التامين على الكيا سيراتو..مع التوكيل..

[Arabino]

اولا السلام عليكم و رحمة الله و بركاتة..

شباب انا دلوقتى عايز اامن على العربيه و بسمع ان شركات التامين كلها حراميه مع احترامي للي شغالين فيها...

فا انا مش عارف اعمل ايه اامن ولا لا و في نفس الوقت الناس بتقولى لو هتامن شوف التوكيل بتاعك بيتعامل مع شركات ايه عشان يبقي منهم لبعض عشان تبقي التعاملات اسهل ...

فحد يعرف توكيلات الكيا سيراتو بتامن مع شركه ايه او لو حد ليه خبره فى الموضوع دا في سهوله التعامل مع التوكيل مع شركات التامين كدا يعني يدلنى ؟؟؟ وياريت النسبه عشان مش عايز اتىعور جامد

و الف شكر للشجعان :D

[ابو ليلى]

كيا عاملة اتفاق مع مصر للتامين بنسبة 3.5 %
ونسبة 10 % تحمل لو هتصلح فى التوكيل
بره التوكيل مفيش نسبة تحمل
25 % نسبة تحمل فى حالة السرقة لا قدر الله
لو هتشترى العربية كاش ملكش دعوة بأجرئات التأمين وقت عمل الاصلاحات
هتروح تودى العربية التوكيل وانت بتستلم هتدفع نسبة التحمل
لو بره التوكيل بيكون مركز الصيانة اللى تابعة مصر للتامين
لو هتشترى قسط هتحاسب التوكيل وبعدن تروح شركة التامين تستلم الشيك بتاعك
الشركة حكومة يعنى روتين بس مسمعتش منها شكاوى الا نادرا
الكلام اللى فات ده كله لو انت لسه هتشترى
انما لو اشتريت مش عارف الاتفاق ده ماشى ولا لا
ممكن تتصل بالمبيعات وتفهم منهم بس ياريت تيجى تعرفنا .

[SaimOnatoR]

في رأي أمن مع كونتاكت هم أحسن شركة تأمين في رأيي بس أغلى بكتير من كل الموجودين - 4.75%- اول مطالبة مجانية و نسب التحمل تدريجية من اول المطالبة التانية و اعتقد بتبقى 11% و بتتزايد مع كل مطالبة و تحمل السرقة لا قدر الله بيوصل لـ 75%.

[Arabino]

مهي كونتاكت احسنهم بس اغلاهم مدي مشكلتهم و مصر للتامين مفيش مصداقيه و مبيدفعوش حاجه انا قريت بعض المقالات زي الزفت عن مصر للتامين... كتبها اعضاء هنا ف المنتدى..
حد جرب البيت المصري السعودي الاسلامي دا ؟؟؟؟

[Mohamed Bander]

للأسف هي دي المعادله عايز خدمه كويسه ومعامله كويسه يبقي هتدفع كتير مع كونتاكت لو هتدفع قليل في نسبة مخاطرة في التعامل

انا اعتقد مصر للتامين مش هيكون في مشكله في حالة الحوادث لان علي كلام الوكيل انهم اللي هيحددوا الإصلاحات والتامين هيدفعلهم وانت بره العملية دي ده لو انت شاري العربية كاش

الخوف بقي لا قدر الله في حالة الهلاك الكلي او السرقة هيكون تصرفهم ازاي الله اعلم

[moha4tec]

حاول تستفسر اكتر عشان توصل لاحسن حل
و شركة اليانز كويسه بس غاليه جدا .

[Arabino]

و الله حتى الان الناس كلها بتشكرلي ف البيت المصري السعودي و قناه السويس للتامين

[aaet1]

عن تجربة شخصية مرة مع قناة السويس للتأمين وأكتر من مرة من خلال عربية أخويا أعتقد انهم شركة محترمة، عندى وديت العربية الوكيل وهما بيروحوا يشوفوها وبدء الوكيل الإصلاح وبعدين رحت أستلمها ودفعت المبلغ كله ورجعت بالفاتورة بيهم وفى خلال اسبوعين بالظبط طلعلى الشيك مع تحميلى بنسبة 10% من قيمة قطع الغيار فقط، يعنى كانت الفاتورة وصلت لـ 7000 جنيه تقريبا منهم 4000 قطع غيار كل اللى أنا شلته فى الليلة دى 400 جنيه
وطبعا السنة دى مع التجديد ضافوا بند جديد انهم فى حالة السرقة لاقدر الله هيتحملوا هم بس 75% من قيمة العربية وقت التأمين ولكن المبدء ده عام على كل شركات التأمين نتيجة لظروف البلد