تنبيه هام عن ريو 2012

[ahmedmohamed7]

طيب يا جماعه انا معايا ريو خليجى 2012 هاى لين مبدايا فيها مشكلة زيادة استهلاك البنزين و احمالية عدم استجابة العربية

1-العربيى عاملة 2000 كيلو و عايز اعملها صيانة الاف كيلو ...انا كنت ناسى انها فيها تغير زيت ...اعملها فين _انا ساكن فى مدينة نصر ايه الاماكن الكويسة بتنصحوا بيها ممكن اعمل فيها الصيانة

2-مشكلة البنزين ديه اعمل فيها ايه ؟

[lenovo]

طيب يا جماعه انا معايا ريو خليجى 2012 هاى لين مبدايا فيها مشكلة زيادة استهلاك البنزين و احمالية عدم استجابة العربية

1-العربيى عاملة 2000 كيلو و عايز اعملها صيانة الاف كيلو ...انا كنت ناسى انها فيها تغير زيت ...اعملها فين _انا ساكن فى مدينة نصر ايه الاماكن الكويسة بتنصحوا بيها ممكن اعمل فيها الصيانة

2-مشكلة البنزين ديه اعمل فيها ايه ؟

على فكرة انت بتقييس استهلاك البنزين على اساس ايه يعني بتعمل قد ايه لتر كل ١٠٠ كيلو ثانية موضوع الخنفة ده عادي لانك لو كبست الدواسة جامد حتلاقي العربية نتشت وبعدين حتلاقيها بتجري وعايز تتاكد هات الفتيس الاوتملتيك على وضع النقلات المانيوال (ستبترونيك) واحرق كده وزود الغيارات حتلاقي العربية بتسحب حلو اوي اوي لكن فعلا العربية في وضع الاتوماتيك العادي بتبقي رخمة شويه وخصوصا في المطالع لكن صدقني ده مش عيب لانه عندنا كلنا .. وبالتوفيق يا باشا ويكفيك شر الطريق.

[lenovo]

بخصوص الزيت اوعى تصهين غيره فورا انشالله في اي بنزينة شل نضيفة لان الموضوع مش معقد ده كله فلتر وزيت :)

[SaimOnatoR]

الى الزميل العزيز بخصوص سعة تنك البنزين الرابط يوضح مواصفاته kia motors south africa | new rio sedan specifications

بالنسبة لنشفان العفشة فانا بعد استلام السيارة لقيت الكاوتش منفوخ على اربعين وده بيسبب دب جامد فظبطه على ٣٠ وبقى مالوش صوت نهائي فارجو شوف ظبط الكاوتش

باشا إنا شايف إن دي مواصفات جنوب افريقيا ، اللي أنا متأكد منه إن أنا بفول و اللمبة منورة 33 لتر تقريبا و الكتالوج عندي مكتوب فيه 35 لتر

[ahmad114]

باشا إنا شايف إن دي مواصفات جنوب افريقيا ، اللي أنا متأكد منه إن أنا بفول و اللمبة منورة 33 لتر تقريبا و الكتالوج عندي مكتوب فيه 35 لتر

برضه الموضوع ده هيجنني
لاني شوفت فى مواصفات العربيه انها 45 لتر , بس فعلا التانك ميكملش 40 لتر
نص التانك عندي 16 لتر (عن تجربه) , و لو حسبنا السعه الاحتياطيه اللي هي المفروض تبقي من 3 لي 5 لتر يبقي فعلا تعمل 35 لتر مش 45 ابدا

[كوباية شاى]

الرجالة اللى فى التوبيك دة ياريت يكتبوا اية عيوب العربية و تفرير عن استعمالهم ليها فى الفترة اللى فاتت علشان المعلومات عنها قليلة اوى بالنسبة للى مقبل على الشراء

[2CODE]

الرجالة اللى فى التوبيك دة ياريت يكتبوا اية عيوب العربية و تفرير عن استعمالهم ليها فى الفترة اللى فاتت علشان المعلومات عنها قليلة اوى بالنسبة للى مقبل على الشراء

عن نفسي راضي عنها تماماً ومعنديش اي مشكلة ولله الحمد

[ahmad114]

