رابطة الوحوش ملاك السيفيا (ج3)

[علاء111]

السلام عليكم،
شباب انا لما اشتريت السياره كان فيها عيب الشخص اللى قبلى اللى هو اخويا :) مكانش عارف يلاقى له حل.

الموضوع بكل بساطه ان لمبة ال O\d off دايما بترعش
لما رحنا وضعنا السياره على جهاز الأعطال اكتشفنا ان الجهاز بيقول ac

لكم أن تتخيلو اننا رحنا لأشخاص كثيره و ل محمد السيد فى الدقى و تقريبا اخى قال له احدهم احتمال يكون فى تلميس فى الدفيره وده هايتطلب حل الدفيره كلها و الموضوع مش مستدعى و قاله قاعده عجيبه :) مدام العربيه سليمه و الدنيا تمام متقلقش و امشى بيها كده.
طبعا اللمبه بترعش بقالها 4 سنوات :)

طبعا تم التأكد من الحساسات و الكلام ده كله.

سؤالى: هل فى حد عارف المشكله ده و عارف حل ليها؟ ثانيا ... هل اللمبه ده مهمه فى اى شئ آخر؟ ليها أى دور يعنى لو فضلت على الحاله ده هافقد اى معلومه قد تعطيها لى؟


ملحوظه: انا عربيتى ناقل أوتوماتيكى و اعتقد زر الأوفار درايف مش مستخدم او ملوش لزمه او هو اخى قالى متبقاش تدوس عليه علشان ملوش لزمه ... ف تفتكرو ممكن تكون ده المشكله؟ و ايضا جهاز كشف الاعطال ليه مطلع ac?

جزاكم الله خيرا كثيرا و ألف شكر.
سلام

[hassanmoktar]

مساء الانوار

[hassanmoktar]

السلام عليكم،
شباب انا لما اشتريت السياره كان فيها عيب الشخص اللى قبلى اللى هو اخويا :) مكانش عارف يلاقى له حل.

الموضوع بكل بساطه ان لمبة ال o\d off دايما بترعش
لما رحنا وضعنا السياره على جهاز الأعطال اكتشفنا ان الجهاز بيقول ac

لكم أن تتخيلو اننا رحنا لأشخاص كثيره و ل محمد السيد فى الدقى و تقريبا اخى قال له احدهم احتمال يكون فى تلميس فى الدفيره وده هايتطلب حل الدفيره كلها و الموضوع مش مستدعى و قاله قاعده عجيبه :) مدام العربيه سليمه و الدنيا تمام متقلقش و امشى بيها كده.
طبعا اللمبه بترعش بقالها 4 سنوات :)

طبعا تم التأكد من الحساسات و الكلام ده كله.

سؤالى: هل فى حد عارف المشكله ده و عارف حل ليها؟ ثانيا ... هل اللمبه ده مهمه فى اى شئ آخر؟ ليها أى دور يعنى لو فضلت على الحاله ده هافقد اى معلومه قد تعطيها لى؟


ملحوظه: انا عربيتى ناقل أوتوماتيكى و اعتقد زر الأوفار درايف مش مستخدم او ملوش لزمه او هو اخى قالى متبقاش تدوس عليه علشان ملوش لزمه ... ف تفتكرو ممكن تكون ده المشكله؟ و ايضا جهاز كشف الاعطال ليه مطلع ac?

