عااااااااااجل سؤال عن الكارينز

[asdfasdf]

يا جماعه ممكن حد يفدنى من اصحاب ملاك الكيا كارينز علشان عايز اجيب واحده

[asalem1478]

باشا بيتهيألي أحسن لو تسال اسئلة عشان الناس تعرف تفيدك اكتر.. يعني انت عايز تعرف ايه؟ اسعار و لا امكانيات و لا قوة و استحمال؟ و ربنا يعملك اللي فيه الخير

[revel_sony]

http://www.nilemotors.net/Nile/225374-18-2-2012-a.html

[asdfasdf]

انا سامع ان العفشه بتاعت الكيا ناشفه شويه وسحبها ضعيف مش عارف هل الكلام ده صح ولا غلط انا اهم حاجه عندى عزم الموتور والعفشه تكون تمام مش خشنه يعنى وناوى اجيب الخليجى مش التوكيل فهل الكارينز عربيه كويسه من حيث الامكانيات ولا اسلف نظر

[ابو حفص مصطفى]

http://www.nilemotors.net/Nile/246224-2000.html شوف الرابط ده

[ابو حفص مصطفى]

انا سامع ان العفشه بتاعت الكيا ناشفه شويه وسحبها ضعيف مش عارف هل الكلام ده صح ولا غلط انا اهم حاجه عندى عزم الموتور والعفشه تكون تمام مش خشنه يعنى وناوى اجيب الخليجى مش التوكيل فهل الكارينز عربيه كويسه من حيث الامكانيات ولا اسلف نظر

سيارة بفضل الله كويسة , وسحبها جميل , انا معايا الخليجي السعودي لسه ألف كيلو, العفشة مش ناشفة ولا ناعمة ممكن تقول رياضية قوية وووووووووووووووووووووووووووووووووووواسعة وشوف الرابط اللي انا نزلته لك فوق

[S O P H O S]

موفق ان شاء الله

[asdfasdf]

طب يعنى ايه خليجى سعودى وكده يعنى واعرف ازاى انها خليجى سعودى او كورى واحسن حاجه خليجى ايه؟؟

[mseldin63]

العربيه مشاء الله ممتازه هى عربيه عائليه واسعه اوى العربيه ثابته على السرعات العاليه سحبها مناسب استهلاك بنزين معقول جدا التكيف قوى ومش مؤثر على سحب العربيه من واقع تجربتى بجد عربيه محترمه بس هى واطيه شويه مش عاليه على الارض وخصوصا مع التحميل

[asdfasdf]

يعنى اتوكل على الله واجيبها

[asdfasdf]

انا بسمع ان العربيه الكيا بالذات بتتسرق كتير هل الكلام ده صح ؟؟؟ وليه

[mseldin63]

ربنا يستر بس كل العربيات بتتسرق اخر حاجه مازدا323 مو82 تخيل؟

[asdfasdf]

انا معايا بنوته لسه سنه ونصف العربيه الكارينز علشان عائليه اكيد هاتفعتى فى المستقبل فبفكر اجيبها واستغنى عن الاسبيرانزا 516
ده غير ان العربيه اتوماتيك وبيقولو تكيفها تلج بس عيبها انها سحبها ضعيف شويه بس مش قوى وبعدين اكتر حاجه بستخدمها فى العربيه السفر بروح مطروح والاسكندريه كتير فى الصيف انما فى الشتا تحركاتى قليله جدا

[ashouhdy]

لو دماغك فى حرق و فرك اصرف نظر ....

[khaledlouda88]

طب ياملاك الكارينز الأعزاء وبعد إذن صاحب الموضوع أنا لي استفسار: هل تكييف الكارينز قوي ولا لأ خاصة في عز الظهر لأن في ناس قالت انه هو هو تكييف السيراتو بس على صالون كبير فكفائته مش اد كده ياريت تفيدوني بخبراتكم العملية
خالص تحياتي للجميع