افتراضي اريد استشارتكم قبل شراء سيارة كـيا سيراتو 2012 خليجى

[ahmedgamalali]

السلام عليكم ورحمة الله وبركاتة
منذ فترة وانا اريد شراء سيارة
والحمد لله تم تجميع مبلغ جيد وهو 110 الف جنية
وقد بحثت عن اسعار السيارات ووجدت الاعلان هذ فى جريدة الاهرام للسيارات

كيا سيراتو at2012 -كاميرا-cd تاتش - بلوتوث - ايرباج - فرامل abs - هاى لاين

والسعر 106900

اريد استشارتكم قبل الشراء , مبلغ 107000 مش قليل برضة

خوفى ان السيارى خليجى بدون ضمان وكمان خليجى مش توكيل

يا ريت لو حد ممكن يقولى اعمل اية اكون شاكر جدا

خصوصا ان خبرتى فى السيارات قليلة جدا

[Mohamed Bander]

ربنا يوفقك فى شرا العربية

بس نصيحتى ماتخدش على كلام الجرايد وروح شوف بنفسك لان سعرها مش سعر هاى لاين خالص حتى لو خليجى

انا مره روحت احد المعارض اسالهم على هاى لاين قاللى انا عندى اخر حاجه سعرها 113000 قولتله وريهالى القصه كلها انها خليجى بس شالوا الكاسيت الى فيها وحاطين كاسيت تاتش وهو اللى فيه البلوتوث انما لا فيه دركسيون مالتى فنكشن ولا اشارات فى المرايات وحتى المفتاح بتاعها هو المفتاح العادى المنفصل عن الريموت مش اللى فيه الريموت يعنى باختصار هى lx بس مضافلها شوية حاجات وفى الاخر مش هتحس انك وفرت كتير بس الميزه فى اللى عندط دى لو هما صادقين موضوع ال abs فنصيحه روح شوف الاول والاحسن والافضل خليك مع الوكيل علشان الضمان

وده راي وربنا يهديك للخير

شكرا

[ahmedgamalali]

شكرا جزيلا وانا هروح اتفرج ع العربية الاول , بس المشكلة ان خبرتى قليلة فى العربيات :(

[Mohamed Bander]

حضرتك روح الاول اتفرج وتعالى احكيلنا وان شاء الله نساعدك

[ahmedgamalali]

بالنسبة للوكيل سعر العربية 108.500 sx
حلوة دى ؟

[ابو ليلى]

السلام عليكم
الخليجى ملوش مسمى ( ex - lx ..........) الخليجى فى منه حوالى 40 نوع
حضرتك بتحط المواصفات الاول الضرورية بالنسبة ليك وبعدين تدور عليها
يعنى فى خليجى سعودى وكويتى واردنى وامارتى وهكذا ( مفيش فرق غير سمعة السعودى )
كل عربية هتلقيها مختلفة عن التانية من حيث الموصفات
جنط 16 - abs - ايرباج - فتحة سقف - تكيف تاتش - سنسور
دى تعتبر الاساسيات واى كماليات تانية فيها تعتبر اضافة
النصيحة خليك فى الوكيل حتى لو كماليات اقل ( ممكن تركبها بعد كده )
يكفى راحة البال لمدة 5 سنين ضمان
الخليجى دلوقتى بقى كله لعب يغير جنط يغير كاسيت يضيف سنسور وهكذا
واللى فيه الخير يقدمه ربنا اسال مرة واتنين وتلاتة وتمهل فى قرار الشراء

[Xenophobik]

السلام عليكم ورحمة الله وبركاتة
منذ فترة وانا اريد شراء سيارة
والحمد لله تم تجميع مبلغ جيد وهو 110 الف جنية
وقد بحثت عن اسعار السيارات ووجدت الاعلان هذ فى جريدة الاهرام للسيارات

كيا سيراتو at2012 -كاميرا-cd تاتش - بلوتوث - ايرباج - فرامل abs - هاى لاين

والسعر 106900

اريد استشارتكم قبل الشراء , مبلغ 107000 مش قليل برضة

خوفى ان السيارى خليجى بدون ضمان وكمان خليجى مش توكيل

يا ريت لو حد ممكن يقولى اعمل اية اكون شاكر جدا

خصوصا ان خبرتى فى السيارات قليلة جدا

استاذ احمد انا كنت في نفس حيرة حضرتك من اسبوعين و بعد السؤال و اللف الكتير و استخارة ربنا توكلت على الله و اشتريت سيراتو خليجي سعودي

