قدر الله و ما شاء فعل .عملت حادثه و الحمد لله على كل شىء

[moha4tec]

حمد الله على سلامتك جت بسيطه الحمد لله ربنا ستر

الله يسلمك
و الحمد لله فعلا بسيطه .انا كنت مش مصدق انى على قيد الحياه اصلا و مش مصدق انى واقف على رجلى و الله .

[moha4tec]

حمد الله على سلامتك تقريبا نفس الموقف حصل معايا بس كان والدي اللي سايق ولبسنا في السور وبتلاقي احداث حياتك كلها قدامك وتحس انك خلاص هتودع الدنيا , الحمد لله

الله يسلمك و ربنا يستر طريقنا كلنا .و الحمد لله على كل شىء .

[moha4tec]

حمد الله على السلامة وقدر الله ما شاء فعل دا قدر من الله وابتلاء للعبد والحمد الله انك صبرت وربك طلعك سليم منها والحمد الله

الله يسلمك و يكرمك و يستر طريقنا
هو كل الصدمه بجد بعد ما نزلت من العربيه ووقفت ابص على الكاوتش المقطوع مزهول ازاى انا متقلبتش سبحان الله بجد .
ستر ربنا انى لما لفيت شمال فى يمين بقى الملف فى ضهرى 180 درجه و لقيت الطوبه فى وشى و رمله و بفاديها تانى فى اتجاه الملف كله شمال و الحمد لله عرفت افاديها بس للاسف كنت كبست فرامل و العربيه عومت منى لانى كنت غلطان و لفيت الدركسيون كله شمال فى يمين فى شمال كله فى فرامل كبس فى تراب و كان فى مطبات صغيره بيضا كمان بتقلل التوازن و فى زوايا مش مظبوطه و كوتشات فيها بلالين و كذا خرم و كان كمان فى مشكله فى تيل الفرامل كنت ماجل حلها .كل السيناريو ده و متقلبتش و لا اتفعصت و لا خبطت فى اى رصيف من الناحيتين .............. و كمان مرزعتش فى العربيه الجولف و كمان كان حظى حلو اوى و ربنا بيحبنى اوى اوى انى مكنش فى حد جى من خلفى و يلبس فيا كمان .
و الله بقيت مزهول و مش مصدق نفسى و بتوع الجولف لما وقفوا قالولى ان مفيش حد بيخرج سليم فى الملف ده اصلا لانه صعب اوى حد يخرج منه و عايش او متقلبش و بعدها بساعه عربيه اتقلبت فى نفس الملف كمان .
بجد سبحان الله .
و الحمد لله.

[moha4tec]

حمدالله علي سلامتك

الله يسلمك و يكرمك

[moha4tec]

الف سلامة على حضرتك وبجد احمد ربنا انها جت على كدة . لكن حاول تقلل السرعة عن كدة وربنا يسترها مع الجميع

الله يسلمك و يكرمك و فعلا الحمد لله على كل شىء
المحزن ان العربيه كانت مخنوقه و بتاكل بنزين و فجاه اليوم ده بقت طياره و بتسحب بهبل و الله انا كنت ماشى 90 او 100 و هى سحبت لوحدها لحد ما عدت ال 160 مستريح قبل الملف يعنى ممكن تكون داخل الملف 180 لانه نازل و منحدر و للمعلوميه الملف ده كنت راكب مع طيار ع ربيه سيات ليون و كان بيفرجنى على ثباتها فى الملفات دى و كان اخره بيها 160 و العجل رفع بينا و احنا الاتنين راكبين و كنت خايف جدا و مسكت فى المقابض و ربطت الحزام . و خصوصا انه قلب عربيات كتير حلوه بسبب انه طيار و مبيحسش بالسرعه العاليه فى العربيه لانه بيعديها بمراحل و هو طاير .هو قلب النترا 2006 و سيات ليون و حجات تانيه مش فاكرها .
و علشان كده مكنتش مصدق انى متقلبتش . و الله العظيم الحمد لله على كل شىء .

[moha4tec]

حمدلله علي سلامتك يا محمد
قدر الله وما شاء فعل

الله يسلمك و يكرمك

[nevozaky]

حمدالله على سلامة حضرتك
قدر الله وما شاء فعل

والحمد لله انها جت على اد كده ربنا كريم جدا

[moha4tec]

حمد الله على سلامتك و كويس انها جت على قد كده
وبلاش تمشى بسرعات عاليه تانى الطرق مش حلوه

