رابطة الوحوش ملاك السيفيا (ج3)

[SPY123]

يا جماعة مافيش حد قدامة شوما هاي لاين للبيع بعد ما بيعت وبدور علي حاجة اكتشفت انها عربية جااااااااامدة بصرحة وبدور علي واحدة بس عايزها تكون زي اللي كانت معايا اللي شاف عربيتي اكيد شاف حالتها كانت عاملة ازاي ياريت لو حد قدامة واحدة تكون حالة زيرو يعمل معايا واجب

انا عاوز اغير السيفيا واجيب شوما هاى لاين بس عاوز اعرف يا باشا مواصفتها ايه وفيها فتحت سقف ولا مبيبقاش فيها واسعارها من رنج كام لكام واحسن موديل فيها سنه كام

[eldmrane]

انا عاوز اغير السيفيا واجيب شوما هاى لاين بس عاوز اعرف يا باشا مواصفتها ايه وفيها فتحت سقف ولا مبيبقاش فيها واسعارها من رنج كام لكام واحسن موديل فيها سنه كام

عايز تركب كيا شوما صح دور علي الهاي لاين هية قليلة جداااا بس ركوبة بتنزل فاتحة سقف فرامل abs متشفرة زي العربيات الالماني 2 مفتاح والرنج انت ونصحتك بقي لو عربية حلوة معاك من اول 40 ياحد 45 بس قليل منها النضيف انا كان معايا واحدة تحفة وهتجنن واجيب واحدة زيها او لو صحبها يرضي يرجعها بس هية ركوبة

[أحمد الجندى]

ازيكو يا رجالة معلش أنا بقالى كتير غايب عنكم بس أنا متابع الرابطة أول بأول.

العربية بقالها كتير كنت سايبها من غير صيانة ولا أى مراعاة وبدأت احس انى لو استمريت على كده المشاكل حتجر مشاكل وتفتح بقها فقلت مابدهاش نديها شوية صيانة كده على الماشى

- وبدأت بالكهربا السارينة صوتها مات منى خالص روحت جيبت سارينة من التوفيقية ب 20 جنيه
- الزجاج اللى جنب السواق مبقاش يرضى يطلع وينزل طلعت المكنة بايظة كلمت أبو ادهم على مكنة زجاج شمال البيه قالى ب 200 جنيه كنت عايز اشتم بصراحة ... الراجل الكهربائى بعت المكنة عند بتاع كوالين صلحها ب 80 جنيه
- الكاسيت عندى كانت حالته زفت روحت جيبت كاسيت صينى بتاع ادريان ب 190 جنيه ومركبه على سماعات الفابريكة والصوت لطيف جدا .. التجارب والتقييم هنا : http://www.nilemotors.net/Nile/326778-adrian-ad-m9.html
- كان عندى مشكلة فى الاشارات يمين وطلع السبب فى الدواية
- كنت مركب سنتر وولف جديد من حوالى 3 شهور ومن ساعتها أول ما اركب العربية وادور الاقى العربية عملت lock وبدأت ترفع الزجاج كانى بقفل العربية من برا الكهربائى حاول كل حاجة ومعرفش يصلحها شكلى حاطلع على محمد السيد يبص عليها بصه
- الار بى ام عندى كان علطول عالى على 1.5 وصوت المكنة عالى استغليت الفرصة وعملت ايديل ليرن الدنيا ظبطت والحمد لله.

وبكده ابقى خلصت مشاكل الكهربا مش فاضل غير مشكلة ال lock ابقى خلصت خالص

الكبالن عندى الخارجية والداخلية خربانيين وأنا محتار اجيب جديد ولا استيراد والعفشة من اولها لاخرها ما اتكشفش عليها من ساعة ما جيبت العربية من سنة والزوايا ما اتظبطتش من ساعة تصليح الاسكاترا .... الشكمان علبه ال 3 عايزين يتغيروا اخر سعر عرفته من ابو اليزيد كان حوالى 1200 جنيه لل 3 شامل ضمان سنة يارب تفضل الاسعار زى ما هيا ... فيه عندى ونه مش عارف دى بقى من علبة الدركسيون ولا ايه حابقى اشوفها اخر حاجة

الاسعار غليت جدا فى الجديد والمستعمل والمصنعيات وكله بيستهبل ... ربنا يعينا على مصاريف العربية

[ahmadshokry]

انا غيرت طقم جلب صبابات بس لسه العربية بتدخن اول ماادور الصبح
تفتكروا المشكلة فين؟؟؟؟؟؟؟؟؟

[misho2008]

انا غيرت طقم جلب صبابات بس لسه العربية بتدخن اول ماادور الصبح
تفتكروا المشكلة فين؟؟؟؟؟؟؟؟؟

دخان ابيض وريحة حرق زيت يبقى بردو كاوتش صباب مش معمول صح

[shaker_alz]