اللي حضرتك بتتكلم عنها دي مواصفات السوري او الاردني بس اقل سعر وصلتله فيها كان 115 الف اللي هي طاسات 16 و كاسيت تاتش و كاميرا و ABS فا ياريت حضرتك فعلا تروح تبص على العربية الأول

نصيحة اخوية... اعمل زي ما انا عملت و بص على السعودي
جنوط 15
تحكم طارة
بلوتوث في الطارة
1 airbag للسائق
مفيش ABS بس الفرامل قوية جدا ما شاء الله

ربنا كرمني و اخذتها بـــ 106 الف شامل ضمان سنة هدية من المعرض

ربنا يوفقك لاللي فيه الخير و طمنا عملت ايه

[AHMED12345678]

بص يا باشا انا خدتها امانة ان اى واحد يفكر يشترى السيراتو انى لازم اقولة ان العربية حلوة وزى الفل
بس عفشتها تقطم الضهر
السيراتو معايا من سنة تقريبا وبصراحة عفشتها كرهتنى فيها وحسستنى انى راكب عربية نقل
اطلع المطب من دول انزل منه وانا حاسس ان العربية بتتهبد
ويسلام لو مطب هوا او مطب صغنن قابلنى غى الطريق وانا سايق على 120 او 130 تحس ان العربية طارت لفوق وستر ربنا هو الى رجعها تانى على الارض بعد كل الى فيها متكون راسهم اتخبطت فى سقف العربية
انا مش بهاجم العربية بدون سبب
انا واحد من ملاكها من اكتر من سنه وندمت على شرائها بسسب العفشة
وانصح اى واحد يفكر يشتريها يحاول يجربها الاول وعلى طرق مختلفة وعلى سرعات عالية علشان ميندمش بعد كدة

[AHMED12345678]

على فكرة عربيتى خليجى سعودى الموديل الى قبل الهاى لاين
وفيها كل الكماليات ماعدا الكاميرا وحساس الرجوع والشكمان النيكل والفرش الجلد والعداد الرياضى
وجنطها 16

[Xenophobik]

بص يا باشا انا خدتها امانة ان اى واحد يفكر يشترى السيراتو انى لازم اقولة ان العربية حلوة وزى الفل
بس عفشتها تقطم الضهر
السيراتو معايا من سنة تقريبا وبصراحة عفشتها كرهتنى فيها وحسستنى انى راكب عربية نقل
اطلع المطب من دول انزل منه وانا حاسس ان العربية بتتهبد
ويسلام لو مطب هوا او مطب صغنن قابلنى غى الطريق وانا سايق على 120 او 130 تحس ان العربية طارت لفوق وستر ربنا هو الى رجعها تانى على الارض بعد كل الى فيها متكون راسهم اتخبطت فى سقف العربية
انا مش بهاجم العربية بدون سبب
انا واحد من ملاكها من اكتر من سنه وندمت على شرائها بسسب العفشة
وانصح اى واحد يفكر يشتريها يحاول يجربها الاول وعلى طرق مختلفة وعلى سرعات عالية علشان ميندمش بعد كدة

استاذ احمد اظن المشكلة دي اتحلت في الـ 2012 بالجنوط الـ 15 لأن انا كان معايا كورولا بجنوط 16 و حاسس ان السيراتو في نفس نعومة الكورولا في الطرق الممهدة و انعم سنة بسيطة في المطبات و الطرق المكسرة
ممكن يكون السبب في مقاس الجنوط و الكاوتش مش العفشة و الله اعلم مع العلم انني حاليا حاطط نايتروجين و في الكورولا كنت بردو حاطط نايتروجين و الاتنين على نفس الضغظ - 32

