كيا سيراتو - الفصل الاخير

[Medicalist]

السلام عليكم
كل عام وانتم بخير
انا واحد من الناس الى بتحب السيراتو ومن سنتين اول ما نزلت كنت هشتريها بس خوفتنى وقتها حوادث ناس هنا فى المنتدى و قلقت منها وجبت الانترا
سمعت كلام كتير عن السيراتو من الموتور الى وضعه غلط و العفشه الناشفه و المشاكل الغريبه الى بتحصل و انه العربيه بتعوم لا والثبات الخ الخ
انا نفسى اعرف من الملاك طبعا القول الفصل فى العربيه دى بجد ومقارنتها للى ركب الانترا القديمه بالانترا
السيراتو 2012 نازله بجنط 15 سيمبل وقريت ناس بتشكر فى العفشه و نعومتها مع الجنط ال 15
كمان الاسعار بدأت تنزل يعنى فيه خليجى منها دلوقتى ب 106 الف
والوكيل نزل موديل اوتوماتيك جنط 15 ب ب 110 الف
رأى الملاك ايه وبكل صراحه ؟

[Arabino]

الصراحه الحمد لله العربيه مريحانى جدا انا معايا الخليجي منها..
كل العيوب اللى فيها مش هيا السبب اصلا السبب ف الشوارع الزباله و النقر و المطبات..الكاوتش ع ندى باه غير صالح للاستخدام الادمي بالمره :d عشان الجنط 17
بس نصيحه مني متجبش غير الكامله لو بتفكر تجيبها...

[Medicalist]

ربنا يباركلك فيها يا باشا ويديك خيرها
بس اشمعنى الكامله ؟ وانا اسمع انه الباور فى الخليجى بيكون كهربا زى الانتر الكلام ده مظبوط ؟

[Arabino]

والله يا باشا انا عندى اقتناع بحاجه اجيب العربيه كامله احسنلى من انى كل فتره اركب فيها حاجه لانى كان معايا عربيه قبليها ركبتلها الازاز الكهربا و كاسيت و انذار و فوجات و علبه شكمان سبوور و الكلام الفاضي دا يعني اجيبه منه فيه احسن و بعدين الكامله عفشتها افضل و دا من خلال ركوبي ف اكتر من عربيه سيراتو غير ان عدادات الكامله شكلها احلي بكتير من العاديه.. بس عايز نصيحتي اركب خليجي.. و ناس هتطلع تقولى انتا و انتا و انتا...
بس كل واحد بوجهه نظره و اختلاف الراي لا يفسد من الموضوع يعني..
و ربنا يوفقك انشاء الله و تلاقي اللى انتا عايزه اما عن موضوع الباور كهربا.. كهربا ولا عادى مفهمش فيهم انا هههههههههه ..؟ :d

[S O P H O S]

ربنا يوفقك للاحسن والخير

[Medicalist]

والله يا باشا انا عندى اقتناع بحاجه اجيب العربيه كامله احسنلى من انى كل فتره اركب فيها حاجه لانى كان معايا عربيه قبليها ركبتلها الازاز الكهربا و كاسيت و انذار و فوجات و علبه شكمان سبوور و الكلام الفاضي دا يعني اجيبه منه فيه احسن و بعدين الكامله عفشتها افضل و دا من خلال ركوبي ف اكتر من عربيه سيراتو غير ان عدادات الكامله شكلها احلي بكتير من العاديه.. بس عايز نصيحتي اركب خليجي.. و ناس هتطلع تقولى انتا و انتا و انتا...
بس كل واحد بوجهه نظره و اختلاف الراي لا يفسد من الموضوع يعني..
و ربنا يوفقك إن شاء الله و تلاقي اللى انتا عايزه اما عن موضوع الباور كهربا.. كهربا ولا عادى مفهمش فيهم انا هههههههههه ..؟ :d

شكرا يا باشا

[Medicalist]

