كيا سيراتو من 0 لـ 100 فى 9.4 ثانية

[yasserelsayad]

ازيكم يا نمور كيا
والله وحشنى اوى
انا عارف انى مقصر فى حقكم وحق القسم بس والله الدراسة بتاخد وقت الواحد كله

انهارده قولت اشوف العربية عاملة ايه كدا لأن امبارح جريت من صحابى بالالنترا وفيلوستر
وخلينى اقول ان النتيجة مكنتش مرضية ليهم

مكنش معايا غير 60 كيلو فى البنزين واصلا عمال بجرى من التجمع لحد اكتوبر
فقولت اجرب كدا الدنيا ماشية ازاى واشوف اخبار العربية كمان

صورت فيديوهين مرة كانت 9.57 ثانية بس كان الطريق مش مستوى كله
ومرة كان 9.23 عموما انا اخدت الـaverage وقولت 9.4

Kia Cerato / Forte 0-100 (3) 9.4 sec - YouTube

[Typerr]

عربيتك ماشاء الله تسارعها قوي

[zangry]

ماشاء الله ربنا يباركلك فيها

[lanos2004]

ما شاء الله

[Mzeid]

ماشاء الله اكبر

ربنا يبارك لك فيها يا ياسر
بس انت معدل فيها حاجة ؟

[yasserelsayad]

عربيتك ماشاء الله تسارعها قوي

ماشاء الله ربنا يباركلك فيها

ما شاء الله

ربنا يخليكم يا رجالة

[yasserelsayad]

ماشاء الله اكبر

ربنا يبارك لك فيها يا ياسر
بس انت معدل فيها حاجة ؟

لا هى مفيهاش غير فلتر سيموتا بس مش جديد يعنى هو موجود بقاله فترة كبيرة فيها

[تامر.محمد]

بسم الله ما شاء الله ولا حول ولا قوة الا بالله :)

بس ايه السر يا ياسر ؟
تفتيح الموتور ؟ يعني اغلب مشيك على rpm عالي ؟
ولا دوستك على الدواسة نفسها ؟
ولا امتى بتنقل ؟

هل لو سقت سيراتو تانية تقدر تحقق بيها نفس الارقام ؟
يعني قد ايه على السواق و قد ايه على العربية ؟

[yasserelsayad]

بسم الله ما شاء الله ولا حول ولا قوة الا بالله :)

بس ايه السر يا ياسر ؟
تفتيح الموتور ؟ يعني اغلب مشيك على rpm عالي ؟
ولا دوستك على الدواسة نفسها ؟
ولا امتى بتنقل ؟

هل لو سقت سيراتو تانية تقدر تحقق بيها نفس الارقام ؟
يعني قد ايه على السواق و قد ايه على العربية ؟

لا هو مفيش سر اعتقد هى متعودة بس على كدا
لكن زى ما انت شايف انا ماسك الموبيل فى ايد والدريكسيون فى ايد وهى بتنقل مع نفسها وبتتعامل انا مفيش منى اى تدخل غير انى دايس على الدواسة على الاخر كمان :)

لكن لما بجرى مع حد بتفرق فى حفظ العربية وكمان مبكونش قلقان منها ولا خايفها تعوم مثلا فا دا بيفرق فى الجرى بين سواق والتانى .. لكن هنا العربية مع نفسها.

[Omar100]

ما شاء الله التسارع جيدا جدا

[S O P H O S]

ما شاء الله
فعلا السيراتو بتجمع بسرعة لسه انهاردة اخ فاضل عمل معايا الواجب بس كنت بالعربية الصغيرة الغلبانة الي اخرها 12 وبس

[moha4tec]

السلام عليكم
ايو كده يا ياسر اتحفنا بمواضيعك الجميله
و خلى ال anti forte يتغاظوا هههههههههههههههههههههه
بسم الله ما شاء الله على التسارع بجد جميله جدا .
ربنا يباركلك فيها و يكفيك شرها .
متنسانيش لو سافرت ابقى هاتلى معاك اللى قولتلك عليه هتفرق فى التسارع كمان 1 ثانيه مستريح

[hany63]

هو الفلتر السيموتا خارجي بماسوره ولا ال oem

[TFSI]

فى حوالى ثانية ناقصة فى أول الفيديو لأن عداد ال rpm كان على 2500 قبل أول ثانية وبما إن السيراتو فتيس أتو عادى مش DSG فبالتالى ما فيهاش Launch Control

[lanos2004]

فى حوالى ثانية ناقصة فى أول الفيديو لأن عداد ال rpm كان على 2500 قبل أول ثانية وبما إن السيراتو فتيس أتو عادى مش dsg فبالتالى ما فيهاش launch control

اعتقد ان التصوير غير جيد وهناك ظل فى الفيديو المصور -مما جعل الامر يلتبس عليك يا اخى -