مصر للتامين و eit

[Mohamed Bander]

السلام عليكم

انا كنت توكلت على الله وحجزت سيراتو 2012 هاى لاين وفى انتظار الاستلام ان شاء الله

انا عربيتى اللى معايا مامن مع كونتكت بصراحه انا لسه مجربتهمش بس هما نظامهم كالاتى:

1-الاصلاح فى الوكيل

2-اول حادثة لا يوجد نسبة تحمل الثانية 10% تحمل التالته تقريبا كانت 15% وهكذا

فى حالة السرقة او total loss لا قدر الله بتاخد مبلغ التامين كامل

هما نسبة التامين تقريبا 5% من سعر العربية

انا كنت برضه مع السيراتو كنت ناوى اعمل تامين معاهم بس بتاع ال sales بيحاول يقنعنى بمصر للتامين ،، على اساس انهم عاملين deal معاهم ان فى حالة الحادثة انت بتودى العربية EIT وملكش دعوة باى حاجه بس فى نسبة تحمل 10% من اى اصلاح ،، بس التكلفة لو عدت 10000 جنيه لازم محضر شرطه وفى حالة السرقه او total loss بتاخد 75% من قيمة التامين.

وده بنسبة تامين 3.5%

بصراحه انا محتار مش عارف اوفر واخلينى مع مصر للتامين ولو انى بقلق من شركات التامين المصرية واستهبالهم مع ان الراجل بتاع التوكيل بياكدلى ان الشغل نضيف وكل حاجه هتتعمل تمام وانا مش هتدخل فى اى حاجه خالص بس انا عارف هو اكيد بيلمعهم علشان هو كمان هياخد نسبة ولا اخلينى مع كونتكت اللى سمعتهم معروفه..

ياريت تنصحونى اعمل ايه؟


شكرا

[Mohamed Bander]

مفيش اي اقتراحات او نصائح؟؟؟

[Arabino]

متابع لانى نفسي اامن على عربيتي صراحه ؟ :((((

[ابو ليلى]

الف مبروك العربية ويارب ما تحتاج للتامين فى اى شى
انا شايف ان عرض مصر للتامين الاحسن
العربية هتتعمل فى التوكيل ومعروف ان التامين مش بيصلح بيغير
عكس اى مكان تانى بيجبرك تروح المراكز اللى تبع لهم علشان اكيد التوفير فى الاصلاحات
نسبة ال 25 % لو لا قدر الله وحصل سرقة ده قرار لسه نازل السنة دى على كل شركات التأمين
يعنى اجبارى واسال كونكتت تانى فى الموضوع ده ( انا لسه مأمن الشهر اللى فات )
اهم ميزة بقى ان فى اى شركة تانية حضرتك هتدفع التكلفة الاول وبعدين تاخد الفاتورة
وتروح تاخد فلوسك من شركة التامين ولكن بعد حوالى شهر او اكتر عكس م للتامين
نسبة ال 10% اول سنة متعوضة مع فرق ال 5% ( نسبة 1.5 )
الاهم فى سؤالك التخوف من الشركات المصرية مع ان كلام البايع بيقول انك مش هتتعامل
مع الشركة من الاساس العربية لو حصل حاجه هتروح التوكيل تسلمها
وبعد ما تخلص هتروح تستلمها يعنى مفيش اى تعامل معاهم .
وجه نظرى شايف عرض م للتامين احسن وانتظر راى باقى الزملاء

[Arabino]

نسبة ال 25 % لو لا قدر الله وحصل سرقة ده قرار لسه نازل السنة دى على كل شركات التأمين

يعني ايه الكلام دا ؟؟؟؟؟

[ابو ليلى]

دى نسبة تحمل على صاحب العربية لو اتسرقت بيتخصم 25 % من قسمة التامين

[Mohamed Bander]

الف مبروك العربية ويارب ما تحتاج للتامين فى اى شى
انا شايف ان عرض مصر للتامين الاحسن
العربية هتتعمل فى التوكيل ومعروف ان التامين مش بيصلح بيغير
عكس اى مكان تانى بيجبرك تروح المراكز اللى تبع لهم علشان اكيد التوفير فى الاصلاحات
نسبة ال 25 % لو لا قدر الله وحصل سرقة ده قرار لسه نازل السنة دى على كل شركات التأمين
يعنى اجبارى واسال كونكتت تانى فى الموضوع ده ( انا لسه مأمن الشهر اللى فات )
اهم ميزة بقى ان فى اى شركة تانية حضرتك هتدفع التكلفة الاول وبعدين تاخد الفاتورة
وتروح تاخد فلوسك من شركة التامين ولكن بعد حوالى شهر او اكتر عكس م للتامين
نسبة ال 10% اول سنة متعوضة مع فرق ال 5% ( نسبة 1.5 )
الاهم فى سؤالك التخوف من الشركات المصرية مع ان كلام البايع بيقول انك مش هتتعامل
مع الشركة من الاساس العربية لو حصل حاجه هتروح التوكيل تسلمها
وبعد ما تخلص هتروح تستلمها يعنى مفيش اى تعامل معاهم .
وجه نظرى شايف عرض م للتامين احسن وانتظر راى باقى الزملاء

الف شكر يا ابو ليلي علي مرورك

بالنسبه لكونتاكت الكلام اللي قالوهولي ان العربيه بتدخل التوكيل برضه ومليش دعوة هما بيحاسبو التوكيل او انا هدفه للتوكيل نسبة التحمل اللي عليا


هو كلامك منطقي بس انا بصراحة قلقان من الشركات المصرية من خلال تعاملي مع الجمعية المصريه

