ميكانيكي كويس وخليه يفك وش السلندر وإن شاء الله يطلع جوان الوش بس هوه الى محتاج تغيير والموضوع مش هيكلفك كتير

[SAMEH_FOUAD]

هات جوان وش السلندر الاصلى + تروح لفنى كويس جدا + الخراط يكون شغلة نظيف عشان لازم يسنفر الوش وان شاء الله ماتلاقيش فية اى اعوجاج

والتكلفة كلها للمصنعية مش هتكمل 300 جنية

[hmada9009_99]

السلام عليكم

معلش إستحملونى.

أنا عربيتى بيكانتو موديل 2006
أمن شهرين كده عملت صيانة الـ 120,000 فى التوكيل فى أبو رواش,
قبلها كانت العربية عادية جدا و مافيهاش أى مشاكل.

المهم بعد ما أخدتها من التوكيل بحوالى أسبوعين كده, أبتدت تترج الصبح أول ما أدورها. وبعدين تبقى عادى لما بتسخن

المهم أنا قلت يمكن يكون فى وساخة فى التنك ولا حاجه بسبب أزمة البنزين.
الوضع أبتدى يبقى أسوا و أبتدت تبطل بعد ما تدور الصبح بالذات

والدنيا بقت أسوا و أسوا المياه بقت تقل و أزودها يوميا

فقلت مابدهاش هارجع التوكيل تانى, سيبتهالهم وكشفوا عليها.
قالولى إن العربية مطحنة و عايزين 1500 جنيه بس علشان يحلوا وش السلندر و يشوفوا المشكلة أيه

مش عارف أعمل أيه ؟؟؟ أروح لميكانيكى بره ؟؟
بس أنا خايف من عك الميكانيكية وخصوصا أنه كده على حد علمى هايغير جوان :((

أفيدونى أفادكم الله

وليد وهبه
wefaaq

عالفكره ممكن التوكيل هو سبب خاصتا ان العربيه قبل صيانه 120000 كويسه ممكن بمنتهى البساطه حد من اللي مابيفهمش او عاوزين يفتحوا شغل فزود ميه في الردياتير بتاع العربيه وهيه سخنه ومطفيه وحصل معايا الموقف ده والحمد لله لحقت الفني و يومها قلبت الدنيا في التوكيل

[wel781]

رحت ورشة بره و غيرت جوان وش سلندر
بس شال ثرموستات الكوعة

فى مشكلة ممكن تقابلنى فى موضوع ثرموستات الكوعة ده ؟

[moha4tec]

و الله انت ربنا يكون فى عونك فى موضوع الطحين بتاع الموتور .حصل لواحد صحبى
و صنفر وش السلندر و عمل جوان وش السلندر مرتين و بعد كده العربيه جابت اخرها و عاوز يغير موتور .
و ان شاء الله مشكلتك تتحل و تخلص على خير

[arafahafez]

الموضوع بسيط ولكن محتاج واحد فاهم وعنده ضمير ولذلك ارجو ان تتصل بالتليفونات التالية وهي خاصة بميكانيكى فاهم ويعمل بشركة اوراسكوم اسمه / اشرف وقول له انك من طرف المهندس / عرفه وهى (01275550143 -01000017646 )...والله من وراء القصد والسبيل .

[فتح الباب]

هات جوان وش السلندر الاصلى + تروح لفنى كويس جدا + الخراط يكون شغلة نظيف عشان لازم يسنفر الوش وان شاء الله ماتلاقيش فية اى اعوجاج

والتكلفة كلها للمصنعية مش هتكمل 300 جنية

ده تصرف سليم

[wel781]

شكرا لردودوكم و مساعتدكم
وديتها لميكانيكى فى 6 أكتوبر (قبل ما حد يقول ياهههه بعيد اوى ده مكان سكنى)
الحمدلله غيرت جوان بس وكله تمام
بس بعدها فى صوت ونه بيزيد مع السرعه
رجعتله فقالى ده بلى العجل

[tarekiooo]

ربنا معاك