الرجالة اللى فى التوبيك دة ياريت يكتبوا اية عيوب العربية و تفرير عن استعمالهم ليها فى الفترة اللى فاتت علشان المعلومات عنها قليلة اوى بالنسبة للى مقبل على الشراء

انا تقريبا من اول الناس اللى اشترت العربيه ديه في مصر , هي معايا من مارس اللى فات
العربيه اللى معايا وكيل فول اوبشن سيدان , انا هعمل تقرير مبسط كده علشان الناس اللى مقبله على شراء العربيه تعرف عنها كل حاجه

اولا الشكل العام و التبلوه : من رأي انا شكلها جميل جدا و التبلوه فخم جدا يخلي الواحد يحس انه راكب عربيه فخمه جدا و ده بسبب الخامات النضيفه المستخدمه فى التبلوه و تقفيل الابواب و الكراسي مريحه و التحكم فيها سلس و الوسع الكبير اللى امامك في التبلوه و اللى ممكن تقعد عليه حد من وسعه :) , و فى الاخر الشكل ده وجهات نظر تختلف من شخص لاخر.

ثانيا السحب و استهلاك البنزين : سحب العربيه محترم جدا خصوصا انها 1400 سي سي و فعلا ممكن تشد بيها عن عربيات 1600 و انا جربتها اكثر من مره مع سيارات اخري و كانت اداءها ممتاز من حيث السحب , يعيب السحب بس موضوع المشكله اللى بيقابلها البعض فى بطيء استجابه السياره مع دواسه البنزين و فى اعتقادي انها بتحصل قليل اوي و يمكن تظبيطها فى الصيانه , استهلاك البنزين وسط البلد مدمممممممممممممممممممممممر زى الجيب ال 3700 سي سي بدون اى مبالغه و فى الطرق السريعه مقبول و يمكن مساويتها مع اى عربيه 1600 فى الطرق السريعه و كمان ممكن تزيد سنه :)

العفشه : من الاخر زي السيراتو

ثبات العربيه فى السرعه : عن تجربه انا مشيت بيها على 170 العربيه جمعت السرعه ديه فى وقت كويس جدا و الدريكسيون فى ايدي كان ثابت تماما مبيتهزش و العزل اكثر من رائع , انما مجربتهاش على دوران فى سرعه كبيره و منصحش اى حد يجربها لان مفيش عربيه فى الفئه ديه هتديك نتائج مرضيه , لو عاوز تاخد دوارن على سرعه يبقي هات بي ام دبليو , متنساش انك برضه راكب كيا :)

البابور استيرينج : ده فى رأي الشخصي افضل شيء فى هذه السياره بجد بجد رااااااااااااااااااااائع
الدريكسيون فى ايدك بيبقي سهل جدا فى حاله الوقوف او السرعه البطيئه لدرجه ان صباع يكفي لتحريكه و فى السرعه المتوسطه و السريعه ممكن تسيبه من ثباته و قوته , بجد تقارن بالعربيات المحترمه جدا و الغاليه فى هذه النقطه و افضل بكثييييييييييير من السيراتو فى هذه النقطه , واحد صحبي معاه سيراتو خليجي اول ما جرب العربيه بتعتي اتوهم بالموضوع ده.

الشنطه و الوسع الداخل : انا معايا سيدان الشنطه من وجة نظري واسعه و الوسع الداخلي للعربيه انا شايفه زي السيراتو محستش بفرق , اللى بيجلس ورا بيقعد مستريج جدا حتي و اللى راكب ادام مرجع الكرسي لورا

نظام الصوت : انا مش سميع اوى بس ناس اصحابي قالوا ان الصوت فيها مش كويس , و يمكن ده علشان الفول اوبشن السماعات فى الابواب بس مفيش ورا فده اللى عامل مشكله , اعتقد الهاي لاين او الخليجي فيها سماعات ورا و ده اكيد هيظبط

الفرامل : ممتازه جدا مع ان العربيه اللى معايا مش abs بس كويسه , يعيبها صوت طقطه خفيف فى حاله الضغط عليها ضغطه خفيفه و العربيه فى حاله الثبات او ماشيه براحه و لما تضغط عليها بقوه بيروح الصوت ده

الفتيس : حلو مفهوش مشاكل :)

التكييف : جيد جدا و صوته بيبقي عالى فقط على السرعه الاخيره رقم 4 , و اعتقد انه بيأثر على سحب العربيه و ايضا بيستهلك بنزين عالى .