جزاكم الله خيرا كثيرا و ألف شكر.
سلام

استاذى الفاضل الاوفر دريف طبعا له استخدام فالعربيه الوتو لايمكن تسقيط قله بها بمعنى ان السياره تنتقل من الغيار لاخر بمجرد لوصول عددلفات الموترو لحد معين فعمليه زيادة عزم السياررة بالنقل الى غيار اقل كما هو الحال فى المانول غير موجود ويستعاض عنه بالاوفر دريف ولكى يتم الحكم عليه لابد من السير بسرعه منخفضة من 60-80مثلا وجرب الاوفر لو لم تحس بفرق فهو لايعمل وممكن يرجع السبب لما زكرت لكن لو الدنيا تمام فالنصيحه المصريه مهمه ومتجيش جنب الضفيره لانها تتحتاج لواحد تمام فى التصليح

[beno2050]

السلام عليكم ياأحلى سيفاوية
انا لسة جايب عربية كيا سيفيا موديل 2001 من يومين هيا حالتها كويسة بس فيها شوية حاجات عاوز اعملها
عاوز عنوان ميكانيكى كويس فى الاسكندرية علشان اكشف عليها وكمان عندى كذا مشكلة كدة
اولا صوت الماتور عالى والعربية بتسخن
ثانيا التكيف لما اشغلة على الساخن مش بيطلع غير هوا بارد
ثالثا فى تزيقه مع الفرامل دى اكيد تيل علشان كده عاوز اشيك على العربية ياريت لو حد يعرف مكان كويس فى اسكندرية اروحله وكمان اماكن اشترى منها قطع الغيار مع العلم انى جديد من كله فى السواقه والعربيات
وياترى لو عاوز اغير جنوط وكوتشات تبقى ايه مواصفاتهم ويعملوا كام
اكون شاكر ليكم

[wma_eg]

السلام عليكم ورحمة الله و براتة

اولا دى اول مشاركة ليا فى هذا المنتدى العظيم و الرابطة الرائعة دة السيفياوية الف مبروك على الجزء الثاث
و عقبال ال 100 ان شاء الله وانا قرأت الجزء الاول كلة واستفدت كتيير اوى
ثانياانا زهئت من 128 اللى ارفتنى وطلعت000000؟ و المهم قررت اشترى عربية جديدة الفلوس اللى معايا تجيب لانوس او فيرنا جديدة ولسة مقررتيش انى واحدة فيهم
ثالثا جارتى معاها كيا سيفيا و عرضاها للبيع مواصفتها كالاتى
1 موديل 2002
2 السافة المقطوعة 59000 كيلو فقط
3
فابريقة برة و جوة وانا واثق لان تم رفعها
4 استعمال سيدة وراقى جدا
5 السعر المطلوب و ال اية علشان انا جرها 45000 نهائى نهائى نهائى نهائى نهائى
رابعا انا محتار اوى اوى يا جماعة فى ناس تقولى دة فرصة عظيمة اوعى تفوت منك والعربية قوية جدا احلى 100 مرة من الانوس او الفيرنا وخاصتا العربية بحالة الزيرو لا لا لا لازم تأخذها و انت مغمض
وفى ناس تقولى يا عمنا الزيرو زيرو بردة مهما كان لا لا لا اشترى زيرو طبعا و لا تتردد انا مشعارف اعمل اية دماغى هتنفجر و الله العظبم هتنفجر وهطأ
خامساارجو من اهل الخبرة و المعرفة ان يدلونى اعمل اية ارجوكم ارجوكم ارجوكم الافادة وجزاكم الله كل خير و النصيحة دون تحيز و على الحياد وشكرا
سادسا اسف جدا على الاطالة و الازعاج وجزاكم الله كل خير

السلام عليكم ورحمة الله وبركاتة

اللون الاحمر مخصص فقط للمداخلات الاشرافية
مشرف 3ب
22/4/2012
1.50am

اولا ربنا يوفقك وتلاقى العربية اللى تبسطك

لو معاك تجيب زيرو يبقى افضل من اى حاجة على الاطلاق .. الزيرو مافيش احسن منه ولو ان الرينج اللى انت بتكلم فيه دا 45000 جنيه مايجبش اى حاجة زيرو ولا حتى صينى !!!!