الحمد لله و مشكور اخر الفاضل .
للاسف الطريق ده نضيف لدرجة انك تمشى و انت متطمن و للاسف عمرك ما تتوقع ان الطريق ده تلاقى عليه حجر بتاع رصيف فى نصف الطريق و لا رمله مدلوقه كده . بس هو النصيب .
الحمد لله
و ان شاء الله مبقتش امشى بسرعه .
و لكنها بقت عجيبه .امشى 70 او 80 و اثبت رجلى .السرعه تزيد و تعدى ال 120 مع الطالع و النازل فى الطريق . ربنا يستر .
هو من ساعة محطيت الاضافات و هى بقت غبيه جرى من غير ما اكبس و كل ما اريحها تجرى اكتر .غريبه اوى . و لحد دلوقتى مقرصتش عليها بعد الاضافات
ربنا يكرم و انا بقيت مركز مع العداد جامد و بلمس الدواسه لمس عشان متجريش

[moha4tec]

الف حمدالله سلامة عليك يا محمد وقدر الله وماشاء فعل ..عايز اقوللك انا بفتح الموضوع وعمال اقول يارب استر بس الحمدالله جت سليمة :)

الله يسلمك يا وليد .و الله يكرمك
حمد لله على سلامتك من الجيش .
الحمد لله على كل شىء

[moha4tec]

الحمد والشكر لله ....وياما قلنا مش عاوزين سرعة محدش بيسمع الكلام
مكلمتنيش ليه يا محمد ؟

الحمد لله و الله العظيم ما كنت بجرى دا كان منزل بملف و العربيه سحبت من غير ما اقصد
و الله كنت 100 تقريبا .هى بس تقريبا الاضافه اللى كنت حاططها من تفويلتين اشتغلت فى اليوم ده و الله اعلم .
كلمت حضرتك يومها فعلا بس حضرتك مرضتش على تقريبا كنت مشغول
الحادثه كانت يوم الخميس

[moha4tec]

حمدا لله على سلامتك الحمد لله ربنا ستر
قدر الله وما شاء فعل
كان الله في عون حضرتك احساس فظيع وثواني طوييييييله

ا الله يسلم حضرتك و الحمد لله ان ربنا ستر و ربنا يكون فى عونك فى موضوع الحادثه بتاعة حضرتك .

[moha4tec]

الف حمدالله علي السلامه ومعلش مهما اللي حصل في العربية فده فدا شعرة من راسك

بجد خلي بالك وبلاش السرعات العاليه دي واضح ان العربية دي مش بتاعت كده

الله يسلمك
و فعلا معاك السرعه وحشه . و مفيش عربيه بتاعة جرى غير ال ام فى البى ام و الحجات العاليه جدا بورش و غيرها و كده .
بس انا كانت عندى كذا مشكله و محلتهاش و اكيد ده من اسباب التعويم + الرمله و الحجر اللى فى نصف الطريق + العربيه اللى قفلت هاى +صعوبة الملف و انحداره مع رمله + غلطة سواق العربيه اللى قدامى .+ كاوتش متاكل و به بلالين و اخرام ملحومه .+ ((ارتطام الحجر و انقطاع الكاوتش . دى لوحدها تقلب اجدع عربيه على سرعات اقل بكتير ))) + مشكله فى تيل الفرامل + زوايا و اتزان مظبوطه غلط .
اى سبب من اللى فاتو ممكن يسببوا حادثه و لو تجمعوا يسببوا كارثه .

[moha4tec]

قدر الله وماشاء فعل
حمد لله على السلامة يا اخى
على فكرة يامحمد كده فيه حاجة غلط
لانى كنت هموت امبارح على طريق اسماعلية بورسعيد بردو وكانت بنتى اللى هتضييع فيها
ربنا قدر ولطف الحمد لله على كل شيىء

الله يسلمك و الف حمدا لله على سلامتك و سلامة الاسره .
قرات الموضوع بتاعك و الموقف بتاعى حصل يوم الخميس فى نفس الوقت بتاعك .سبحان الله و كنت بردو مش مركز اوى و منمتش كويس .
حاجه لاحظتها غريبه بس متاكد منها .1- لما العربيه تعوم منك متلفش الدركسيون فى الاتجاه المعاكس ابد او نفس الاتجاه .المفروض تثبت الطاره و تمسمرها جامد و العجل معدول .و هى هتعدل نفسها لوحدها .
2- لما بتيجى تعدل العربيه فى الاتجاه المعاكس لما تعوم منك .العربيه بتعدل نفسها بزياده جداااااا يعنى ياما تبقى حساس اوى و انت بتعدلها و ده صعب شويه .او تثبت الطاره جامد .
و الله اعلم .
و فى حاجه قالهالى عفشجى بس م مقتنع بيها لما اقابلك ابقى اقولك عليها .

[moha4tec]

قدر الله و ما شاء فعل و حمد لله على سلامتك

الحمد لله و الله يسلم حضرتك

[moha4tec]

حمد الله علي سلامتك
قدر الله وما شاء فعل

الله يسلمك و يكرمك
الله يسلمك يا كبير و الحمد لله على كل شىء