يعني لو حصرنا عيوبها هتكون 1- استهلاك البنزين 2- طقطه الفرامل (من وجهة نظري مش باينه و يمكن انك برجل متسمعهاش ابدا) 3- استجابه العربيه لدواسه البنزين 4- نظام الصوت فى الفئات الاقل من الهاي لاين 5- العفشه النشفه اللى معودانا عليها كيا فى اغلب عربيتها (ربنا يهديهم)



لو نسيت حاجه حد يفكرني بيها و انا اقوله عامله ايه

[lenovo]

والله سعة تنك البنزين ٤٣ لتر انا كان مؤشر البنزين النهاردة عند الربع الاولاني وزودت بنزين عملت ١٢ لتر .. ماينفعش تنك العربية يبقى ٣٥ لتر ابدا ديه مواصفات اساسية في اي عربية باختلاف تنزيلها في اي بلد وانا فعلا متاكد ...

[lenovo]

احمد باشا ممكن اسالك عن التكييف اذا كان بياخد وقت على ما بيسقع ولا لا اصل انا شغلته النهاردة اول مرة وخد معايا وقت على ما سقع العربية وخصوصا كانت العربية مركونة في شمس شويه وانا كمان كنت خايف اشغله علشان عامل ٢٨٠ كم بس لما قريت الكتالوج كان التحير بس في عد القرص في الالف كيلو الاولانيه لكن مجابش سيرة التكييف فده طمني وشكر ا

[lenovo]

بصراحة انا ليا واحد صاحبي معاه Rb accent لما ركب الريو وشاف البور وطلعت العربية الاتوماتيك دخلت دماغه اوي وقاللي انها احسن من الRB فبصراحة رفع من معنوياتي جدا

[ahmad114]

احمد باشا ممكن اسالك عن التكييف اذا كان بياخد وقت على ما بيسقع ولا لا اصل انا شغلته النهاردة اول مرة وخد معايا وقت على ما سقع العربية وخصوصا كانت العربية مركونة في شمس شويه وانا كمان كنت خايف اشغله علشان عامل ٢٨٠ كم بس لما قريت الكتالوج كان التحير بس في عد القرص في الالف كيلو الاولانيه لكن مجابش سيرة التكييف فده طمني وشكر ا

طبيعي ان التكييف ياخد وقت عبل ما تحس بيه لو كانت العربيه مركونه فى الشمس و درجه الحراره العاليه بتاعت اليومين دول و انصحك انك تبدأ باعلي سرعه ليه فى الاول لحد ما تحس بيه و بعد كده تنزله شويه و ممكن تسيب الازاز مفتوح فى الاول لحد ما تبدأ تحس ان الهو بتاع التكييف بقي ابرد من الهوا الخارجي و بعد كده تقفل الازاز ده هيسرع من عمليه التكييف خصوصا ان لو العربيه مركونه فى الشمس هواء التكييف فى الاول بيبقي اسخن من الهواء الخارجي و ده يبطيء سرعه التكييف لو انت قافل الازاز, متقلقش , لو كانت فى ضله او الحراره اخف من كده هيسقع على طول

[lenovo]

تصدق فعلا انت عندك حق انا كنت راكن النهاردة في جراج الشغل تحت الارض ولما شغلت التكييف العربية كانت مش متعرضة لشمس ولا حاجة ... فعلا التكييف جمع بسرعة واداءة كان كويس جدا .. انت كنت ابدتيت اقلك في الاول لكن الحمدلله التكييف طلع تمام .

[mody3on]

غريبة بصراحة .. المفروض العربية استهلاكها ميزيدش عن 7.2 لتر/100 كيلو
ده في المدينة كمان , عالطريق مفروض يكون 4.5 لتر/100 كيلو
يعني مفروض لو سواقة mixed يكون 5.5 لتر بالكتير !
ممكن عشان التكييف !

[كوباية شاى]

استاذ احمد شكرا جزيلا على اهتمامك و ردك :)

سؤال اخير هل موضوع سحب البنزين العالى فى المدينة دة مع تشغيل الايكو بردو ولا لا . و هل تشغيل الايكو بياثر اوى على السحب والتكييف ولا مش اوى ؟؟