اما بالنسبة للعربية اللى قصادك دى لو ذى مابتقول كدا فهى "فرصة لا تعوض " بمعنى الكلمة .. ولو انا مكانك ما فوتهاش

لو العربية دى " اوتوماتيك" ومش لازماك .. ياريت تتصل بيا.. تليفونى 01229439911
لانها تلزمنى وتبقى عملت معايا واجب

[wma_eg]

حل المشكلة صوت ده بسيط جدا وتكلفته في حدود 15 جم للجنب الواحد وعند واحد اسمه عمرو بتاع العفشه في حلمية الزيتون . وهو من الاخر الوحيد اللي بيعرف يعملها وبتاخد وقت حوالي عشرة دقائق بيفك مسمار في صدر العربية من تحت وبيركب حاجة كوتش معينه ومبترجعش تاني وهو عيب مشهور قوي في السيفيا .

تحياتي للجميع
(حل المشكلة صوت ده بسيط جدا وتكلفته في حدود 15 جم للجنب الواحد وعند واحد اسمه عمرو بتاع العفشه في حلمية الزيتون . وهو من الاخر الوحيد اللي بيعرف يعملها وبتاخد وقت حوالي عشرة دقائق بيفك مسمار في صدر العربية من تحت وبيركب حاجة كوتش معينه ومبترجعش تاني وهو عيب مشهور قوي في السيفيا.)



طيب ممكن رقمه و مكانه علشان الصوت ده عندى بقاله فترة عند العجلة اللى ورا شمال

وكده لازم الموضوع ده يتعمل فى الناحيتين ورا مش الناحية اللى بسمع منها الصوت بس مش كده ؟؟

باشا ياريت تخدمنى وتقولى عمرو دا كفائة فى العفشة ولا صنايعى اى كلام عالشان انا بدور على عفشجى محترم لـ كيا اسبكترا وياريت تقولى مكان عمرو بتاع العفشه في حلمية الزيتون .. فين بالظبط ؟؟

[medo_mony]

اولا ربنا يوفقك وتلاقى العربية اللى تبسطك

لو معاك تجيب زيرو يبقى افضل من اى حاجة على الاطلاق .. الزيرو مافيش احسن منه ولو ان الرينج اللى انت بتكلم فيه دا 45000 جنيه مايجبش اى حاجة زيرو ولا حتى صينى !!!!

اما بالنسبة للعربية اللى قصادك دى لو ذى مابتقول كدا فهى "فرصة لا تعوض " بمعنى الكلمة .. ولو انا مكانك ما فوتهاش

لو العربية دى " اوتوماتيك" ومش لازماك .. ياريت تتصل بيا.. تليفونى 01229439911
لانها تلزمنى وتبقى عملت معايا واجب

يااااااااااااااااااااااااااااااااااااااااااااااااا اةة انت لسة فاكر يا ريس انت عارف المشاركة دية دخللها فى حدود سنتين تقريبا وتم شراء العربية فعلا خلاص وطلعت فعلا حالة فوق الممتازة وبدهان الصنع كمان وتم بيع السيارة الان وتم شراء تويتا كورولا 2010 وانت لسة فاكر تسئل عليها دلوقتى بس لو الموضوع كان فى ايدى متغلاش عليك يا كبير وربنا يرزئك باللى احلى منها ان شاء الله وبالتوفيق

[hassanmoktar]

السلام عليكم،
أؤيد و بشده كلام أ. حسان.

تسلم بس حسن يا باشا

[hassanmoktar]

من فضلوكم ياجماعه من فتره اخدت بلاعه فى النص وخبطت جامد وبعديها لقيت صوت عالى رحت لبتاع الشكمانات قالى لا الشكمان تمام بس ممكن تكون القنطرة وقلى ممكن تعمل صوت علما بان الصوت عامل زى الزنه فما رايكم

[SPY123]

من فضلوكم ياجماعه من فتره اخدت بلاعه فى النص وخبطت جامد وبعديها لقيت صوت عالى رحت لبتاع الشكمانات قالى لا الشكمان تمام بس ممكن تكون القنطرة وقلى ممكن تعمل صوت علما بان الصوت عامل زى الزنه فما رايكم

