سؤال عن البيكانتو عموما و المواصفات الخليجى خصوصا

[mecairo]

أولا يا جماعة ، سلام عليكم

ثانيا ، قد تكون دى أول مشاركة لى بالمنتدى لكن بإذن الله مش هتكون الأخيرة، أنا نويت بإذن الله خلاص على بيكانتو مانيوال فول اوبشنز و كان عندى اسئلة قد تبدو للبعض ساذجة لكنها هتفرق معايا

أولا هل أفضل مكان أشترى منه هو الوكيل? ولا فيه موزعين كبار ممكن يبقوا مضمونين برضه
و
هل الشراء من الوكيل معناه الدخول فى قايمة انتظار و خلافه?

و بالنسبة لموضوع المواصفات الخليجى هل العربيات دى بتدخل فى الضمان? و هو اصلا ايه الميزة اللى هاخدها فى الضمان ? و ايه الميزة اللى ممكن آخدها من المواصفات الخليجى?

و بإذن الله ليكم وعد منى بتقرير مفصل عن البيكانتو و عن اسباب اختيارى ليها اول ما ارخصها بإذن الله و ما تقلقوش انا مش ميح قوى كده فى موضوع العربيات بس الفكرة ان دى اول مرة اشترى

شكرا على وقتكوا و ربنا يسهل

[roffa1]

انا لسه مستلم واحده بس من أسيوط ب 85500 جم لكن من أسيوط بس التاجر اللى جابهالى من مصر واخد 500 جم زياده
يعنى هيا ب85000 جم من عند مستورد اسمه الحرمين بمدينة نصر
اما المواصفات كالاتى
اوتوماتك
فرش جلد أحمر
تاره مألتى
بلوتوث
كاسيت أصلى
أبانوس أسود بالتابلوه
كرسى السائق يمكن ضبط ارتفاعه
تكييف و باور كهربا
جنوط 14 لونين
عتب
فوجات
سبويلر و مساحه خلفيه
أوكر نيكل
مرايات كهربا + ضم كهربا
4 ازاز كهربا
درج تخزين اسفل الكرسى اللى جنب السائق
وصلة أى بود
فتحة اه يو أكس
مخرج كهربا أضافى
يو اس بى

[mecairo]

شكرا جزيلا على الايضاح و ربنا يباركلك فيها , بس أنا كنت عاوز أعرف المواصفات الخليجى دى بتتصين فى التوكيل عادى ؟ و ايه الفرق بينها و بين العربية اللى من التوكيل , مش قصدى فى الكماليات , أنا قصدى فى تعامل التوكيل معاها

[Dr.A.Nabil]

مابتروحش التوكيل
بتروح مراكز صيانه اخرى معتمده

[mecairo]

طب معلش بقى :) , و ايه الميزة فى التوكيل ؟ و اعذروا لى جهلى فى الموضوع ده

[maruti]

ممكن حضرتك تروح تجبها من عند اي موزع بلضمان وهيكون عليها خصم 2000 جنية وهتستلم فوري
التوكيل هتستنا تقريبا شهرين وتستلم وانا شايف تجبها بضمان احسن ممكن لاقدر الله العربية يكون فيها مشكلة

[elpasha1]

كلام سليم

[raedegypt]

بص يابرنس العربيات الفئه دة الافضل فى الاتساع والراحه ... سبارك الجديد وال اى 10 هيونداى . البيكانتو لو قعدت فيها ها تتخنق من الضيق لو تركب الاسبارك الجديد اوسع لك والسقف اعلى من فوق راسك .. انا انصح تركب الثلاثه فى معرض جامع للعربيات دة كلها علشان تميز وتشعر الفرق

[mecairo]

شكرا يا جماعة على النصيحة , و ياترى إيه الموزعين اللى بضمان بقى ؟ :) :)

وبالنسبة ل raedegypt أنا فعلا ركبت التلاتة فى أوتوماك , و السبارك هى أضيق واحدة رغم ان شكلها عاجبنى أكتر , و على فكرة البيكانتو و الآى 10 نفس الشاسية و لذلك هما أوسع شوية من السبارك و عموما الآى 10 هى أوسع شنطة فى التلاتة و أوسع عربية فى التلاتة
لكن بعد مقارنة الموتور مع الشكل مع الكماليات اللى تحصل عليها مقابل الفلوس لقيت ان البيكانتو افضل واحدة فى التلاتة , وربنا يسهل و اشوف هجيبها منين

[raedegypt]

الاسبارك الشيفروليه فيها اتوماتيك فى مصر ولا لاء. لانها متوفرة فى السعوديه اتوماتيك 39 الف ريال عربيه شيك جدآ مريحه وتكييفها روعه وعداد شكل جديد حلو

[mecairo]

