إختراع جاااااامد لعدم سرقة السيراتو :)

[M.Elgergawy]

انهاردة وانا بتمشى كدا لقيت حاجة جديدة اول مرة اشوفها ولكن سمعت عنها هنا كتير بس فكرة جامدة جدا وطبعا صورتها عشانكوا :) والعربية كانت راكنة في الشارع وللأسف سألت على صاحبها حوالين المكان محدش يعرف صاحبها :( عشان كنت عايز اعرف الاختراع ده جابوا منين وسعره كام وشكلوا طقم كامل على بعضوا وياريت لو حد يعرف يقول عشان الناس كلها تستفاد

[osama.m]

جامد جدا الطقم دا

[Elawany13]

هههههههههههه
واضح ان صاحبها مرعوب
اكيد اتسرقت منه قبل كده
ربنا يسترها علينا وعليه

على العموم ده كلابش للعجل
شوفته فى طنطا عند محل اكسسوارات الواحد بـ 130 جنيه
فيه موضوع فى قسم الكماليات بيقول ان اشتراه من التوفيقية بـ 95 جنيه
على ما اتذكر

[Kareem Fawzy]

سمعت عنه بس اول مرة اشوفه
بس بجد جامد جداً
ياريت اللى عنده اى معلومات يقولنا يا جماعة

[corsair]

ههههههههههههههههههههههههههههه

ده ناقص يحط مدفع جرينتوف يضرب في وش اللي يفتحها

[Medicalist]

هههههههههههههههه جامده جداا
الفكره دى جت على بالى قبل كده وغالبا هى فكرة الكلابش بتاع المرور بس انا بصراخه اول مره اشوفه

[المنسي]

انا شفت الكلابش ده فى عربية بس كان فى فردة واحدة وكان شبه بتاع المرور بالظبط بس العربية مكنتش راكنة فى مكان مخالف لانها كانت فى شارع داخلى بس السؤال بقى هو ده ملوش حل يعني هل الحرامى هيغلب لو حاول يفكه اصل العالم دى مش بتغلب وربنا يسترها علينا جميعا

[omaroof]

فعلا اختراع جامد جداااااااااااااااااااااااااااااااااااا

هههههههههههههههههههههههههههه

[Eng.Geo]

يا فرحة الحرامية
هيبقي ... سيراتو + طقم حماية

[REHAN84]

ياليلة بيضة دا الواحد يكسل يفك الحجات دي كلها اروح موصلات احسن

[ashouhdy]

ناقص يكهربها و يخلص

[Hondawy_2008]

فعلا يا جماعة كله ياخد باله أنا لسة جايب كلبش دركسيون لأن أخو واحد صاحبي من 5 أيام سرقوا عربيته السيراتو مكملتش 7 شهور من الفلكي ,,, كل واحد ياخد حذره بجد لأن مفيش أمان و الشرطة متواطئة و مفيش منها أمل " احمي نفسك بنفسك " و الله الراجل ده اللي عربيته في الصورة بيفكر صح انت بتجيب حاجة ب 200 جنيه و لا حتى 500 جنيه علشان تحافظ على حاجة فوق ال 100 ألف يعني ولا حاجة و أنا عن نفسي جبت كلبش 3 في 1 ب 50 جنيه من التوفيقية

[mohammedabdallh]

ما انا قلت على الموضوع ده قبل كدا بس بهزار
ان الواحد يشترى كلبش بتاع مرور
اهو ينفع لو وقفت صف تانى تكلبش انت نفسك بنفسك
وينفع لما تيجى تركن
والصين عملته

[Eng.Geo]

علي فكرة انا قلت حل قبل كدة في قسم كيا
حل ببلاش ... مش هتدفع مليم
وينفع لكل العربيات
العربية محدش هيعرف ياخدها الا لو قطرها أو شالها

[mohammedabdallh]

علي فكرة انا قلت حل قبل كدة في قسم كيا
حل ببلاش ... مش هتدفع مليم
وينفع لكل العربيات
العربية محدش هيعرف ياخدها الا لو قطرها أو شالها

ايه هو
يفك الاربع عجلات وهوا طالع ينام