الكارينز ........ بديل ال park sensor & camera

[Khaled_Nowaihy]

السلام عليكم ورحمة الله وبركاته
انا من فترة كنت عملت موضوع اسأل عن الحاجات دى موجودة فى مصر وللا لأ

والحمد لله لقيت واحد صاحبى مسافر ال UK وخليته يجيبهم لى

انا لقيت موضوع تركيب كاميرا وشاشة ها يكلف كتير بالاضافة الى انه هيحصل لعب فى كهربة العربية واحتاج مكان احط فيه الشاشة ...........بصراحة وجع دماغ ملهوش لازمة

كل اللى عملته انى لزقتها على البريبريز الخلفى بشوية مياه
اسيبكم مع الصور......

ودى صور المرايات الصغيرة

واخدين بالكم من الكارينوزا اللى طالعة فى المراية الصغيرة ومش ظاهرة فى مراية العربية ؟

ايه رأيكم ... وحشة مش كده ؟؟؟ يععععععععععععع (حبيبى يا د. شهدى)

على فكرة ... أنا جايب 2 park aid علشان العزيزة الغالية ال 128 بس للأسف هى ماتنفعش غير للعربيات اللى البريبريز الخلفى بتاعها رأسى
لذلك لو حد عاوز يشتريها يراسلنى على الخاص

[sara2001]

الف مبروك المرايات يا أستاذ خالد
فكرتها حلوه جدا وتركيبها سهل ما شاء الله
ربنا يبارك لحضرتك فيهم
عندي سؤال
هي المرآه الخلفيه بتظهر الصوره ازاي في المرآه الأماميه؟

[yasso0101]

الف مبروك بس ده مرايا بتتلزء ولا انا فاهم غلط

[Kareem.ElAraby]

متابع

[Khaled_Nowaihy]

الف مبروك المرايات يا أستاذ خالد
فكرتها حلوه جدا وتركيبها سهل ما شاء الله
ربنا يبارك لحضرتك فيهم
عندي سؤال
هي المرآه الخلفيه بتظهر الصوره ازاي في المرآه الأماميه؟

الله يبارك فيكى يا أ. سارة ,,, ومبروك عليكى الإصلاحات
هى مش مراية ... هى ممكن نقول انها عبارة عن عدسة من البلاستيك الطرى الشفاف بتعمل انكسار لشعاع الرؤية لأسفل بحيث لما نبص عليها من خلال مراية السائق نشوف الجزء اللى أسفل العربية اللى مش بنشوفه من خلال المراية بتاعة العربية.

ده أنا حتى جربت ركبتها بالمقلوب جابت لى منظر بانورامى هائل لأسطح العمارات اللى فى الشارع !!!!

الف مبروك بس ده مرايا بتتلزء ولا انا فاهم غلط

الله يبارك فيك .... هى فعلاً بتتلزق على الزجاج مباشرة ... نرش شوية مياه على الزجاج بعد تنظيفه جيداً ... وبعدين نركب العدسة ونضغط عليها من الداخل للخارج عشان نفرغ الهواء وتلزق تماماً فى الزجاج

[ahmedhawas]

ألف مبروك يا خالد .. فكرة حلوة جدا
بس هو مفيش منها في مصر !!

[ashouhdy]

واالله حلوة وعملية وقلتلك عليها واتريقت عليا وقلتلى ميكروباص تويوتا :)))))

بس المساحة اللى ورا اية نظامها حتخبط فيها ولا اية ؟

[ashouhdy]

انا راكب عندى ال dvd ابو كاميرا والتوكيل مركبة

هو غالى ب 2200 جنية بالكاميرا من غير gps بيركب مكان الكاسيت

بس المرايا الصراحة عملية اكتر ... قول يارب ميجيش حد بزينون ويرعشلك :))))

[م. حاتم السباعي]

ما شاء الله
الف مبروك و ربنا يبارك لحضرتك في السيارة و في العدسات
و بصراحة فكرة عبقرية احيي حضرتك عليها
بس هل هناك خوف ان ينزعها احد من الخارج و السيارة راكنة
او اثناء غسيل السيارة في البنزينة مع قوة دفع المياة
ام اني فاهم طريقة تركيبها خطأ
تحياتي لحضرتك

م.حاتم السباعي

[Dr'AhmZZong]

إيه الفكرة الجمدة ديييييييييييه .. أنا عايز واحدة مليش دعوة هههههههههههههه

[ashouhdy]

