صوت موتور الكيا سيراتو 2010

[tamerelbadwy]

انا بجد محتار جدا عندى صوت عالى فى الموتور صوت تكتكه كده مش عارف ايه سببه وصوت الكمبرسور بتاع التكيف عالى برضه مع انى عامل صيانه 40000 وكشفت على العربيه بالجهاز ومفيش اى مشكله ظهرت بجد هتجنن
لوحد كان عنده نفس المشكله دى ولقالها حل يقولى

[temo85]

صوت تكتكه على السلانسيه فى مكان هادىء ؟ لو ده بيروح مع تنظيف البوابة

صوت الكمبريسور عالى ازاى ؟ قصد حضرتك عند الفصل و التوصيل ولا وهو شغال ولا ايه ؟؟

[moha4tec]

البشمهندس حاتم خبير فى اصوات السيراتو .و الحمد لله بيعرف يستخلص الحل على قدر الامكان

[mohamed_7amo]

انا عندى نفس المشكلة وعلى فكرة هى نفس الموديل بردو وصوت التكتكة ده لما باكون فى الجراج بسمعو عالى قوى

[S O P H O S]

صوت الكمبرسور بتاع التكيف عالى برضه
الجملة دي غربية كده في حاجة غلط
ربنا يوفقك وتحل المشكلة دي وتكون بسيطة ان شاء الله
تقبل مروري

[Arabino]

صوت المكنه عالى و صوت التكتكه دى تقريبا عند الناس كلها و بالذات فى الجراج هههههههههههه انا نفس الموضوع
و بالنسبه لموضوع التكييف العربيه بتترجرج كدا اول مبشغل التكييف..
اجى احط العربيه على جهاز كشف الكدب دا اللى هوا كداب اصلا يقولك مفيهاش حاجه يا سعاده البيه :d كان الجهاز دا تبع التوكيل مش عايزهم يصلحوا حاجه :d

[ابو ليلى]

كلمنى عن السحب عامل ايه ؟

[M.Akef]

انا عندي صوت ونه بتعلي مع الrpm رحت لميكانيكي قال طرمبه البور و واحد تاني قال بليه خشنه في كمبورسر التكييف و ده الي انا مصدقه و شويه و هروح افك التكييف و اغيرها لاني مستحرم الفريون الي هيروح علي الارض ده :(

[SAMEH_FOUAD]

صوت البلية بتاعة التكييف بتغيير بدون فك الكباس او تفضية الفريون

[temo85]

صوت التكتكة فى الجراج ده اللى هو بيكون عامل زى صوت العربيات الديزل بس على أخف طبعا بيبان اوى فى الجراج و انت قافل كل الازاز كمان قرب ودنك عند الكاسيت هتسمعه اوضح...ده حله تنظيف البوابه كويس اوى عشان فى السلانسيه البوابه بتكون قافله و الهوا بيدخل من حواليها اللى هو بيكون متوسخ و مكربن فالحساس بيدى امر ان البوابه تفتح عشان الهوا يدخل عشان غير كده العربيه هتبطل فالبوابه بتفتح شويه عشان تدخل الهوا عشان تحافظ على نسبة خليط البنزين مع الهوا فالصوت ده نتيجة لفتح و قفل البوابة..فى فديوهات كتير على اليوتيوب بتشرح الموضوع ده
بالنسبة لموضوع التكييف فطبيعى يكون صوته ملحوظ عند اول لقطه بسسسسس و بيحصل معاها رجه خفيفه فى العربيه نتيجه حمل التكييف على المحرك لكن بعد كده لكن لو بتحس بيه فى الفصل و اللقط بعد اول لقطة يبقى الكباس خشن و عاوز يتغيير سعرة فى التوكيل 4500 بدون تركيب :) و بالمناسبه انا قريت فى احد المنتديات الخليجية ان بلاش تشغل التكييف و العربيه على السلانسيه شغله بعد التعشيق و الحركة مابين سرعه 20 الى 40 عشان تحت ال20 بيكون حمل على المحرك و بعد ال40 ممكن الكلتش يبوظ عشان الrpm بيكون عالى والله أعلم

[M.Akef]

صوت البلية بتاعة التكييف بتغيير بدون فك الكباس او تفضية الفريون

الف شكر علي التوضيح يا سمسم انا هروح لبتاع تكييفات في اقرب وقت يشوف الموضوع لان صوت الموتور مزعج جدا