ربنا يوفقك للاحسن والخير

الله يخليك يا باشا

[moha4tec]

السلام عليكم
لو مستعجل متشتريش اصلا .لان الواحد و هو مستعجل بيدبس فى اى حاجه .
راى متستعجلش و تنتظر السيراتو الشكل الجديد و كماليات جديده
او ممكن تشترى الالنترا الجديده وكيل لان غبور عامل تخفيض عليها رهيب و اوبشن اكتر من الخليجى .
و الله اعلم .
بس انت لو عاوز الامانه ...........
اشترى فورد فوكس .

[ابو ليلى]

السلام عليكم
كل عام وانتم بخير

انا واحد من الناس الى بتحب السيراتو ومن سنتين اول ما نزلت كنت هشتريها بس خوفتنى وقتها حوادث ناس هنا فى المنتدى و قلقت منها وجبت الانترا
سمعت كلام كتير عن السيراتو من الموتور الى وضعه غلط و العفشه الناشفه و المشاكل الغريبه الى بتحصل و انه العربيه بتعوم لا والثبات الخ الخ
انا نفسى اعرف من الملاك طبعا القول الفصل فى العربيه دى بجد ومقارنتها للى ركب الانترا القديمه بالانترا
السيراتو 2012 نازله بجنط 15 سيمبل وقريت ناس بتشكر فى العفشه و نعومتها مع الجنط ال 15
كمان الاسعار بدأت تنزل يعنى فيه خليجى منها دلوقتى ب 106 الف
والوكيل نزل موديل اوتوماتيك جنط 15 ب ب 110 الف
رأى الملاك ايه وبكل صراحه ؟

العربية بقالها فترة 3 سنين فى السوق المصرى وعملت نقلة كبيرة فى السيارات
وغيرت مفهوم السيارات فى مصر بعد ما كان ال abs ضرب من الخيال عندنا
ولكن فى النهاية هى عربية ومش مطلوب منها غير انها تكون عربية
رائى الشخصى ورغم المعاناة اللى صدفتنى معاها تعتبر الاحسن حاليا
من حيث السعر مقابل القيمة .

[Land_Cruiser]

بص هو حضرتك انا مش مع او ضد العربيه بس عايز اقولك ان الحكم على اى عربيه بيبقى مسأله نسبيه حسب وجهه اللى بيقيم. يعنى مثلا لو هو كان راكب حاجه اعلى هيشعر ان العربيه ضايعه و لو كان راكب حاجه اقل هيشعر انها تحفه و علشان كده حضرتك لازم تسمع فى الاول و بعد كده تروح تتفرج عليها و ممكن كمان تأجرها كام يوم مثلا و تشوف ايه اخبارها معاك و مقتنع بيها و لا لأ لان حضرتك اللى هتشترى مش اى حد تانى

[BUNSH]

بص هو حضرتك انا مش مع او ضد العربيه بس عايز اقولك ان الحكم على اى عربيه بيبقى مسأله نسبيه حسب وجهه اللى بيقيم. يعنى مثلا لو هو كان راكب حاجه اعلى هيشعر ان العربيه ضايعه و لو كان راكب حاجه اقل هيشعر انها تحفه و علشان كده حضرتك لازم تسمع فى الاول و بعد كده تروح تتفرج عليها و ممكن كمان تأجرها كام يوم مثلا و تشوف ايه اخبارها معاك و مقتنع بيها و لا لأ لان حضرتك اللى هتشترى مش اى حد تانى

+11111
وبالنسبة لصاحب موضوع ,, ربنا يوفقك .

[tarek_rcc]

بس انت لو عاوز الامانه ...........
اشترى فورد فوكس .

اية يا ابا مصطفى ....
انت بتطفش الزباين ولا اية؟؟؟؟
يا شماتة ( بتوع زحفاهم ) فينا يا ابو حميد .... هههههههههههه