ما شاء الله
الف مبروك و ربنا يبارك لحضرتك في السيارة و في العدسات
و بصراحة فكرة عبقرية احيي حضرتك عليها
بس هل هناك خوف ان ينزعها احد من الخارج و السيارة راكنة
او اثناء غسيل السيارة في البنزينة مع قوة دفع المياة
ام اني فاهم طريقة تركيبها خطأ
تحياتي لحضرتك

م.حاتم السباعي

مهندس حاتم

اوعى تكون ذعلان منى انا من النوع اللى بينفعل وبيكتب جامد بيصعب عليا الناس

تقبل اعتذارى

[Khaled_Nowaihy]

ألف مبروك يا خالد .. فكرة حلوة جدا
بس هو مفيش منها في مصر !!

الله يبارك فيك ... للأسف ما شفتهاش فى مصر خالص غير على عربيتين ... ماتركس ومرسيدس الجديدة الهاتش باك

إيه الفكرة الجمدة ديييييييييييه .. أنا عايز واحدة مليش دعوة هههههههههههههه

غالى والطلب رخيص يا دكتور ... ما تغلاش عليك ـ وأنا مش صاحب الفكرة والله ... أنا كنت شفتها فى لندن لما كنت هناك سنة 99 تقريباً واشتريتها للعربية ال 128 ، ولما جبت الكارينز ربنا كرمنى ولقيت واحد صاحبى جابها لى من هناك ....

واالله حلوة وعملية وقلتلك عليها واتريقت عليا وقلتلى ميكروباص تويوتا :)))))

بس المساحة اللى ورا اية نظامها حتخبط فيها ولا اية ؟

حبيب قلبى يا دكتور .... اللى قلت عليها مراية خارجية ... دى مش مراية دى عدسة بتركب من الداخل مش من الخارج


بالنسبة للمرايات الجانبية ... أنا باضم المرايات لما اجى أركن العربية ... وربنا يستر وما تتسرقش !!!!

انا راكب عندى ال dvd ابو كاميرا والتوكيل مركبة

هو غالى ب 2200 جنية بالكاميرا من غير gps بيركب مكان الكاسيت

علشان كده فكرت فى حكاية العدسة دى

بس المرايا الصراحة عملية اكتر ... قول يارب ميجيش حد بزينون ويرعشلك :))))

مالهاش أى تأثير إطلاقاً ....

ما شاء الله
الف مبروك و ربنا يبارك لحضرتك في السيارة و في العدسات
و بصراحة فكرة عبقرية احيي حضرتك عليها
بس هل هناك خوف ان ينزعها احد من الخارج و السيارة راكنة
او اثناء غسيل السيارة في البنزينة مع قوة دفع المياة
ام اني فاهم طريقة تركيبها خطأ
تحياتي لحضرتك

م.حاتم السباعي

الله يبارك فيك يا باشمهندس .. هى بتتركب من الداخل وليس من الخارج ... نورت الموضوع
[frame="2 80"]

مهندس حاتم

اوعى تكون ذعلان منى انا من النوع اللى بينفعل وبيكتب جامد بيصعب عليا الناس

تقبل اعتذارى

لما اقول لك حبيب قلبى يبقى عندى حق
بارك الله فيك يا د. شهدى ... والمهندس حاتم راجل أصيل زيك تمام
[/frame]

[Land_Cruiser]

فكره حلوه و عمليه و مبروك على حضرتك . هى يا ترى سعرها كام؟

[Khaled_Nowaihy]

الله يبارك فيك هى سعرها 14 جنيه استرلينى شوف الرابط ده:


Halfords | Summit Rear Window Lens

[sara2001]

الله يبارك فيكى يا أ. سارة ,,, ومبروك عليكى الإصلاحات
هى مش مراية ... هى ممكن نقول انها عبارة عن عدسة من البلاستيك الطرى الشفاف بتعمل انكسار لشعاع الرؤية لأسفل بحيث لما نبص عليها من خلال مراية السائق نشوف الجزء اللى أسفل العربية اللى مش بنشوفه من خلال المراية بتاعة العربية.
ده أنا حتى جربت ركبتها بالمقلوب جابت لى منظر بانورامى هائل لأسطح العمارات اللى فى الشارع !!!!

الله يبارك في حضرتك
فكرتها حلوه جدا .... من الصور كنت فاكره انها راكبه من الخارج