طلب مساعده في سعر سيراتو 2010

[me5222222]

السلام عليكم اخواني النمور
معروض علي صديق لي سيراتو 2010 خليجي -كويتي
فابريكه بره وجوه
8 اير باج
بصمه
تكيف تاتش
فوجات
الفتيس الجديد 6 غيار
سينسور بارك
نواكل بره وجوه
اشارات مرايات
وكمان لونها اسود
عامله بأه 90 الف كيلو
وصاحبها طالب 90 الف جنيه بردو ههههههههههه
افيدوني احسن صاحبي قالي وريني بأه منتدي نايل موتورز ده هيفدني والا لا هههههه
ملحوظه
انا عندي في عربيتي كوتش 15 عادي طاسات وناس كتير بيشتكو من الجانت ال17
فهل دي عقبه والا لا
وهل سعرها كده مناسب والا يفاصل واذا فاصل في الثمن لحد كام
وشكرا ليكو يا اجدع رجاله واحلي منتدي حتي لو ماافتدونيش بردو

[medo_elgezy]

بص انا عربيتى 2010 سعودى بعد السيرش بالvin number كاملة جنط 17 و تاكييف تتش و فرش جلد و مراية تعتيم و فى الرخصة سنة و لونها ابيض فابريكا استعمالى طبيب اسنان و عاملة فى العداد 12000 كيلو و عاملة صيانة 10000 و هى مفتاح عادى و سي دى واحد و انا عارضها للبيع باردو و السعر على الخاص تعرف تقدير الاسعار

[medo_elgezy]

اعلى فئات السيراتو مستعمل خليجى 2010و 2011 بيعمل فى رنج 100000-110000 بس الحالات النضيفة جدااااا و الخليجى السعودى هو الى بيمسك سعر و اهم حاجة مسيترخصش و العربية الى يجبها يكشف عليها كويس جدااااااا

[ابو ليلى]

العداد كبير ومعنى خليجى الصيانات تمت بره التوكيل
النصيحة يبعد عنها ويدور تانى

د / محمد ازيك يا غالى ليه كده زعلتنى هتبيعو سوسو وجالك قلب تقلها فى وشى
هو انت لحقت تمشى بيها يابنى ......وليه السعر على الخاص قول يامحمد هنا

[medo_elgezy]

استاذ وائل ازى حضرتك عامل ايه و الله واحشنى جدا والله سبب البيع هو الجواز عايز مصاريف جامده و العربيه هى الحاجة الوحيدة الى هتفرج عليا بس انت عارف الى فى القلب فى القلب و العربية دية جمعتنى باحلى ناس فى الدنيا بس الظروف و انا عارضها حضرتك على 102000 و فيها كلام علشان العربية تعتبر لسه زيرو و مش متهانة و مركونة بقلها سنة علشان كنت شغال فى الصعيد زى ما انت عارف بس الحمد لله على كل شىء

[ابو ليلى]

استاذ وائل ازى حضرتك عامل ايه و الله واحشنى جدا والله سبب البيع هو الجواز عايز مصاريف جامده و العربيه هى الحاجة الوحيدة الى هتفرج عليا بس انت عارف الى فى القلب فى القلب و العربية دية جمعتنى باحلى ناس فى الدنيا بس الظروف و انا عارضها حضرتك على 102000 و فيها كلام علشان العربية تعتبر لسه زيرو و مش متهانة و مركونة بقلها سنة علشان كنت شغال فى الصعيد زى ما انت عارف بس الحمد لله على كل شىء

هتتجوز ليه يبنى ما انت كنت بعقلك بقى تبيع سوسو علشان تتجوز
انا عارف عربيتك يا محمد وعارف انت ووالدك حرصين عليها قد ايه
محمد عربيتك 4 غيار ربنا يبارك فى بيعها