رابطة الوحوش ملاك السيفيا (ج3)

[Ahmed_Ramadan]

متشكر ليكو يا اجدع رجالة بس كان ليه استفسارين
1- أ عصام بتقول انه بيحب يفتح شغل طيب الحل يكون ايه؟
2- بالنسبة لقطع الغيار انا كنت ناوي اجيبهم من حلمي سليمان يا ترى فيه نصيحة بخصوص قطع الغيار غير حلمي سليمان؟
و شكرا جزيلا ليكم

بص أنا جربت جورج فى تصليح إسكترا و ساعتها نزل القنطرة كلها لوحده و ما شاء الله طلعت زى الفل و مدينى ضمان سنة عليها

و جربته فى السيرفيس العادى زيوت و فلاترو تيل فرامل و الكلام ده و الحمد لله تمام

و جربته فى طقم الشنبر و تغيير كاوتش صباب و الحمد لله لحد دلوقتى العربية ما شاء الله زى الفل و هكبس الموتور قريب

و معلومة هو من النوع الحبروك أوى فى شغله و بيحب النضافة زى عينيه و الله ساعات كان بيزهقنى من كتر النضافة و أمين جدا و ديه شفتها فى عربيات زباين بتسبهاله و أنا عنده

روج و إنت مطمن بس إعمل حسابك فى 2-3 أيام شغل و ربنا معاك إن شاء الله

[the9ranger]

فى حاجه انا عملتها حبيت اقولكو عليها فرقت معايا جدا فى التكييف انا خليت الرجل بتاع التكييف يخرج الربنتينه كلها حتى وينظفها بالبنزين قلت علشان كفائه التكييف يبقى احسن وخصوصا وانا مغير كمبورسور قلت علشان كل حاجه تبقى تمام بس لاحظت لما نظفت السربتنينه ككلها بالبنزين والهواء لاقيتها فرقت جدا فى سحب العربيه يعنى لما بشغل التكييف زى ميكون مشغلتوش مش موئثر على حمل العربيه خالص خالص ولا اكنى مشغلو

[the9ranger]

انا بقالى كام يوم بدور على الكوعه بتاعه المياه الى راكبه فى الردياتير من تحت ممكن الاقيها فين دى

[dobe66]

انا بقالى كام يوم بدور على الكوعه بتاعه المياه الى راكبه فى الردياتير من تحت ممكن الاقيها فين دى

حضرتك منين انا كنت جبت الكوعة الى فوق من عند ابو كريم فى عزبة شنودة جسر السويس لو انت قريب من هناك روح اسال عندو

[the9ranger]

الكوعه الى فوق موجوده كثير انما قلبت الدنيا على الى تحت مش لاقيها خالص

[Ahmed_Ramadan]

الكوعه الى فوق موجوده كثير انما قلبت الدنيا على الى تحت مش لاقيها خالص

طلعلى صورته من هنا و أنا أسألك عليه فى خلال اليومين اللى جايين

2000 Kia Sephia Parts - PartsGeek

[honhon19999]

الكوعه الى فوق موجوده كثير انما قلبت الدنيا على الى تحت مش لاقيها خالص

انا حصلت معايا برضو ودورت كتير عليها ومالقتهاش جبت كوعه قريبة منها فى الشكل بس اطول شوية قطعت الزيادة وركبتها ومن ساعتها وهى تمام بقالها سنة تقريبا.

[honhon19999]

ياجماعة انا عضو جديد معاكم فى التسجيل ولكن انا متابعكم من سنه ونصف واتمنى حد يفيدنى فى موضوعى .
اليوم قولت اروح اظبط زجاج ابواب السيارة وكان عندى الزجاج الخلفى اليمين مش بينزل والشمال بيعلق شزية يشتغل وشوية يفصل والزجاج الامامى الى بجوار السواق الزرار بتاعه كان مكسور وكان لازم اظبطة بأيدى على شان يفصل بس كان شغال عادى واليمين شغال عادى المهم الراجل نظف لوحة المفاتيح بأسبريه تنظيف وجربنا المفاتيح كانت شغالة تمام ما عدى الزجاج الخلفى يمين الكهربائى قالى المفتاح دة بايظ هات واحد غيرة وبعد مامشيت من عندة لقيت زرار السواق باظ والزرار الخلفى شمال باظ هو كمان قلت مابدهاش اروح اجيب لوحة مفاتيح روحت جبت واحدة استيراد من الوكالة وفعلاً جبتها والراجل جه معايا على شان يجربها وجربنا اربعة لوح وكلها فيها نفس المشكلة الى اللوحة بتاعتى كل المفاتيح مش شغالة ما اعدى الأمامى يمين قالى مش ممكن الاربع لوح مش شغالين لاء فى حاجة فى العربية مش مظبوطة .!!!!!!!!! ورجعت اللوحة لانها نفس المشكلة الى فى اللوحة بتاعتى ... مش عارف اية المشكلة....
لوحد يقدر يفيدنى اكون شاكر له ... (معلش طولت عليكم اعذرونى ).

