كيا ريو 2004 اشتريها ولا لأ

[mokelanos]

معروض سياره كيا ريو 2004 1300 سى سى جميع الكماليات ماشيه 180 الف كيلو
معروضه ب 45000 ايه رأيكم
وأخبار قطع الغيار ايه
وحدوخ لما الاقيها
واسعارها
وشكرا
انا لسه ما رحتش شفتها لما لو واقفه على حيلها تستاهل المغامره
ولا اخلينى فى لانوس الشعب

[amrhussein123]

180 في اربع سنين كتير جدا ديه اكيد مطحونه

عموما الانوس انتشارها احسن وعاده بيعها افضل وكمان 1500 سي سي

والناس كلها حفزها وهتلاقي حجتها عند البقال والسعر الي 45 الف ممكن تجيب بيه حجات تانيه برضه غير الانوس وتكون متازه

[mokelanos]

يعنى رأيك أجيب ايه ؟ وتكون عائليه

[amrhussein123]

ممكن تجيب بروتون ويرا موديل 2000 بحوالي 40 الف بس 1300 سي سي وحجتها موجوده

وممكن الانوس 2002 ولا حاجه بحوال 45 الف 1500 سي سي

ولو بتحب حاجه يا باني ممكن سيفيك 90 او 92 بتكون من 40 ل 45

وممكن الانسر البطه بحوال 40 الي بتكون موديل 93

وعندك الكريستاله بس ديه عشان تجيبها كويسه هتعدي 50 الف

وعندك السيانا من فيات وبينطبق عليها نفس كلام الدايو يعني حجاتها رخيصه وموجوده في كل حته بحوال 45 موديل 2003 او 2004

كل ديه عربيات عائليه وبالسعر بتاع الكيا ريو وحالتها ممازه واغلبها بعد سنه 2000


وعموما احسن حاجه تعملها تستخير الله وتحاول تجيب حاجه حالتها نضيفه ومتكون يتاعت شاب عشان متكونش مطحونه

[mokelanos]

شكرا ليك على تعاونك
انا كنت برضه بفكر فى اللانوس وان شاء الله أجيبها وربنا يسهل والاقى واحده نضيفه لأن السوق كله فيه حاجات غريبه
معلهش سؤال أخير
سعر الانوس ده لما تكون كامله ومانيوال ومارشتش بره ؟

[amrhussein123]

لا هي ممكن تعدي شويه عن 45 الف بسبب انها تكون مترشيت

ياريت لو عندك حد معرفه عاوز يبعها عشان يغير ولا حاجه يكون احسن

ممكت موديل 2002 كامله توصل 47 وتذيد الف او تقل الف

علي فكره في كمان الكيا سيفيا عربيه ممتازه فعلا وشكلها احلي من الدايو ونفس الفئه والسعر

[mokelanos]

ربنا يكرمك
ان شاء الله ادور على لانوس
أدعيلى

[amrhussein123]

ربنا يوفقك وتلاقي واحده حالتها تمام ومتكونش رشه وباحلي سعر

[amr_elrashidy]

لو حضرتك بتدور على عربية مش بتاكل بنزين يبقى خليك فى الريو لو عجباك(انا عن نفسى مش عجبانى ) و بعدين 180الف كم كتير جدا..حتلاقى منها كتير عامل كم اقل و بحالة ممتازة..اللانوس عربية كويسة بس فراملها وحشة و استجابتها فى المواقف الصعبة زفت مش بتسعف..استهلاكها عالى فى البنزين(راجع منتدى الدايو) طبعا قطع غيارها اسعارها هايلة و متوفرة ..السيفيا عربية جامدة جدا بس برضو موتورها كبير و بياكل بنزين بس بأمانه عربية رائعة لو موضوع البنزين ليك مش نقطة اساسية يبقى خليك فى السيفيا احسن من الريو كتير..السيينا عربية ناس كتير قالت فيها مشاكل و ناس بتشكر فيها الله اعلم بيها كانت مع واحد صاحبى ماشى بيها 175 الف كم بدون مشاكل كبيرة..طبعا اللانسر عربية هايلة بس سعرها اعلى من 50الف

[mantoros]

انا ببيع الكيا ريو بتاعتى لو مهتم.......بس عربيتى حاجة تانية
Kia Rio Quatro 2004
1500cc-100 Hp-dohc
Full Option -manual
Leather Interior-CD Player
15 (Inch Metal Alloy Wheels(KIA ORIGINAL
New Tyres
Black Metallic-genuine Factory Interior And Exterior Fabriques
All Service In Agency-75000 Km
1st Hand-doctor

Final Price 65000

Dr.shamel
Mobile: 0105030002