للامانة لو هانتكلم في العيوب و مع انني عارف ان مينفعش نقارن السيراتو بالكورولا
الكورولا كثبات " في الغرز على سرعات " ثباتها كان احسن بكتير من السيراتو
بس للامانة مع ان السيراتو في فئة سعرية اقل بكتير من الكورولا بس السيراتو اوسع و اريح و استهلاك البنزين مقارب جدا للكورولا مع العلم انني لسا فس مرحلة التليين (عامل 600 كيلو بس) و التفويلة عملت معايا 500 كيلو سواقة في زحمة و على طرق سريعة بس اعلى سرعة جبتها كانت 120

[Medicalist]

حد يا جماعه اتاكد من العربيه والاعلان لانه نازل تانى النهارد فى الجمعه سيراتو اوتوماتيك abs 2012 ب 106500

[AHMED12345678]

استاذ احمد اظن المشكلة دي اتحلت في الـ 2012 بالجنوط الـ 15 لأن انا كان معايا كورولا بجنوط 16 و حاسس ان السيراتو في نفس نعومة الكورولا في الطرق الممهدة و انعم سنة بسيطة في المطبات و الطرق المكسرة
ممكن يكون السبب في مقاس الجنوط و الكاوتش مش العفشة و الله اعلم مع العلم انني حاليا حاطط نايتروجين و في الكورولا كنت بردو حاطط نايتروجين و الاتنين على نفس الضغظ - 32

للامانة لو هانتكلم في العيوب و مع انني عارف ان مينفعش نقارن السيراتو بالكورولا
الكورولا كثبات " في الغرز على سرعات " ثباتها كان احسن بكتير من السيراتو
بس للامانة مع ان السيراتو في فئة سعرية اقل بكتير من الكورولا بس السيراتو اوسع و اريح و استهلاك البنزين مقارب جدا للكورولا مع العلم انني لسا فس مرحلة التليين (عامل 600 كيلو بس) و التفويلة عملت معايا 500 كيلو سواقة في زحمة و على طرق سريعة بس اعلى سرعة جبتها كانت 120

المشكلة ان جنط 15 يعنى ثبات اقل بكتير انما 16 ثبات اعلى والمشكلة انى حلسس فى مطبات الهوا والمطبات الصغيرة ان العربية بتتنطط
وللعلم انا معايا كورولا 1300 مانيول موديل 2006 وجنطها 14 وطبعا فى نعومة العفشة مفيش كلام

[Xenophobik]

المشكلة ان جنط 15 يعنى ثبات اقل بكتير انما 16 ثبات اعلى والمشكلة انى حلسس فى مطبات الهوا والمطبات الصغيرة ان العربية بتتنطط
وللعلم انا معايا كورولا 1300 مانيول موديل 2006 وجنطها 14 وطبعا فى نعومة العفشة مفيش كلام

يا فندم انا طبعا موافق حضرتك في كل كلامك بس لو هنتكلم بموضوعية و عشان منظلمش اي عربية ايا كانت
ثبات يعني انسى الراحة و العكس صحيح اللهم اللى اذا ربنا يزيدنا من نعيمه و ركبنا مرسيدس او بي ام

يا راجل يا طيب ده الناس اللي بتركب فيراري و لامبورجيني بيشتكو من نشوفية العفشة مش هانيجي احنا بقى نركب عربية تمنها اقل من 200 الف جنيه و نشتكي من موضوع الثبات او نشوفية العفشة

ربنا يرزقنا كلنا و الريس الجديد يركب الشعب كله مرسيدس قادر يا كريم و ربنا يباركلنا كلنا في عربياتنا

عايزين صاحب الموضوع يطمنا عمل ايه عشان نباركله بقى

[yasso0101]

انصحك شوف فلوسك تجيب ايه في التوكيل واشتريه احسن

[ahmedgamalali]

ان شاء الله هنزل اتفرج ع العربية خلال يوم او اثنين عشان اقامتى فى الشرقية والمعرض موجود فى مصر الجديدة

انا عاوز اعرف هو الاستلام بيبقى فى قد اية يعنى لو روحت حجزتها هاخدها امتة ؟


سعرها نزل 400 جنية انا قريت ف الجرنال انها بقت ب 106500

ودة الاعلان



المكتوب بالنص
كيا سيراتو AT - كاميرا خلفية - CD تاتش - بلوتوث -ايرباج - فرامل ABS - هاى لاين