[Esam Mosaad]

معلومه على السريع كدا عرفتها وحبيت برضوا ابلغكوا بيها

الناس الى عندها مكن الزجاج بطىء او بيطلع مش مظبوط فى المجرى
من يومين كان معايا عربيه هيونداى بظبط الازاز لانوا كان بيطلع غلط
ورجت لوحدا ظبط الدني اوكان بيستخدم بنزين على جلد الازاز عشان ينظفوا
طبعا انا عارف ان البنزين بينشف
ووكنت بقول فى سرى ان شاء الله هبقى اجيب شحم وزيت وانظف البيبان واعمل طبقه من الشحم
واخد بالمره جلد الازاز بالشحم عشان يطلع جرى وينزل جرى

وفعلا عملت كدا فى اول باب لاقيت الدنيا بظات والازاز بقى يطلع بالعافيه والجلد بيتحرك والازاز طالع
طبعا كنت مخنوق جدا ومش عارف السبب
رجعت للراجل تانى ولما سالنى انت حطيت شحم على الجلد وقالى كدا غلط لان الشحم بيخلى الجلد يمسك فى بعضه ويمسك فى الازاز فهيبطىء حركه الازاز والدنيا هتبوظ

اما البنزين هيشف الجلد وبعد مبيرش بيقدر انوا يشكل الجلد على مزاجه يعنى يقفل المجارى يفتحها على حسب الازاز بيحك فين او بيعاكس فين مع الجلد

وقالى ان كل مالجلد كان ناشف بيبقى احسن للازاز ويطلع وينزل بسرعه
وفعلا الدنيا ظبطت تانى
لان فى ناس كتير لما بتروح للكهربيه يظبطوا المكن بيزيتوا المكنه مع المجارى بتاعت الازاز وده غلط

[aboomar22]

يا جماعة السيفيا بعد اذنكم هو فتيس السيفيا الاوتوماتيك اخباره ايه هل فيه مشاكل ولا كويس مع الاهتمام بالصيانة وثمن الفتيس الاتو الاستيراد كام والموتور بالفتيس بكام وشكرا جزيلا لان بدور على عربية للشراء وواحد صاحبى بيرشحلى نشوف سيفيا اوتوماتيك ولا نخلينا فى المانوال احسن وشكرا جزيلا لكم جميعا

[محمد البخ]

الكوعه الى فوق موجوده كثير انما قلبت الدنيا على الى تحت مش لاقيها خالص

عند الجندى ب60 جنية

[محمد البخ]

السلام عليكم يا وحووش

انا عملت عمره ماتور لزميلى معاه سيفيا برده عند جورج الاسبوع اللى فات
وده بسبب كلام استاذ عصام عنه وروادووحوش المنتدى ومغيرتش بساتم وعملنا طقم شنبر وركبنا كاوتش صباب وصبابات وقواعد للماتور
واغلب قطع الغيار من الجندى
وبصراحة اول مره اروح لجورج ومجربتوش قبل كده بس شاورت زميلى واتكلنا على الله ورحنا وهو بحد يحب النظافة اوى وامين ويستاهل ان الواحد يكلم عنه فى المنتدى

[Ahmed_Ramadan]

السلام عليكم يا وحووش

انا عملت عمره ماتور لزميلى معاه سيفيا برده عند جورج الاسبوع اللى فات
وده بسبب كلام استاذ عصام عنه وروادووحوش المنتدى ومغيرتش بساتم وعملنا طقم شنبر وركبنا كاوتش صباب وصبابات وقواعد للماتور
واغلب قطع الغيار من الجندى
وبصراحة اول مره اروح لجورج ومجربتوش قبل كده بس شاورت زميلى واتكلنا على الله ورحنا وهو بحد يحب النظافة اوى وامين ويستاهل ان الواحد يكلم عنه فى المنتدى

ألف مبروك و ربنا يبارك

[misho2008]

up up up

[john4]

يا جماعه عندى الدريكسيون بحس انه سايب فى المطبات والشوارع المكسره وانا ماشى بالراحه ولازم امسكه جامد وبحس باى حاجه حتى لوكانت طوبه صغيره فى الدواسه تحت رجلى واى تكسير بسيط فى الشارع بحس بيه جامد وبيرج العربيه كلها.. هوكده فى ايه فى العفشه؟؟