أنا حاسس ان اتضحك عليا

[Mahmode]

يا جماعة انا حاسس اني اتضحك عليا. أنا اشتريت كيا بيكانتو خليجي 2012 أوتو ب 80500 جنيه. الوكيل منها تقريبا بيعمل 85000 ألف أو حاجة زي كده. المهم أنا قلت مش فارق معايا الضمان واوفر فرق الفلوس. المهم الخازوق في ان الخليجي مافيهاش الكاسيت الأصلي. مركبين مكانه كاسيت أقل وصف ليه انه معفن نوعه رودستار وهي تقفيل مصري أو داخل فيها صناعة مصري المهم تقريبا أزبل ماركة في كاسيتات السيارات. يعني أظن سعرة جديد لا يتجاوز ال 200 جنيه في أقصى الظروف. أولا وانا باستلم العربية لقيت زرار من الكاسيت ساقط للداخل ومش بيتداس. قالولي روح لرودستار في أول عباس حيظبوطهولك. رحت هناك قعدت بتاع 4 ساعات من غير مبالغة عشان يصلحولي أم الزر. وطبعا في خلال ال 4 ساعات دول قابلت ناس كتير هناك وكلهم بيشتكو من زبلنة الكاسيت الرودستار وانه بيفصل وقصص كتير (هوا بينزل في الفيرنا حسب ما عرفت).

المهم بعد ما شفت الكاسيت التعبان نفسيا ده قلت انا ارميه حتى (خسارة فيه البيع) وأسأل عن الكاسيت الأصلي واشتريه واركبه. المهم الصدمة الكبرى لما سألت عن الكاسيت الأصي في التوكيل انه قالي ب8000 جنيه!!!!!!! اتمنى أكون سمعت غلط. بس لو سمعت صح يبقى فعلا اتضحك عليا. يعني يشيلو كاسيت ب8000 ويحطو كاسيت ب200 جنيه و بشيلو الضمان وينزلو 4000 جنيه بس؟؟ حد يقوللي رأيه لحسن متضايق جدا.

[Android]

بصراحه مش عارف اقولك ايه
بس حوار اسعار الكاسيت دي مش منطقيه خالص
ده ب 2000 جنيه تجيب كاسيت سوني مثلا وهمي بشاشه تاتش وشغل عالى وصوت جبار
انما كاسيت ايه الي ب 8000 وفي عربية كيا مستحيل طبعا
اكيد سمعت غلط

[shaddadfalcon1]

ده كده زي الحكاية بتاعة الكاسيت بتاعة التويوتا الميكروباص اللي ب 25 الف جنيه :)

[Mahmode]

أنا باقول يمكن قال 3000 وانا سمعتها 8000. حاحاول اوصل لحد بيبيعه برا التوكيل واسأله

[tarekiooo]

كاسيت ايه اللى ب 8000 المهم العربية تمام ؟؟؟؟؟ ام هناك لعب فى اشياء اخرى

[Mahmode]

لا العربية تمام. لازم تكون تمام دي لسا مكملتش معايا 9 ساعات :)

[hugan]

مبروك العربيه
اظن اجدع كاسيت لايتعدي 1500 جنيه

[Mahmode]

طب طمنتوني يا جماعة. ربنا يخليكم. طب حد يعرف محلات بيع قطع غيار واكسسوارات كيا أسأل عنده؟

[mody3on]

مش شرط كيا هات حاجة كينوود او سوني احسن من اللي بينزل فيها كمان

[SAMEH_FOUAD]

800 جنية يجيبولك كاسيت محترم

لو عايز حاجة بشاشة وحركات هات بايونير او سونى وبيعمل من 2500 جنية بس جامد جدا وانسى ياباشا

[Hossam_Zaky]

يا ريت حد يسأل و يدور لأن معرض سيارات بمدينة نصر قاللي أن بعض الكيا البيكانتو الخليجي اللي عن غير طريق الوكيل بتيجي بدون تكييف و يتم تركيبه بمصر هو و الكاسيت و الله أعلم الكلام ده من حوالي شهرين

العهدة علي الراوي لأنه نصحني بشراء بيكانتو الوكيل بالرغم من وجود خليجي عنده

مع ملاحظة أني كنت بسأل عن الأسعار لصديق لي كان ناوي يجيبها و بعدين تراجع عن انه يدخل في أقساط و كمان كانت عاجباه البيكانتو جدا لحد ما شافها علي الطبيعة و وجدها صغيرة جدا مقارنة باسعار عالية جدا تجيب عربية أكبر ( وجهات نظر ) بالأضافة لأن كلام البائع عن التكييف و الكاسيت قلقه

[2CODE]

وليه تشتري اساساً الخليجي انت عارف لو كان الوكيل عمل معاك الحركة دي "مع ان لايمكن تحصل" كنت تطلع عينه وتاخد حقك بزيادة

[Screenplays]

كاسيت ب 8000 جنيه ؟ ليه ؟ لما تشغل اغاني شاكيرا هتنزلك شاكيرا نفسها من الكاسيت ؟ دي حاجه عجيبه و الله

[Mahmode]

مش شرط كيا هات حاجة كينوود او سوني احسن من اللي بينزل فيها كمان

800 جنية يجيبولك كاسيت محترم

لو عايز حاجة بشاشة وحركات هات بايونير او سونى وبيعمل من 2500 جنية بس جامد جدا وانسى ياباشا

السبب الوحيد اللي عاوز أجيب الكاسيت الأصلي عشانه انه راكب كويس وصعب السرقة زائد انه معليهوش اقبال من الحرامية عشان مش حيلاقوله زبون. على عكس البايونير والسوني عليهم اقبال عالي من الحرامية ربنا ياخدهم. معلش أصلي مسروق مني كاسيتين قبل كده. فايهمني قوي الموضوع ده.

[Mahmode]

يا ريت حد يسأل و يدور لأن معرض سيارات بمدينة نصر قاللي أن بعض الكيا البيكانتو الخليجي اللي عن غير طريق الوكيل بتيجي بدون تكييف و يتم تركيبه بمصر هو و الكاسيت و الله أعلم الكلام ده من حوالي شهرين

العهدة علي الراوي لأنه نصحني بشراء بيكانتو الوكيل بالرغم من وجود خليجي عنده

مع ملاحظة أني كنت بسأل عن الأسعار لصديق لي كان ناوي يجيبها و بعدين تراجع عن انه يدخل في أقساط و كمان كانت عاجباه البيكانتو جدا لحد ما شافها علي الطبيعة و وجدها صغيرة جدا مقارنة باسعار عالية جدا تجيب عربية أكبر ( وجهات نظر ) بالأضافة لأن كلام البائع عن التكييف و الكاسيت قلقه

أنا سائل كويس على موضوع التكييف عشان كنت سامع الموضوع ده برضه. بس أكدولي ان التكييف هوا الأصلي بتاعها. وأنا شاري من مكان كبير (مش عاوز أقول اسمه عشان معمللوش دعاية) فا ان شاء الله كلامهم ثقة. الكاسيت كنت عارف انه مش الأصلي ودي حاجة واضحة بس فات عليا أسأل نوعة ايه الكاسيت اللي راكب وأدخله في المقارنة مع الكاسيت الأصلي. لأنه فعلا كاسيت أي كلام على الآخر.