تكلفة رش الاكصدام الخلفى - سيراتو 2011

[ahmedabdelfatah]

السلام عليكم أعضاء المنتدى الكرام

الحمد لله انا معايا سيراتو 2011 sx وأول امبارح واحد بتاع نصف نقل منه لله ريح عليا وانا واقف وخربش الاكصدام الخلفى وقبل كدة كان فى خرابيش وانا بركن من الرصيف .
كنت عايز أسأل لو حد عارف تكلفة رش الاكصدام الخلفى فى التوكيل تبقى كام ؟
مع انى جبت القلم بتاع الخرابيش ومعملش حاجة ... مش عارف يمكن انا باستخدمه غلط ...
بس انا جربته على خرابيش خفيفة برده معملش حاجة ... يالا الحمد لله على كل شىء .
ولكم جزيل الشكر ،،،،

[ahmed_halim197]

انا لسة داهن الاكصدام فى التوكيل و السعر 275 جنية بالضريبة

[ahmedabdelfatah]

انا لسة داهن الاكصدام فى التوكيل و السعر 275 جنية بالضريبة

ربنا يخليك يا استاذ احمد طمنت قلبى السعر حلو ومش غالى ان شاء الله احجز واروح اعمله هناك
ويا ترى الموضوع خد وقت قد ايه ... وشكرا ليك جدا لرد حضرتك

[S O P H O S]

موفق ان شاء الله
والموضوع ينتهي بسهولة
ان شاء الله فالتوكيل

[ahmedabdelfatah]

موفق ان شاء الله
والموضوع ينتهي بسهولة
ان شاء الله فالتوكيل

شكرا أ/ احمد ان شاء الله لما اخلص هقلوكو عملت ايه علشان الكل يستفيد

[qau]

انا لسة داهن الاكصدام فى التوكيل و السعر 275 جنية بالضريبة

طيب سؤال يا استاذ احمد هل اللون فابريكه زي الاصلي ولا في فرق بينه وبين العربيه والحاجه التانيه هل خلصو العربيه في نفس اليوم ولا استلمتها يوم تاني وهل شغلهم نضيف ولا لا وياريت تقولنا فرع ايه الي روحته

[ahmed_halim197]

طيب سؤال يا استاذ احمد هل اللون فابريكه زي الاصلي ولا في فرق بينه وبين العربيه والحاجه التانيه هل خلصو العربيه في نفس اليوم ولا استلمتها يوم تاني وهل شغلهم نضيف ولا لا وياريت تقولنا فرع ايه الي روحته

اللون زى الاصلى
الوقت مش حاقدر احدد لانى كنت باعملها من ضمن الحادثة اللى حصلت لى بس انا عملت الاكصدام على حسابى لان التامين مرضيش يهدنة لانة كان فية خدوش كتير بس من برة الحادثة
انا عملتها فى كيا رواس العبور و دة لانه تبع التامين