مؤشر الوقود (البنزين ) هيس

[salodas]

اليوم حصل تجربة لأول مرة أشوفها .... أسردها للمساعدة وطبعا للإفادة للجميع .
دخلت البنزينة أفول 92 وخلصت ومشيت ..... بعد شوية ببص على المؤشر لقيتة زى مكان قبل التموين ....لفيت ورجعت البنزية الراجل حلف لى والله أنا فولت على الأخر .... نزلت وبصيت على التنك بنفسى (لقيته فول) مشيت وبعد شوية بدأ المؤشر يرفع شوية شوية ......
أيه الى بيحصل يا شباب

[nicegypt]

عوامة البنزين تعيش انتا ..
عادي بتحصل كتير .. او فيوز .. ملاك كيا هيفيدوك تحديداَ بأذن الله
حبيت بس اطمنك

[M!SHO]

حصلت معايا فى البيكانتو مره

ابقى بطل العربيه قبل متفول

[t_bmw7]

الموضوع ده بيحصل لما حضرتك بتحط بنزين والعربيه شغاله ، قبل ما تحط البنزين لازم تبطل العربيه ، والعوامه شغاله عندك ١٠٠٪ ماتقلقش والموضوع ده تقريبا بيحصل في عربيات كتير .

[احمد المصرى]

اولا انت غلط انك مخدش بالك الراجل حط بنزين ولا محطش اساسا بدليل انك رجعتله تانى


ثانيا :- ذى ما الاعضاء قالوا انت تقريبا كانت العربيه شغاله وانت بتفول ودا غلط جدا خلى بالك

[salodas]

ألف شكر للشباب المحترم .... لكم جزيل الشكر

[ahmedsrs]

الموضوع عادى وبيحصل كتير ابقى بطل قبل متفول ومتفولش الى لما المؤشر يوصل للنص على الاقل