مشكورا لو تكرمتم اخويا معاة سيفيا مو 2001
والدلايات عندة مقطوعة الى ورا وادام لف عليهم ومش لائيهم
فهل فية نوع معين بتاع عربيات بتتعدل وتركب مكنها؟

[ekg]

حضرتك ممكن تغير الزيت الأول وتجرب ممكن تكون مشيت على الزيت كتير شوية وعلشان كدة فيه ريحة حرق اما بالنسبة للدخان الأبيض فى اول ما تدور الصبح ده عادى فى الشتاء نتيجة ان الموتور بيسخن والشكمان بارد فبيعمل تكثيف وبيطلع الدخان ابيض . بس اتاكد ان الدخان بيبقى فى اول ما تدور العربية فقط

[Magico]

السلام عليكم ورحمة الله وبركاته
انا بقالى اكتر من سنة بحط الـ 80 وزى الفل ولا اى مشاكل خالص اهم حاجة بس تستنضف بنزينة لان فيه بنزينات بتحط عليه ميه او مش بينضفوا الخزانات بتاعتهم خالص فبيكون مليان شوائب

يعني كده الواحد يتكل على الله و يجمد قلبه و يحط 80 من غير قلق؟

[sakr122]

ازيكو يا رجالة معلش أنا بقالى كتير غايب عنكم بس أنا متابع الرابطة أول بأول.


الكبالن عندى الخارجية والداخلية خربانيين وأنا محتار اجيب جديد ولا استيراد

الاسعار غليت جدا فى الجديد والمستعمل والمصنعيات وكله بيستهبل ... ربنا يعينا على مصاريف العربية

ازيك يا ابو حميد
احلى حاجه فيك انك بتكتب كل حاجه اول بالول عن العربيه
الكبالن المشكله بتاعتها في الداخلي مش هتلاقيه بسهوله ولو لقيته هيبقى غالي جدا ممكن تجيب استيراد هيمشو معاك شويه ولما يبوظو تغير الخارجي ب 200 جنيه وخلاص

يعني كده الواحد يتكل على الله و يجمد قلبه و يحط 80 من غير قلق؟

عشان تطمن خليك في 92 على 80 وقلل ال92 خالص يعني مش اكتر من 10 او 15 لتر في التفويله عشان متحسش بكركره

[samasamir]

السلام عليكم للمعلومه انا مونت نص التنك 80 ونص 92 وندمت علي كده صوت كركرة في المطالع واسرت علي سحب العربيه جامد ولقيت الفرق واضح .

[محمد البخ]

- الار بى ام عندى كان علطول عالى على 1.5 وصوت المكنة عالى استغليت الفرصة وعملت ايديل ليرن الدنيا ظبطت والحمد لله.


معلش ياباشا عملت ايه بالضبط فى الايدل ليرن ..... انا نضفته بالجنك 3 مرات وبعد ساعة يعلق تانى وينزل بطئ اوى
وشكرا

[أحمد الجندى]

ازيك يا ابو حميد
احلى حاجه فيك انك بتكتب كل حاجه اول بالول عن العربيه
الكبالن المشكله بتاعتها في الداخلي مش هتلاقيه بسهوله ولو لقيته هيبقى غالي جدا ممكن تجيب استيراد هيمشو معاك شويه ولما يبوظو تغير الخارجي ب 200 جنيه وخلاص

أنا بخير يا صقر ليك وحشة أنت والشباب كلهم نفسى نتقابل بقى زى زمان

أنا لسه مسألتش على الكبالن فى أى حته بس مقلق من سعر أبو أدهم اليومين دول .... وكمان خايف لو جيبته استيراد يرجع يبوظ منى تانى

[أحمد الجندى]

- الار بى ام عندى كان علطول عالى على 1.5 وصوت المكنة عالى استغليت الفرصة وعملت ايديل ليرن الدنيا ظبطت والحمد لله.


معلش ياباشا عملت ايه بالضبط فى الايدل ليرن ..... انا نضفته بالجنك 3 مرات وبعد ساعة يعلق تانى وينزل بطئ اوى
وشكرا

انا فكيت السلكين اللى راكبين على البطارية وبعدين تدى الكونتاكت 3 مرات... خد بالك بتدى كونتاكت بس مش تدور العربية ... ورجعت ركبت اسلاك البطارية تانى ودورت العربية وكله تمام والحمد لله

[zomprakes]

أنا بخير يا صقر ليك وحشة أنت والشباب كلهم نفسى نتقابل بقى زى زمان

أنا لسه مسألتش على الكبالن فى أى حته بس مقلق من سعر أبو أدهم اليومين دول .... وكمان خايف لو جيبته استيراد يرجع يبوظ منى تانى

احمد بية انا سالت عاكبالن الداخلي لقتهم جديد عاملين 350 الجوز

[أحمد الجندى]

احمد بية انا سالت عاكبالن الداخلي لقتهم جديد عاملين 350 الجوز

ودول كورى ولا صينى وعند مين؟