على حد علمى مفيش من السبارك الجديدة أوتوماتيك فى مصر , و أنا أصلا ناوى أجيب مانيوال إن شاء الله , لأنى مش مقتنع بأوتوماتيك فى المواتير الصغيرة دى
و أكتر حاجة مشجعانى على البيكانتوا إن عزم المتوتور بتاعها أعلى واحد فى فئتها 97 نيوتن.متر عند 2800 لفة فى الدقيقة و ده هيريحنى أكتر فى المانيوال

[raedegypt]

مواصفات شيفرولية سبارك 2012 chevrolet Spark


من فئة الهاتشباك ذات منظومة دفع امامى
ابعاد السيارة الطول 3640 مم * العرض 1597 مم * الارتفاع 1522 مم
وزن السيارة 905 كجم , سعة خزان الوقود 35 لتر
أدنى ارتفاع عن الارض 170مم ,نصف قطر الدوران 4.95 متر
قاعدة عجلات طولها 2692 مم , سعة الحقيبة الخلفية 170 لتر
عجلات من الألومنيوم 14 انش × 4.5 انش واطارات P155/70R14
محرك DOHC به 4 اسطوانات بسعة 1.0 لتر كامة مزدوجة 8صمام بقوة دفع حصانية 82 حصان
عند 6400 دورة فى الدقيقة , واقصى عزم 108 نيوتن مترعند 4800 دورة فى الدقيقة
ناقل الحركة يدوى 5 سرعات محققا اقصى سرعة 162 كم/ساعة واخر اتوماتيكى به 4 سرعات
فرامل مانعة للانغلاق ABS فرامل قرصية في الأمام أسطوانية في الخلف
حزام أمان للراكب الأمامي بثلاث نقاط تثبيت مع تحديد مسبق لمستوى الشد
نظام تعطيل عمل المحرك ,صندوق المساعدات الأولية
2 وسادة هوائية للسائق والراكب الامامى مثلث التنبيه العاكس للضوء
زجاج كهربائى , قفل مركزى للابواب , زجاج مظلل للخصوصية
قضبان فولاذية في الأبواب , مقابض الأبواب بلون السيارة
تكييف الهواء يدوي بمنطقة واحدة, أحجبة واقية من الشمس
نظام صوتي، ستيريو AM/FM مع مشغل CD وتشغيل MP3 ومنفذ USB

[mecairo]

مواصفات شيفرولية سبارك 2012 chevrolet spark


من فئة الهاتشباك ذات منظومة دفع امامى
ابعاد السيارة الطول 3640 مم * العرض 1597 مم * الارتفاع 1522 مم
وزن السيارة 905 كجم , سعة خزان الوقود 35 لتر
أدنى ارتفاع عن الارض 170مم ,نصف قطر الدوران 4.95 متر
قاعدة عجلات طولها 2692 مم , سعة الحقيبة الخلفية 170 لتر
عجلات من الألومنيوم 14 انش × 4.5 انش واطارات p155/70r14
محرك dohc به 4 اسطوانات بسعة 1.0 لتر كامة مزدوجة 8صمام بقوة دفع حصانية 82 حصان
عند 6400 دورة فى الدقيقة , واقصى عزم 108 نيوتن مترعند 4800 دورة فى الدقيقة
ناقل الحركة يدوى 5 سرعات محققا اقصى سرعة 162 كم/ساعة واخر اتوماتيكى به 4 سرعات
فرامل مانعة للانغلاق abs فرامل قرصية في الأمام أسطوانية في الخلف
حزام أمان للراكب الأمامي بثلاث نقاط تثبيت مع تحديد مسبق لمستوى الشد
نظام تعطيل عمل المحرك ,صندوق المساعدات الأولية
2 وسادة هوائية للسائق والراكب الامامى مثلث التنبيه العاكس للضوء
زجاج كهربائى , قفل مركزى للابواب , زجاج مظلل للخصوصية
قضبان فولاذية في الأبواب , مقابض الأبواب بلون السيارة
تكييف الهواء يدوي بمنطقة واحدة, أحجبة واقية من الشمس
نظام صوتي، ستيريو am/fm مع مشغل cd وتشغيل mp3 ومنفذ usb

اللى انت بتوصفها دى غير اللى موجودة فى مصر , اللى فى مصر موتورها 1.2
و غالبا العزم و القدرة الحصانية متلخبطين فى البيانات اللى فوق دى لأن هنا 108 حصان عند 6400 دورة فى الدقيقة
و 82 نيوتن.متر عند 4800 دورة فى الدقيقة

و حتى لو العزم أعلى كرقم , العبرة بعند كام دورة فى الدقيقة
يعنى , الموتور بتاع البيكانتو هيديك عزم أعلى بكتير و كمان عند عدد لفات أقل (( 97 نيوتن.متر عند 2800 دورة فى الدقيقة)) , اما موتور السبارك لازم تقرص عليه لأكتر من ضعف عدد اللفات عشان تاخد نفس العزم , و بالتالى حتى لو موتور البيكانتو بيطلع عزم أقل , فانت هتحس ان موتورها أنعم و اقوى , و خصوصا فى المانيوال