انا اتعاملت قبل كده مع اليانز وكانو هايلين بصراحه بس هما علو النسبه أوي وصلوها تقريبا ل ٦٪

[sara2001]

السلام عليكم

انا كنت توكلت على الله وحجزت سيراتو 2012 هاى لاين وفى انتظار الاستلام ان شاء الله

انا عربيتى اللى معايا مامن مع كونتكت بصراحه انا لسه مجربتهمش بس هما نظامهم كالاتى:

1-الاصلاح فى الوكيل

2-اول حادثة لا يوجد نسبة تحمل الثانية 10% تحمل التالته تقريبا كانت 15% وهكذا

فى حالة السرقة او total loss لا قدر الله بتاخد مبلغ التامين كامل

هما نسبة التامين تقريبا 5% من سعر العربية

انا كنت برضه مع السيراتو كنت ناوى اعمل تامين معاهم بس بتاع ال sales بيحاول يقنعنى بمصر للتامين ،، على اساس انهم عاملين deal معاهم ان فى حالة الحادثة انت بتودى العربية eit وملكش دعوة باى حاجه بس فى نسبة تحمل 10% من اى اصلاح ،، بس التكلفة لو عدت 10000 جنيه لازم محضر شرطه وفى حالة السرقه او total loss بتاخد 75% من قيمة التامين.

وده بنسبة تامين 3.5%

بصراحه انا محتار مش عارف اوفر واخلينى مع مصر للتامين ولو انى بقلق من شركات التامين المصرية واستهبالهم مع ان الراجل بتاع التوكيل بياكدلى ان الشغل نضيف وكل حاجه هتتعمل تمام وانا مش هتدخل فى اى حاجه خالص بس انا عارف هو اكيد بيلمعهم علشان هو كمان هياخد نسبة ولا اخلينى مع كونتكت اللى سمعتهم معروفه..

ياريت تنصحونى اعمل ايه؟


شكرا

الف مبروك العربيه وبإذن الله حضرتك لا تحتاج التأمين في حاجه
انا مأمنه مع كونتكت ونسبة التحمل مختلفه عن ماتم ذكره
اول حادثه بدون تحمل تاني حادثه نسبة تحمل 15% تالت حادثه 25 %
واخويا كان مأمن في مصر للتأمين وكان عيبهم الوحيد الإجراءات المعقده وضرورة المتابعه في الشركه نفسها وصدور قيمة التعويض بعد فتره طويله من الحادثه

[MMMERO]

باشا كلمة حق انا عامل موضوع ديل التأمين تبع مصر للتأمين مع الوكيل والصراحة معاملتهم كويسة جدا وربنا ما يحوجنا للتأمين اساسا بس انا كان عندى فانوس مشروخ رحت للتوكيل وقالولى مندوب مصر للتامين بيجى يوم الاحد والاربعاء فى القطامية رحت الاربعاء المهندس بص وصور وادى الاوردر والعربية دخلت اتغير الفانوس ودفعت النسبة بتاعتى وخلاص النقطة بس الوحيدة انك ما تخدش الحاجات اللى اتبدلت من العربية لانها بتتجمع وتروح لشركة التامين انما غير كدة معاملة ممتازة ومافيش اى تعامل مباشر مع شركة مصر للتامين ولا تدفع انت كا حاجة وتجرى وراهم بعد كدة

[Mohamed Bander]

الف مبروك العربيه وبإذن الله حضرتك لا تحتاج التأمين في حاجه
انا مأمنه مع كونتكت ونسبة التحمل مختلفه عن ماتم ذكره
اول حادثه بدون تحمل تاني حادثه نسبة تحمل 15% تالت حادثه 25 %
واخويا كان مأمن في مصر للتأمين وكان عيبهم الوحيد الإجراءات المعقده وضرورة المتابعه في الشركه نفسها وصدور قيمة التعويض بعد فتره طويله من الحادثه

شكرا لرد حضرتك

بس كده تقريبا اخو حضرتك عربيته قسط لان القسط هو اللى بيبقى العميل يحاسب وبعدين يستنى الفلوس مش كده برضه؟ ولا برضو كده فى الكاش؟

[Mohamed Bander]

باشا كلمة حق انا عامل موضوع ديل التأمين تبع مصر للتأمين مع الوكيل والصراحة معاملتهم كويسة جدا وربنا ما يحوجنا للتأمين اساسا بس انا كان عندى فانوس مشروخ رحت للتوكيل وقالولى مندوب مصر للتامين بيجى يوم الاحد والاربعاء فى القطامية رحت الاربعاء المهندس بص وصور وادى الاوردر والعربية دخلت اتغير الفانوس ودفعت النسبة بتاعتى وخلاص النقطة بس الوحيدة انك ما تخدش الحاجات اللى اتبدلت من العربية لانها بتتجمع وتروح لشركة التامين انما غير كدة معاملة ممتازة ومافيش اى تعامل مباشر مع شركة مصر للتامين ولا تدفع انت كا حاجة وتجرى وراهم بعد كدة

الف شكر لرد حضرتك ،، طمنتنى بارك الله فيك

[sara2001]

شكرا لرد حضرتك

بس كده تقريبا اخو حضرتك عربيته قسط لان القسط هو اللى بيبقى العميل يحاسب وبعدين يستنى الفلوس مش كده برضه؟ ولا برضو كده فى الكاش؟

مش عارفه الحقيقه إذا كان في فرق بين القسط والكاش في التعامل ولا لأ
هو كان واخد قرض والقسط مع البنك مش المعرض
لكن العربيه كانت هلاك كلي والشيك اتأخر يمكن علشان كده