صوت التكتكة فى الجراج ده اللى هو بيكون عامل زى صوت العربيات الديزل بس على أخف طبعا بيبان اوى فى الجراج و انت قافل كل الازاز كمان قرب ودنك عند الكاسيت هتسمعه اوضح...ده حله تنظيف البوابه كويس اوى عشان فى السلانسيه البوابه بتكون قافله و الهوا بيدخل من حواليها اللى هو بيكون متوسخ و مكربن فالحساس بيدى امر ان البوابه تفتح عشان الهوا يدخل عشان غير كده العربيه هتبطل فالبوابه بتفتح شويه عشان تدخل الهوا عشان تحافظ على نسبة خليط البنزين مع الهوا فالصوت ده نتيجة لفتح و قفل البوابة..فى فديوهات كتير على اليوتيوب بتشرح الموضوع ده
بالنسبة لموضوع التكييف فطبيعى يكون صوته ملحوظ عند اول لقطه بسسسسس و بيحصل معاها رجه خفيفه فى العربيه نتيجه حمل التكييف على المحرك لكن بعد كده لكن لو بتحس بيه فى الفصل و اللقط بعد اول لقطة يبقى الكباس خشن و عاوز يتغيير سعرة فى التوكيل 4500 بدون تركيب :) و بالمناسبه انا قريت فى احد المنتديات الخليجية ان بلاش تشغل التكييف و العربيه على السلانسيه شغله بعد التعشيق و الحركة مابين سرعه 20 الى 40 عشان تحت ال20 بيكون حمل على المحرك و بعد ال40 ممكن الكلتش يبوظ عشان الrpm بيكون عالى والله أعلم

انا الصوت عندي من اول ما بدور العربيه لغايت ما ببطلعها طول الوقت معايا و صوت ونه مش كركره في احتمال انو يبقا الكباس

[temo85]

صوت ونه تبقى بليه على طول

[moha4tec]

انا عندي صوت ونه بتعلي مع الrpm رحت لميكانيكي قال طرمبه البور و واحد تاني قال بليه خشنه في كمبورسر التكييف و ده الي انا مصدقه و شويه و هروح افك التكييف و اغيرها لاني مستحرم الفريون الي هيروح علي الارض ده :(

السلام عليكم
صوت الونه يبقى خرطوم زيت البور عاوز يتوسع او يتغير بواحد قطره اكبر شويه .فى المنطقه اللى ورا الفانوس الامامى يمين .
صوت الخشونه مع تشغيل التكييف .فى الاول ممكن تكون بلية شداد التكييف و بعد كده الكمبروسور
و الله اعلم
نصيحتى
تعمل حوار البور ده و متقلقش منه
متغيرش البليه او الكمبرويسور لان المشكله هترجع تانى بعدها بشهر و هى مفيهاش مشكله الا فى الصوت بس
و الله اعلم

[moha4tec]

صوت التكتكة فى الجراج ده اللى هو بيكون عامل زى صوت العربيات الديزل بس على أخف طبعا بيبان اوى فى الجراج و انت قافل كل الازاز كمان قرب ودنك عند الكاسيت هتسمعه اوضح...ده حله تنظيف البوابه كويس اوى عشان فى السلانسيه البوابه بتكون قافله و الهوا بيدخل من حواليها اللى هو بيكون متوسخ و مكربن فالحساس بيدى امر ان البوابه تفتح عشان الهوا يدخل عشان غير كده العربيه هتبطل فالبوابه بتفتح شويه عشان تدخل الهوا عشان تحافظ على نسبة خليط البنزين مع الهوا فالصوت ده نتيجة لفتح و قفل البوابة..فى فديوهات كتير على اليوتيوب بتشرح الموضوع ده
بالنسبة لموضوع التكييف فطبيعى يكون صوته ملحوظ عند اول لقطه بسسسسس و بيحصل معاها رجه خفيفه فى العربيه نتيجه حمل التكييف على المحرك لكن بعد كده لكن لو بتحس بيه فى الفصل و اللقط بعد اول لقطة يبقى الكباس خشن و عاوز يتغيير سعرة فى التوكيل 4500 بدون تركيب :) و بالمناسبه انا قريت فى احد المنتديات الخليجية ان بلاش تشغل التكييف و العربيه على السلانسيه شغله بعد التعشيق و الحركة مابين سرعه 20 الى 40 عشان تحت ال20 بيكون حمل على المحرك و بعد ال40 ممكن الكلتش يبوظ عشان الrpm بيكون عالى والله أعلم

الكلام ده 10/10
و مظبوط جدا جدا و صحيح
و تسلم على المعلومات الصحيحه القيمه .

[M.Akef]

صوت ونه تبقى بليه على طول

كل صحابي قالو كدا فعلا

السلام عليكم
صوت الونه يبقى خرطوم زيت البور عاوز يتوسع او يتغير بواحد قطره اكبر شويه .فى المنطقه اللى ورا الفانوس الامامى يمين .
صوت الخشونه مع تشغيل التكييف .فى الاول ممكن تكون بلية شداد التكييف و بعد كده الكمبروسور
و الله اعلم
نصيحتى
تعمل حوار البور ده و متقلقش منه
متغيرش البليه او الكمبرويسور لان المشكله هترجع تانى بعدها بشهر و هى مفيهاش مشكله الا فى الصوت بس
و الله اعلم

ما انا رحت لميكانيكي قال لي دي طرمبه البور و رحت لواحد تاني قال لي دي التكييف بس الصوت مزعج اصلا مش بحب اسمع صوت وحش في الموتور :(