انا بعتلك رد على الخاص وموضوع البلاعه ده انا خته قبل كده وبقيت بحس ان العربيه خشنه فى الغيارات بتاعت الفتيس الاتوماتيك بس مش فاكر كان فى صوت ولا لا بس فعلا المشكله كانت فى القنطره الميكانيكى فكها وعدها وركبها تانى بس انت بتقيس الزيت ولا لا؟؟ والكارتيره سليمه ولا لا خد بالك كويس من الموضوع ده ليكون الكرتيره حصلها حاجه والزيت بينقص وانت مش واخد بالك لغايه اما ينقص كتير والموتور يقفش

[hassanmoktar]

انا بعتلك رد على الخاص وموضوع البلاعه ده انا خته قبل كده وبقيت بحس ان العربيه خشنه فى الغيارات بتاعت الفتيس الاتوماتيك بس مش فاكر كان فى صوت ولا لا بس فعلا المشكله كانت فى القنطره الميكانيكى فكها وعدها وركبها تانى بس انت بتقيس الزيت ولا لا؟؟ والكارتيره سليمه ولا لا خد بالك كويس من الموضوع ده ليكون الكرتيره حصلها حاجه والزيت بينقص وانت مش واخد بالك لغايه اما ينقص كتير والموتور يقفش

والله الحمد لله الكرتاره كويسه بس نقص الزيت لان فى ترشيح من الجوان وان شاء الله هجيب الاصلى التغيره القادمه خايف لتكون البلاعه واحده عندنا وانت عملت القنطره عند مين

[hassanmoktar]

السلام عليكم ياأحلى سيفاوية
انا لسة جايب عربية كيا سيفيا موديل 2001 من يومين هيا حالتها كويسة بس فيها شوية حاجات عاوز اعملها
عاوز عنوان ميكانيكى كويس فى الاسكندرية علشان اكشف عليها وكمان عندى كذا مشكلة كدة
اولا صوت الماتور عالى والعربية بتسخن
ثانيا التكيف لما اشغلة على الساخن مش بيطلع غير هوا بارد
ثالثا فى تزيقه مع الفرامل دى اكيد تيل علشان كده عاوز اشيك على العربية ياريت لو حد يعرف مكان كويس فى اسكندرية اروحله وكمان اماكن اشترى منها قطع الغيار مع العلم انى جديد من كله فى السواقه والعربيات
وياترى لو عاوز اغير جنوط وكوتشات تبقى ايه مواصفاتهم ويعملوا كام
اكون شاكر ليكم

الف مبروك ربنا يديك خرها ويكفيك شرها

[mohmmedzohier]

السلام عليكم

يا جماعه عصايه الفتيس فيها بوش كدا روحت عندى الجندى بساله قالى فىه ناس بتوديها للخراط بيعملها حشو اوجلبه (دا غير الحشو اللى بيتجاب من عنده البلاستكيه الخضرا) حد عمل القصه دى قبل كدا

[محمد البخ]

يا جماعه عصايه الفتيس فيها بوش كدا روحت عندى الجندى بساله قالى فىه ناس بتوديها للخراط بيعملها حشو اوجلبه (دا غير الحشو اللى بيتجاب من عنده البلاستكيه الخضرا) حد عمل القصه دى قبل كدا

عملتها عند جورج المي
كانيكى ومتكلفتش كتيروبقت الغيارات قريبة والعربية اختلفت وتحس انها بقت جديدة

[SPY123]

والله الحمد لله الكرتاره كويسه بس نقص الزيت لان فى ترشيح من الجوان وان شاء الله هجيب الاصلى التغيره القادمه خايف لتكون البلاعه واحده عندنا وانت عملت القنطره عند مين

انا بعتلك على الخاص كل حاجه وعملتها عند وليد الميكانيكى الى قولتلك عليه فى الخاص